Coronavirus : જર્મની અને ફ્રાન્સમાં ઝડપથી વધી રહ્યા છે કોરોનાના કેસ, જાણો બાકી દેશોનો હાલ

કોરોના વાયરસ (Coronavirus) વિશ્વમાં ફરી ઝડપથી ફેલાઈ રહ્યો છે. ભારતમાં સતત છઠ્ઠા દિવસે 2000 થી વધુ કેસ મળી આવ્યા છે. ચીનના (Chin) શાંઘાઈમાં છેલ્લા 24 કલાકમાં કોરોનાના કારણે 39 લોકોના મોત થયા છે, જ્યારે 21,058 સંક્રમિત પણ જોવા મળ્યા છે. આ સાથે જ એક સપ્તાહમાં જર્મની અને ફ્રાન્સમાં કોવિડથી મોતનો આંકડો વધી ગયો છે.

વર્લ્ડોમીટરના ડેટા અનુસાર, વિશ્વના 82 સૌથી ગરીબ દેશોમાં, 70% રસીકરણનો લક્ષ્યાંક માત્ર થોડા જ દેશોમાં પૂરો થયો છે. ઓક્સફર્ડ યુનિવર્સિટીના ડેટા અનુસાર, ઘણા દેશો 20% થી નીચે છે. તેનાથી વિપરીત, 70% રસી (અમેરિકામાં 66%) વિશ્વના બે તૃતીયાંશ સમૃદ્ધ દેશોમાં આપવામાં આવી છે.

1. ભારતમાં છેલ્લા 24 કલાકમાં કોરોના વાયરસના 2,541 નવા કેસ નોંધાયા છે. આ પછી, ભારતમાં કોવિડ -19 ના કુલ કેસ વધીને 4,30,60,086 થઈ ગયા છે. સક્રિય કેસ વધીને 16,522 થઈ ગયા છે.

2. ચીન ફરી કોરોના સામે લડી રહ્યું છે. ઘણા શહેરોમાં કડક લોકડાઉન છે. શાંઘાઈ હેલ્થ કમિશન અનુસાર, માર્ચથી અત્યાર સુધીમાં શાંઘાઈમાં 87 લોકોના મોત થયા છે. કોરોનાને લઈને ચીનમાં ઝીરો કોવિડ પોલિસી લાગુ છે.

આ પણ વાંચો - માણસમાં પહેલીવાર H3N8 બર્ડ ફ્લૂ સંક્રમણ, ચીનમાં નોંધાયો પ્રથમ કેસ, જાણો કેટલો છે ખતરનાક

3. વર્લ્ડોમીટરના રિપોર્ટ અનુસાર છેલ્લા 24 કલાકમાં ફ્રાન્સમાં 58,000 અને અમેરિકામાં 12,000 કેસ જોવા મળ્યા છે. દક્ષિણ કોરિયામાં સૌથી વધુ 64,725 નવા કેસ નોંધાયા છે. મૃત્યુની સંખ્યા વિશે વાત કરીએ તો, ફ્રાન્સમાં 40 અને યુએસમાં 14 લોકોએ જીવ ગુમાવ્યો છે.

4. સ્વાસ્થ્ય મંત્રાલયના જણાવ્યા અનુસાર, મલેશિયામાં છેલ્લા 24 કલાકમાં 4,006 નવા કોરોના કેસ જોવા મળ્યા છે. આ પછી દેશમાં કોરોનાના કુલ 4,431,073 કેસ નોંધાયા છે. રવિવારે 8 લોકોના મોત નીપજ્યા, મૃત્યુઆંક 35,499 પર પહોંચી ગયો.

આ પણ વાંચો -Coal crisis: શા માટે દેશ પર તોળાઇ રહ્યું છે કોલસાનું સંકટ? આ 5 પોઇન્ટ્સમાં સમજો તમામ કારણો

5. અમેરિકાના ઉપરાષ્ટ્રપતિ કમલા હેરિસ કોરોના પોઝિટિવ આવ્યા છે. વ્હાઇટ હાઉસે એક નિવેદન જાહેર કરીને કહ્યું છે કે કમલા હેરિસનો કોરોના રિપોર્ટ મંગળવારે પોઝિટિવ આવ્યો છે. વ્હાઇટ હાઉસે એક નિવેદન જાહેર કરીને કહ્યું છે કે અમેરિકી રાષ્ટ્રપતિ જો બાયડેન અને ફર્સ્ટ લેડી જિલ બાયડેને છેલ્લા કેટલાક દિવસોમાં કમલા હેરિસના સંપર્કમાં આવ્યા નથી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Coronavirus