જ્યારે PM મોદીના મંત્રીએ કહ્યું, રાહુલ હવે 'પપ્પૂ' નથી રહ્યા, 'પપ્પા' બની ગયા છે

ન્યૂઝ18 ગુજરાતી: હિન્દી હાર્ટલેન્ડમાં ભાજપની હાર અને કોંગ્રેસની મોટી જીત પર કેન્દ્રીય મંત્રી રામદાસ આઠવલેએ કોંગ્રેસ અધ્યક્ષ રાહુલ ગાંધીના જોરદાર વખાણ કર્યા છે. તેઓએ સંકેત આપ્યો કે કોંગ્રેસ અધ્યક્ષ હવે એક પરિપક્વ નેતા બની ગયા છે. જોકે, વિધાનસભા ચૂંટણીમાં ભાજપની હાર પર તેઓએ કહ્યું કે આ હારનો વડાપ્રધાન નરેન્દ્ર મોદી સાથે કોઈ સંબંધ નથી.

થાણેમાં પત્રકારો સાથેની વાતચીતમાં કેન્દ્રીય મંત્રીએ કહ્યું કે, રાહુલ ગાંધીએ ત્રણેય રાજ્યોમાં સારી જીત મેળવી છે. તે હવે પપ્પૂ નથી પરંતુ પપ્પા બની ગયા છે. આઠવલેની પાર્ટી આરપીઆઈ એનડીએની સહયોગી પાર્ટી છે.

વિધાનસભા ચૂંટણીમાં ભાજપની સીટો ઓછી આવવા પર તેઓએ કહ્યું ચૂંટણીમાં હાર ભાજપની છે ન કે વડાપ્રધાન નરેન્દ્ર મોદીની.

આઠવલેએ શિવસેનાને ભાજપની સાથે ગઠબંધન કાયમ રાખવાની સલાહ પણ આપી. તેઓએ કહ્યું કે, શિવસેનાને ભાજપની સાથે પોતાનું ગઠબંધન ચાલુ રાખવું જોઈએ. જો આ ગઠબંધન ચાલુ નહીં રહે તો શિવસેનાને નુકસાન થશે.

આ પણ વાંચો, ઉત્તર ભારતમાં હિમવર્ષાને પગલે રાજ્યમાં કાતિલ ઠંડી; લેહમાં માઇનસ 15.6 ડીગ્રી તાપમાન

આઠવલેએ વધુમાં કહ્યું કે, હું શિવસેનાના પ્રમુખ ઉદ્ધવ ઠાકરેથી સેના સુપ્રીમો બાલ ઠાકરેના સપનાઓને પૂરા કરવાની અપીલ કરું છું. શિવસેનાએ એકલા ચૂંટણી લડવા માટે ન વિચારવું જોઈએ.

તેઓએ કહ્યું કે, કોંગ્રેસના એવી ધારણામાં ન રહેવું જોઈએ કે માત્ર રાફેલ ડીલનો મુદ્દો ઉઠાવીને તે 2019ની ચૂંટણી જીતી લેશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Assembly elections, Ramdas athawale, કોંગ્રેસ, ભાજપ, રાહુલ ગાંધી