રિક્ષા ડ્રાઇવર સાથે ભાગી ગઈ હતી કરોડપતિની પત્ની, પૈસા ખતમ થયા તો 26 દિવસે ઘરે પહોંચી

ઇન્દોરના ખજરાના વિસ્તારમાં રહેતા એક કરોડપતિની પત્ની 26 દિવસ પહેલા ઘરમાંથી 47 લાખ રૂપિયા લઇને ફરાર થઇ ગઈ હતી

madhya pradesh news- 13 લાખ રૂપિયા પોતાની પ્રેમી સાથે ફરવામાં અને મોજ કરવામાં ખર્ચ કરી દીધા, પ્રેમી હજુ ફરાર

  • Share this:
    ઇન્દોર : મધ્ય પ્રદેશના (madhya pradesh)ઇન્દોરમાં (Indore)સુખી સંપન્ન પરિવારની એક પરિણીત મહિલા પોતાના પતિને છોડીને 13 વર્ષ નાના રિક્ષા ડ્રાઇવર (Auto Driver)સાથે ભાગી ગઈ હતી. પતિને છોડીને 13 વર્ષ નાના રિક્ષા ડ્રાઇવર સાથે ભાગે ગયેલી પત્ની હવે ઘરે પરત ફરી છે. તેના માથેથી પ્રેમનું ભૂત ઉતરી ગયું અને હવે તે પોતાના પતિ સાથે રહેવા માંગે છે. ઘરેથી 47 લાખ રૂપિયા લઇને ભાગી ગઇ હતી તેમાંથી તેણે 13 લાખ રૂપિયા પોતાની પ્રેમી સાથે ફરવામાં અને મોજ કરવામાં ખર્ચ કરી દીધા હતા. બાકી પૈસા તેના પ્રેમીના મિત્રો પાસેથી પહેલા જ મેળવી લીધા છે.

    ઇન્દોરના ખજરાના વિસ્તારમાં રહેતા એક કરોડપતિની પત્ની 26 દિવસ પહેલા ઘરમાંથી 47 લાખ રૂપિયા લઇને ફરાર થઇ ગઈ હતી. મહિલાની ઉંમર લગભગ 45 વર્ષ છે. તેના પતિનું કહેવું હતું કે તે પોતાનાથી લગભગ 13 વર્ષ નાના રિક્ષા ડ્રાઇવર પ્રેમી સાથે ભાગી ગઈ છે. સાથે ઘરમાંથી લાખો રૂપિયા, ઘરેણા પણ લઈ ગઈ છે. પોલીસે જ્યારે તપાસ કરી તો શંકાના આધારે રિક્ષા ડ્રાઇવર ઇમરાનના બે મિત્રોની પૂછપરછ કરી હતી. તેમની પાસેથી લગભગ 30 લાખ રૂપિયા મળ્યા હતા. આ એ જ રૂપિયા હતા જે પ્રોપર્ટી બ્રોકરની પત્ની ઘરેથી લઇ ગઈ હતી. જોકે રિક્ષા ડ્રાઇવરની ભાળ મળી ન હતી. હવે અચાનક 26 દિવસ પછી મહિલા પોતાના ઘરે પરત ફરી છે.

    આ પણ વાંચો - યાત્રીઓથી ભરેલી બસ અકસ્માતમાં સળગી ઉઠી, ઘણા જીવતા ભૂંજાયા, જુઓ કાળજું કંપાવે તેવી 5 તસવીરો

    અચાનક ઘરે પહોંચી મહિલા

    પોલીસના ઘણા પ્રયત્નો પછી પ્રેમી યુગલની ભાળ મળી ન હતી. જોકે સોમવારે રાત્રે અચાનક મહિલા પોતાના ઘરે પહોંચી હતી. જોકે આ દરમિયાન તે એકલી હતી. તેની પાસે મોંઘા ઘરેણા હતા પણ રોકડા રૂપિયા ન હતા. પોલીસે જ્યારે મહિલાની પુછપરછ કરી તો તે સતત પોતાના નિવેદનો બદલી રહી હતી. તેણે પોતાની સાથે કોઇ અન્ય યુવક હોવાની વાતથી ઇન્કાર કર્યો હતો. મહિલા રિક્ષા ડ્રાઇવર ઇમરાનને બચાવવા માંગતી હતી.

    આ પણ વાંચો - બોયફ્રેન્ડ સાથે આવી યુવતી, પાર્કિગમાં રહેલી સ્કુટી ચોરીને પાંચ મિનિટમાં ફરાર, જુઓ Live video

    પછી સાચી વાત કબૂલી

    સૂત્રોના મતે પોલીસની કડકાઇ પછી મહિલાએ સાચી વાત જણાવી હતી. મહિલાએ જણાવ્યું કે તે પોતાના પતિથી પરેશાન હતી અને ઇમરાન સાથે પોતાના સંબંધો વધી રહ્યા હતા. જેથી બંનેએ એકસાથે ભાગવાનો નિર્ણય કર્યો હતો. બંને શહેર બદલી-બદલીને ફરી રહ્યા હતા. જોકે હવે પૈસા ખતમ થવા લાગ્યા તો ઇમરાને મહિલાને અજમેરથી એક બસમાં ઇન્દોર રવાના કરી દીધી હતી. મહિલા પરત ફર્યા પછી પણ પરિવાર તેને સાથે રાખવા માટે રાજી થઇ ગયો છે.
    Published by:Ashish Goyal
    First published: