RPFમાં કોન્સ્ટેબલની 19 હજારથી વધુ જગ્યાઓ માટે ભરતી? રેલવે તરફથી સામે આવ્યું નિવેદન

નવી દિલ્હી: રેલવે પોલીસ ફોર્સ (RPF)એ બુધવારે કોન્સ્ટેબલની 19,800 જગ્યાઓ પર ભરતીના અહેવાલોને ફગાવી દીધા હતા. આ સાથે તેમણે જણાવ્યું કે, ‘રેલવે દ્વારા આવી કોઈ સૂચના જારી કરવામાં આવી નથી.’ વાસ્તવમાં સોશિયલ મીડિયા પર સમાચાર વહેતા થઈ રહ્યા હતા કે RPFમાં 19 હજારથી વધુ કોન્સ્ટેબલની જગ્યાઓ માટે ભરતી કરવામાં આવી છે. તેને જોતા આરપીએફ તરફથી આ નિવેદન આવ્યું છે.

રેલ્વે સુરક્ષા ફોર્સે કહ્યું, ‘સોશિયલ મીડિયા અને અખબારોમાં 19,800 કોન્સ્ટેબલ પોસ્ટની ભરતી અંગેના સમાચાર નકલી છે.’ તેઓએ તે પણ સ્પષ્ટ કર્યું છે કે, રેલ્વેએ નોકરી માટે આવી કોઈ સૂચના જારી કરી નથી.

આ પણ વાંચો: પાકિસ્તાનનું અર્થતંત્ર ડૂબી ગયું!  હાલત શ્રીલંકા જેવી થઈ

રેલવે દ્વારા જારી કરવામાં આવેલા એક નિવેદનમાં કહેવામાં આવ્યું છે કે, ‘રેલવે સુરક્ષા ફોર્સમાં કોન્સ્ટેબલની 19,800 પોસ્ટની ભરતીને લઈને સોશિયલ મીડિયા અને અખબારોમાં નકલી મેસેજ ફરતો થઈ રહ્યો છે. જેથી આ જાણ કરવામાં આવે છે કે RPF અથવા રેલવે મંત્રાલય દ્વારા તેમની સત્તાવાર વેબસાઇટ પર અથવા કોઈપણ પ્રિન્ટ અથવા ઇલેક્ટ્રોનિક મીડિયા દ્વારા આવી કોઈ સૂચના જારી કરવામાં આવી નથી’

આ પણ વાંચો: રાહુલ ગાંધીની મુશ્કેલીઓ વધશે, હત્યાનો કેસ નોંધવા પહોચ્યા જગદગુરુ પરમહંસાચાર્ય

રેલવેએ વધુમાં કહ્યું કે, ‘અમે પુનરોચ્ચાર કરીએ છીએ કે, આરપીએફમાં કોન્સ્ટેબલની ભરતીના સમાચાર નકલી છે અને દરેકે તેને અવગણવા જોઈએ.’

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Railway Jobs, Railway police, Railway recruitment