હોમવર્ક ન લાવ્યો તો શિક્ષકે વિદ્યાર્થીને એટલો માર્યો કે શાળામાં જ મરી ગયો

શિક્ષક અને વિદ્યાર્થીનો ફાઇલ ફોટો

બાળકોએ જણાવ્યું હતું કે, આરોપી મનોજે નિર્દયતાથી ગણેશને લાત અને મુક્કાથી માર્યો હતો અને તેને જમીન પર પછાડ્યો હતો.

  • Share this:
    રાજસ્થાનના (Rajasthan) ચુરુ જિલ્લાના સાલાસરના કોલાસર ગામમાં એક હૃદયદ્રાવક કિસ્સો પ્રકાશમાં આવ્યો છે. અહીંની એક ખાનગી શાળામાં આઠમા ધોરણના વિદ્યાર્થીને (teacher beat student till death) શિક્ષકે નિર્દયતાથી માર માર્યો હતો. 13 વર્ષના બાળકનો એકમાત્ર દોષ એ હતો કે, તેણે પોતાનું હોમવર્ક (honework) કર્યું ન હતું, જેના કારણે ગુસ્સે ભરાયેલા શિક્ષકે કથિત રીતે તેનો જીવ લીધો હતો. બાળકના પિતાની ફરિયાદના આધારે પોલીસે આરોપી શિક્ષકની ધરપકડ કરી છે. શિક્ષણમંત્રીએ તપાસ પૂરી ન થાય ત્યાં સુધી શાળાની માન્યતા રદ કરવા અધિકારીને આદેશ કર્યો છે.

    આ પહેલા પણ બાળકે ઘરે ફરિયાદ કરી હતી

    સાલાસર પોલીસના એસએચઓ સંદીપ બિશ્નોઈના જણાવ્યા મુજબ, કોલાસરના રહેવાસી ઓમપ્રકાશે ફરિયાદ નોંધાવી છે. ફરિયાદ છે કે, તેનો પુત્ર ગણેશ કોલાસર જે ખાનગી શાળા મોર્ડન પબ્લિક સ્કૂલના સાતમા ધોરણનો વિદ્યાર્થી હતો. જે બે-ત્રણ મહિનાથી શાળાએ જતો હતો. ગણેશે છેલ્લા 15 દિવસમાં તેના પિતાને ત્રણ-ચાર વખત ફરિયાદ કરી હતી કે, તેનો શિક્ષક મનોજ તેને બિનજરૂરી રીતે માર મારતો હતો.

    શાળામાંથી શિક્ષકનો ફોન આવ્યો

    બુધવારે પણ ગણેશ શાળાએ ગયો હતો. સવારે 9.15 વાગ્યે, ગણેશના પિતા ઓમપ્રકાશને શાળાના આરોપી શિક્ષક મનોજનો ફોન આવ્યો કે, ગણેશ ગૃહકાર્ય લાવ્યો નથી. તેથી તેને માર મારવામાં આવ્યો જેના કારણે તે બેભાન થઈ ગયો. ખેતરમાં કામ કરતા પિતાએ આરોપી શિક્ષકને પૂછ્યું કે, તે બેહોશ થઈ ગયો છે કે મરી ગયો છે? આ અંગે આરોપી શિક્ષકે કહ્યું કે, તે મરી જવાનો ઢોંગ કરી રહ્યો છે.

    શિક્ષકે બાળકને જમીન પર પછાડ્યો હતો

    થોડા સમય પછી ઓમપ્રકાશ શાળામાં પહોંચ્યા, જ્યાં તેમની પત્ની પહેલેથી હાજર હતી. શાળાના બાકીના બાળકો ગભરાઈ ગયા હતા. બાળકોએ જણાવ્યું હતું કે, આરોપી મનોજે નિર્દયતાથી ગણેશને લાત અને મુક્કાથી માર્યો હતો અને તેને જમીન પર પછાડ્યો હતો. આ નિર્દયતાને કારણે ગણેશને લોહી નીકળ્યું. સંબંધીઓના આવ્યા પછી, ઘાયલ બાળકને સાલાસરની ખાનગી હોસ્પિટલમાં લઈ જવામાં આવ્યો, જ્યાં ડોક્ટરોએ ગણેશને મૃત જાહેર કર્યો.

    શિક્ષકની ધરપકડ

    પોલીસે તાત્કાલિક કાર્યવાહી કરીને આરોપી શિક્ષકની ધરપકડ કરી છે. સાલાસર પોલીસે બાળકના મૃતદેહને સરકારી હોસ્પિટલના શબગૃહમાં રાખ્યો છે. અહીં મૃતક વિદ્યાર્થીનું પોસ્ટમોર્ટમ ત્રણ તબીબોના મેડિકલ બોર્ડ દ્વારા કરવામાં આવ્યું હતું.
    Published by:Kaushal Pancholi
    First published: