OMG: આ દુર્લભ પક્ષીને જોઈને જટાયુની યાદ આવી જશે, લોકોની ભીડ જોવા ઊમટી; વીડિયો વાયરલ

કાનપુર. પૃથ્વી પર થતા અસામાન્ય ફેરફારો ક્યારેક પક્ષીઓને પણ ભટકાવી દે છે. ઘણી વખત આપણને શહેરોમાં એવા પક્ષીઓ કે પ્રાણીઓ જોવા મળે છે જે ક્યારેય જોવા મળતા નથી અથવા જેને આપણે લુપ્ત માનીએ છીએ. આવો જ એક વીડિયો કાનપુરથી વાયરલ થઈ રહ્યો છે, જેમાં હિમાલયની બરફીલા શિખરોમાં જોવા મળતું એક ગીધ જોવા મળે છે. આ જોઈને લોકો વીડિયો બનાવવા લાગ્યા. તમને જાણીને નવાઈ લાગશે કે આ દુર્લભ ગીધની લંબાઈ એટલી છે કે પહેલી નજરે તમને લાગશે કે આ જટાયુ ક્યાંથી આવ્યો?

છ ફૂટ લાંબી પાંખો

તમને જણાવી દઈએ કે, આ એક લુપ્તપ્રાય હિમાલયન પ્રજાતિનું ગીધ છે, જે કાનપુરના કર્નલગંજના ઈદગાહ કબ્રસ્તાનમાં જોવા મળે છે. સ્થાનિક લોકોના કહેવા પ્રમાણે, તે એક-બે દિવસમાં નહીં પરંતુ લગભગ એક અઠવાડિયાથી આ વિસ્તારમાં છે. છ-છ ફૂટ લાંબી પાંખો ધરાવતા આ મહાકાય પક્ષીને ઈદગાહમાં રહેતા સફીક નામના યુવકે અન્ય 5 લોકો સાથે મોટી ચાદર ખેંચીને પકડ્યું હતું. ત્યારથી તેને જોવા માટે લોકોની ભીડ ઉમટી રહી છે. જોકે, હવે તેને વન વિભાગની ટીમને સોંપવામાં આવ્યું છે.

#WATCH | UP: A rare vulture was captured in Eidgah cemetery of Kanpur's Colonelganj yesterday. The locals handed it over to Forest Dept.

A local says, "The vulture had been here for a week. We tried to catch it but didn't succeed. Finally, we captured it when it came down." pic.twitter.com/7t5QWXiN3h

— ANI (@ANI) January 9, 2023

આ પણ વાંચોઃ શ્રીલંકા સામેની વન ડે સિરીઝમાં ઈન્ડિયાનો આ દિગ્ગજ ક્રિકેટર ટીમમાંથી થયો બહાર

દુર્લભ પ્રજાતિનું ગીધ

વન વિભાગે આ ગીધને પ્રાણી સંગ્રહાલય પ્રશાસનને સોંપી દીધું છે. જ્યાં તેને ક્વોરેન્ટાઈન કરવામાં આવ્યું છે. આવી દુર્લભ પ્રજાતિનું આ ગીધ ક્યાંથી આવ્યું તેની પણ તપાસ કરવામાં આવી રહી છે. આ દરમિયાન તેની દરેક ગતિવિધિ પર પણ નજર રાખવામાં આવી રહી છે. એવું કહેવામાં આવી રહ્યું છે કે અહીં ગીધની જોડી હતી, જેમાંથી એક ગીધ સ્થળ પરથી ઉડી ગયું.

ગીધોની સંખ્યામાં 99 ટકાથી વધુ ઘટાડો થયો

જણાવવામાં આવી રહ્યું છે કે તે હિમાલયન ગ્રિફોન ગીધ છે, જે મોટાભાગે તિબેટના ઉચ્ચપ્રદેશના હિમાલયમાં જોવા મળે છે. એક રિપોર્ટ અનુસાર, હિમાલયન ગીધ મોટાભાગે પર્વતીય વિસ્તારોમાં જોવા મળે છે, જે 1200થી 5 હજાર 500 મીટરની ઉંચાઈ પર દેશથી માંડી પાકિસ્તાન, ઉઝબેકિસ્તાન, તાજિકિસ્તાન, ઈરાન, કઝાકિસ્તાન, નેપાળ, ભૂટાન અને તિબેટ સુધી જોવા મળે છે. 1990ના દાયકામાં ભારતીય ઉપખંડમાં ગીધની વસ્તીમાં ઘટાડો થયો હતો. નેશનલ જિયોગ્રાફિકના એક રિપોર્ટ અનુસાર, 1990ના દાયકાથી ગીધની સંખ્યામાં 99 ટકાથી વધુનો ઘટાડો થયો છે.

જોવા માટે લોકોની ભીડ ઊમટી

ANIએ આ વીડિયો શેર કર્યો છે. જે બાદ સોશિયલ મીડિયા પર આવા સેંકડો વીડિયો આવવા લાગ્યા. લોકો વિવિધ પ્રકારની પ્રતિક્રિયાઓ આપી રહ્યા છે. ગીધની મોટી પાંખો અને તેની સુંદરતાનું ખૂબ જ સારી રીતે વર્ણન કરવામાં આવી રહ્યું છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર