Home /News /national-international /

દેશના આત્મા પર હુમલો, આખું વિપક્ષ જવાનો અને સરકાર પડખે ઊભું છે : રાહુલ

દેશના આત્મા પર હુમલો, આખું વિપક્ષ જવાનો અને સરકાર પડખે ઊભું છે : રાહુલ

કોંગ્રેસ અધ્યક્ષ રાહુલ ગાંધી (ફાઇલ ફોટો)

સમગ્ર વિપક્ષ અને કોંગ્રેસ પાર્ટી સેના અને સરકારની સાથે ઊભી છે, આતંકવાદીઓ આ દેશની એકતાને તોડી નહીં શકે: રાહુલ ગાંધી

    ન્યૂઝ 18 ગુજરાતી: જમ્મુ કાશ્મીરના પુલવામાં થયેલા ફિદાયીન હુમલામાં શહીદ થયેલા 37 જવાનો પ્રત્યે સંવેદના વ્યક્ત કરતા કોંગ્રેસ અધ્યક્ષ રાહુલ ગાંધીએ સેના અને સરકારને કોંગ્રેસ અને વિપક્ષનો ટેકો હોવાનો જણાવ્યું હતું. રાહુલ ગાંધીએ પૂર્વ વડા પ્રધાન ડૉ. મનમોહન સિંઘ સાથે એક પત્રકાર પરિષદ યોજી જણાવ્યું હતું કે આ મુદ્દે અમે કોઈ રાજકીય નિવેદન કરવા માગતા નથી. હઆ હુલમો દેશના આત્મા પર થયો છે. હું દુઃખી છું. અમે સેના અને સરકારને સંપૂર્ણ સહયોગ આપીશું.

    રાહુલ ગાંધીએ પુલવામાં હુમલા અંગે જણાવ્યું, “આ પ્રકારની હિંસા આપણ આતંકવાદનો ઉદ્દેશ્ય દેશના બે ટુકડા કરવાનો છે. આતંકવાદ દેશને તોડવાનો પ્રયાસ કરે છે. આ દેશને કોઈ પણ શક્તિ તોડી નહીં શકે, સમગ્ર વિપક્ષ સુરક્ષા દળો અને સરકાર સાથે ઊભો છે. આ હુમલો, ભારતની આત્મા પર હુમલો છે. દેશના સૌથી વધુ જરૂરી લોકો છે, તેમની વિરુદ્ધ થયો છે. અમે તેમની સાથે ઊભા છે. જે લોકોએ હુમલો કર્યો છે તે સાંભળી લે કે અમે એક કણ નુકસાન કરી નહીં શકીએ.“

    આ પણ વાંચો: સુરક્ષા દળોને છૂટો દૌર આપી દેવાયો છે, આતંકીઓએ આ વખતે ભૂલ કરી : PM નરેન્દ્ર મોદી

    “આ દુઃખનો સમય છે, અમે ભારત સરકાર અને સેનાને સહકાર આપીશું, અમારા જવાનો શહીદ થયા છે, અમે તેમની સાથે ઊભા છે. બીજી કોઈ ચર્ચા કોંગ્રેસ દ્વારા નહીં થાય. હું દુઃખી છું, અમે અને અમારી સમગ્ર તાકાત તમારી સાથે છે.“

    “પૂર્વ વડા પ્રધાન મનમોહન સિંહે જણાવ્યું હતું કે આપણા દેશે કિંમતી જવાનો ગુમાવ્યા છે. અમે આ હુમલાની નિંદા કરીએ છે. આપણે આતંકવાદ સાથે બાંધછોડ કરી શકીએ નહીં. આખો દેશ એક સાથે મળી આતંકવાદ સામે ઊભો છે. કોંગ્રેસે અધ્યક્ષે કહ્યું છે કે આજે અમારી ભૂમિકા એટલી જ છે કે કોંગ્રેસ પાર્ટી જવાનો સાથે છે.”
    Published by:Jay Mishra
    First published:

    Tags: Pulwama, Revenge, આતંકી, ભારત, રાહુલ ગાંધી

    विज्ञापन

    विज्ञापन

    આગામી સમાચાર

    विज्ञापन
    विज्ञापन