ખતરનાક પ્લાન: સાળીએ જીજા સાથે બદલો લેવા માટે તેના મકાનમાં ભરી દીધા વિસ્ફોટક

પોલીસે સાળી સહિત ત્રણ લોકોની ધરપકડ કરી.

રાજસ્થાનના કોટામાં સંબંધોને તારતાર કરતો એક બનાવ સામે આવ્યો છે. અહીં સાળીએ બદલો લેવા માટે જીજાના મકાનને વિસ્ફોટકથી ઉડાવી દેવાનો પ્લાન ઘડ્યો હતો.

  • Share this:
    શાકિર અલી, કોટા: વ્યક્તિગત દુશ્મની કાઢવા માટે કોઈ વ્યક્તિ કેટલી હદ સુધી જઈ શકે છે તેનો એક દાખલો રાજસ્થનના કોટા (Kota-Rajasthan)માં જોવા મળ્યો છે. કોટાના મોડક પોલીસ મથક વિસ્તારમાં એક સાળી (Sister-In-Law)ને તેના જીજા સાથે દુશ્મની ચાલી રહી હતી. પોતાની દુશ્મની કાઢવા માટે સાળીએ ખતરનાક પ્લાન ઘડતા સાળીએ જીજાના મકાનને દારૂગોળાથી ઉડાવી દેવાનો પ્લાન ઘડ્યો હતો. જે અંતર્ગત તેણે જીજાના મકાનની દીવાલમાં ડેટોનેટર અને જિલેટિનને 65 ફૂટ લાંબા તાર સાથે ફીટ કરી દીધા હતા. જોકે, જીજાના નસિબ સારા હતા કે પાડોશીઓએ તેમને આ અંગે જાણ કરી દીધી હતી. પોલીસે આરોપી સાળી, તેના પતિ અને ભાઈની ધરપકડ કરી છે.

    પોલીસના જણાવ્યા પ્રમાણે ધરપકડ કરવામાં આવેલા લોકોમાં લક્ષ્મી, તેનો પતિ ગણેશ અને ભાઈ બબલૂ શામેલ છે. પ્રારંભિક તપાસમાં સામે આવ્યું છે કે લક્ષ્મીની તેના જીજા રાજેન્દ્ર કુમાર સાથે દુશ્મની ચાલી રહી હતી. જેનો બદલો લેવા માટે લક્ષ્મીએ તેના પતિ ગણેશ અને ભાઈ બબલૂ સાથે મળીને જીજા રાજેન્દ્રના મકાનને વિસ્ફોટકથી ઉડાવી દેવાનું ષડયંત્ર ઘડ્યું હતું.

    આ પણ વાંચો: લગ્નના બે વર્ષ સુધી સંતાન ન થતાં નરાધમ પતિએ પત્નીને તાંત્રિકના હવાલે કરી દીધી

    પોલીસે વિસ્ફોટકો નિષ્ક્રિય કર્યાં

    આ માટે આરોપીઓએ રાજેન્દ્ર કુમારના મકાનની દીવાલમાં ડેટોનેટર અને જિલેટિન ફીટ કરી દીધા હતા. તેને 65 ફૂટ લાંબા તાર સાથે જોડી દીધા હતા. ગામના લોકોએ આ અંગે જાણકારી મળતા તેમણે રાજેન્દ્રને આ અંગે જાણકારી આપી હતી. જે બાદમાં પોલીસને આ વાતની જાણ કરવામાં આવી હતી. જે બાદમાં પોલીસે નિષ્ણાતોને બોલાવીને વિસ્ફોટકોને નિષ્ક્રિય કર્યાં હતાં.

    આ પણ વાંચો: સુરત પાર્ટી ડ્રગ કેસમાં મોટો ખુલાસો: ડ્રગ બનાવવા મુખ્ય આરોપીએ ઘરે જ ઊભી કરી હતી લેબ


    આ પણ વાંચો: વલસાડ: 95 વર્ષીય વૃદ્ધ પિતાને કળિયુગી કપૂતે પાઇપ અને સાવરણાથી ફટકાર્યા, ઢસડીને ઘરે ગઈ ગયો


    કોટા ગ્રામ્ય વિસ્તારમાં કોટા સ્ટોન સહિત પથ્થરોનું ખોદકામ થાય છે. અહીં પથ્થરો કાઢવા માટે વિસ્ફોટકોનો ઉપયોગ થાય છે. આથી આરોપી લક્ષ્મી અને તેના પતિને ખૂબ સરળતાથી વિસ્ફોટક મળી ગયા હતા. કોટા પોલીસ આ મામલે વધારે પૂછપરછ કરી રહી છે.
    Published by:Vinod Zankhaliya
    First published: