Punjab CM ને 'રબરની ઢીંગલી' કહેનારા સિદ્ધુનો પલટવાર, કહ્યું- 'ભગવંત માન મારો નાનો ભાઈ'

પંજાબના મુખ્યમંત્રી (Punjab CM) ને 'રબરની ઢીંગલી'  (Rubber Doll) કહ્યાના બીજા જ દિવસે પંજાબ કોંગ્રેસના પ્રદેશ અધ્યક્ષ નવજોત સિંહ સિદ્ધુએ પોતાના નિવેદન (Navjot singh Siddhu's Statement) પર પલટવાર કર્યો અને ભગવંત સિંહ માનને નાના ભાઈ અને ઈમાનદાર ગણાવ્યા. આ સાથે તેમણે એ વાત પર ભાર મૂક્યો હતો કે કોંગ્રેસે પોતાની જાતને ફરીથી બનાવવાની જરૂર છે.

આપને જણાવી દઈએ કે સિદ્ધુએ ગુરુવારે ભગવંત માનને રબરની ઢીંગલી ગણાવીને વિપક્ષના આરોપોને યોગ્ય ઠેરવ્યા હતા અને કહ્યું હતું કે આમ આદમી પાર્ટી (AAP) નું નેતૃત્ત્વ દિલ્હીથી રાજ્યમાં સરકાર ચલાવી રહી છે. તેમણે દાવો કર્યો હતો કે માન સરકાર સત્તામાં આવ્યા પછી પંજાબમાં કાયદો અને વ્યવસ્થાની સ્થિતિ "તીવ્ર ઘટાડો" થયો છે.

સિદ્ધુ પૂર્વ ધારાસભ્યો નવતેજ સિંહ ચીમા અને અશ્વિની સેખરી સાથે અહીં પંજાબના રાજ્યપાલ બનવારીલાલ પુરોહિતને મળ્યા હતા અને બેઠક દરમિયાન રાજ્યમાં કાયદો અને વ્યવસ્થા સહિત વિવિધ મુદ્દાઓ ઉઠાવ્યા હતા. બેઠક બાદ કોંગ્રેસ નેતાએ કહ્યું કે રાજ્યપાલે ધીરજપૂર્વક તેમની વાત સાંભળી.

સિદ્ધુએ કહ્યું, “તેમણે સળગતા મુદ્દાઓ પર પોતાની ચિંતા વ્યક્ત કરી" પંજાબમાં કોંગ્રેસના (Punjab Congress) એકમના ભૂતપૂર્વ પ્રમુખ સિદ્ધુએ કહ્યું કે માન સરકારના શાસનમાં રાજ્યમાં કાયદો અને વ્યવસ્થાની સ્થિતિ "ઝડપીથી કથળી રહી છે".

આ પણ વાંચો: 'અમે બધી આશા ગુમાવી દીધી હતી, પરંતુ સેનાના કારણે આજે જીવિત છીએ': જમ્મુ એન્કાઉન્ટરમાં ફસાયેલા પરિવારની કરૂણાંતિકા

તેમણે દાવો કર્યો કે રાજ્યમાં છેલ્લા એક મહિનામાં 40 લોકો માર્યા ગયા છે. સિદ્ધુએ પૂછ્યું, “શું તેઓ (ભગવંત માન) પંજાબની ચિંતા કરે છે? "રબ્બર કા ગુડ્ડા" પંજાબના મુખ્યમંત્રી બન્યા છે, એમ તેમણે કહ્યું હતું.

સિદ્ધુએ દિલ્હીથી "રિમોટ કંટ્રોલ" દ્વારા AAP નેતા અરવિંદ કેજરીવાલ (Arvind Kejariwal) દ્વારા પંજાબ સરકાર ચલાવવાના વિપક્ષના આરોપ તરફ ધ્યાન દોર્યું. તેમણે આરોપ લગાવ્યો કે કેજરીવાલ વિરુદ્ધ અવાજ ઉઠાવનારાઓને નિશાન બનાવવા માટે પંજાબ સરકાર પોલીસનો ઉપયોગ કરી રહી છે.

સિદ્ધુએ કહ્યું, "તમે (આપ સરકાર) પોલીસનું રાજનીતિ કરી રહ્યા છો અને તેનો ઉપયોગ તમારા પોતાના ફાયદા માટે કરી રહ્યા છો. આ 'બદલાવ' છે કે 'બદલો'... બદલાની રાજનીતિ શરૂ થઈ ગઈ છે.

આ પણ વાંચો: શું પ્રશાંત કિશોર મુખ્યમંત્રી નીતિશ કુમારને કોંગ્રેસની નજીક લાવશે? શું બદલશે બિહારની રાજનીતિ?

નોંધનીય છે કે કેજરીવાલ વિરુદ્ધ કથિત "ઉશ્કેરણીજનક નિવેદન" પર પંજાબ પોલીસ ભૂતપૂર્વ AAP નેતા કુમાર વિશ્વાસ (Kumar Vishwas) અને કોંગ્રેસ નેતા અલકા લાંબા (Alka Lamba) ના ઘરે પહોંચ્યાના એક દિવસ બાદ સિદ્ધુની ટિપ્પણી આવી છે. બંને નેતાઓને 26 એપ્રિલે પૂછપરછ માટે બોલાવવામાં આવ્યા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Bhagwant mann, Navjot Singh Sidhu