પતિ સિવાય 4 પ્રેમીઓ, પછી એક હત્યા, પોલીસે રહસ્યમય Murder Caseનો કર્યો ખુલાસો

પોલીસે રહસ્યમય Murder Caseનો કર્યો ખુલાસો

સનસનાટીભર્યા કેસમાં પોલીસે લગભગ 4 ડઝન લોકોની પૂછપરછ કર્યા બાદ મુખ્ય આરોપી મુકેશ શર્મા ઉર્ફે સુક્ય ગંગપુરની ધરપકડ કરી છે.

  • Share this:
    જયપુર : 31 ઓગસ્ટના રોજ રાજસ્થાન (Rajasthan) ની રાજધાની જયપુર (Jaipur) ની મુહાના મંડીમાં યુવકની હત્યા (Muhana Murder Case) અને મહિલાની હત્યાના પ્રયાસનો ખુલાસો સામે આવ્યો છે. પોલીસે આરોપી મુકેશ શર્માની ધરપકડ કરી છે. આ સનસનાટીભર્યા કેસમાં પોલીસે લગભગ 4 ડઝન લોકોની પૂછપરછ કર્યા બાદ મુખ્ય આરોપી મુકેશ શર્મા ઉર્ફે સુક્ય ગંગપુરની ધરપકડ કરી છે.

    પોલીસ પાસેથી પ્રાપ્ત માહિતી અનુસાર, ગંભીર રીતે ઘાયલ થયેલી મહિલા કલાવતી ઉર્ફે બસંતી હઝારીબાગ ઝારખંડની રહેવાસી છે. તેના લગ્ન બાળપણમાં સવાઈ માધોપુર ગંગપુર શહેરના રહેવાસી નાથુ કોલી સાથે થયા હતા. નાથુ કોલી સાથે પરસ્પર વિવાદના કારણે કલાવતી ઉર્ફે બસંતીએ ગંગપુર શહેર નજીકના ગામના ઘાસી રામ રેગર સાથે લિવ-ઇન રિલેશનશિપમાં રહેવાનું શરૂ કર્યું.

    ઘાસીરામ વૃદ્ધ હોવાથી, તે પડોશમાં રહેતા કન્હૈયાલાલ સાથે રહેવા ગામથી જયપુરના પ્રતાપનગર આવી રહેવા લાગી. કન્હૈયાલાલે પ્રેમથી કલાવતીને બસંતી નામ આપી દીધુ. બસંતી અને કન્હૈયાલાલને ત્રણ બાળકો, બે પુત્ર અને એક પુત્રી છે. પછી કન્હૈયાલાલ એક માર્ગ અકસ્માતમાં પગના ફ્રેક્ચરને કારણે સારવાર હેઠળ હતા, ત્યારે બસંતીને મુકેશ શર્મા સાથે પ્રેમ થઈ ગયો. મુકેશ શર્માને બસંતીથી એક પુત્ર અને પુત્રી છે. બસંતીએ મુકેશ શર્માનું નામ પણ તેના હાથના કાંડા પર લગાવી રાખ્યું હતું.

    પોલીસે આ રીતે પૂરા મામલે ખુલાસો કર્યો

    આરોપી મુકેશ શર્મા પ્રતાપનગર જયપુરમાં મજૂરી કામ કરતો હતો. બસંતીને જયપુરમાં રહેતા દરમિયાન, અન્ય વ્યક્તિ, મોહના ધાકડ ઉર્ફે મોહન સિંહ ધાકડ સાથે પણ અફેર થયુ હતું અને તે મોહન ધાકડ સાથે ઘણીવાર રહેવા લાગી ગઈ. આ વાતથી મુકેશ શર્મા ભારે નારાજ હતા. 30 ઓગસ્ટના રોજ આરોપી મુકેશ શર્મા તેના 7 વર્ષના પુત્ર સાથે બસંતીની શોધ માટે જયપુર આવ્યો હતો. તે જ દિવસે સાંજે બસંતીના ત્રણ પ્રેમીઓ કન્હૈયાલાલ, મુકેશ અને મોહન ધાકડ અને કન્હૈયાલાલની ગર્લફ્રેન્ડ કમલી મુહાના મંડી પરિસરમાં એક જગ્યાએ ભેગા થયા.

    આ પણ વાંચોસુરત: માતા-પિતા માટે ચેતવણી, 'મોબાઈલ લઈ લીધો એમાં લાડલીએ દુનિયા છોડી દીધી

    વાતચીત દરમિયાન મુકેશ શર્માનો બસંતી અને મોહન ધાકડ સાથે વિવાદ થયો હતો. મોહન અને બસંતી વધુ નશામાં હોવાથી વિવાદ વધ્યો. ત્યારબાદ મુકેશે મોહન પર સ્થળ પર પડેલા પથ્થરથી હુમલો કર્યો. જ્યારે બસંતી બચાવવા માટે આવી ત્યારે તેણે તેની સાથે પણ ગંભીર હુમલો કર્યો. લડાઈમાં મોહન ધક્કડનું મૃત્યુ થયું. ઘટના બાદ બસંતીનો પૂર્વ બોયફ્રેન્ડ કન્હૈયાલાલ તેની પ્રેમિકા કમલી સાથે ફરાર થઈ ગયો હતો. તેણે પોલીસ પૂછપરછ દરમિયાન સમગ્ર મામલે ખુલાસો કર્યો છે. પકડાયેલા આરોપીને કોર્ટમાં રજૂ કરીને ત્રણ દિવસના રિમાન્ડ લેવામાં આવ્યા છે.
    Published by:kiran mehta
    First published: