PM નરેન્દ્ર મોદીએ 'ઓપરેશન દોસ્ત'ના સભ્યોની કરી પ્રશંસા, કહ્યું- "દેશને તમારા પર ગર્વ છે"

નવી દિલ્હી: પીએમ નરેન્દ્ર મોદીએ (PM Narendra Modi) તુર્કીમાં 'ઓપરેશન દોસ્ત'માં સામેલ NDRF અને અન્ય સંસ્થાઓના ભારતીય બચાવ વ્યાવસાયિકો સાથે વાતચીત કરી હતી. આ પ્રસંગે NDRFના ડીજી અતુલ કરવલ પણ હાજર હતા. પીએમ મોદીએ કર્મીઓ પાસેથી તમામ માહિતી લીધી હતી. વડા પ્રધાન નરેન્દ્ર મોદીએ કહ્યું કે, ઓપરેશન દોસ્ત સાથે જોડાયેલી આખી ટીમ, પછી તે NDRF હોય, એરફોર્સ હોય કે અમારી અન્ય સેવાઓ, બધાએ ઉત્તમ કામ કર્યું છે. અમારા બેજૂબાન દોસ્ત Dog squadsએ પણ અદ્ભુત ક્ષમતાઓ દર્શાવી છે. દેશને તમારા બધા પર ખૂબ ગર્વ છે.

આ પણ વાંચો: યુવાનોએ ફરી સાબિત કર્યું કે ડાયમંડ નગરી સેવાભાવી શહેર છે, જાણો રાહત સામગ્રી ક્યાં મોકલી!

પીએમ નરેન્દ્ર મોદીએ કહ્યું કે, દેશ ગમે તે હોય, જો તે માનવતા, માનવીય સંવેદનશીલતાની વાત હોય તો ભારત માનવ હિતને સર્વોપરી રાખે છે. આપણી સંસ્કૃતિએ આપણને વસુધૈવ કુટુંબકમ વિશે શીખવ્યું છે. તેથી, તે તુર્કી હોય કે સીરિયા, સમગ્ર ટીમે આ ભારતીય મૂલ્યોને પ્રદર્શિત કર્યા છે. આપણે આખી દુનિયાને એક પરિવાર માનીએ છીએ. પીએમ મોદીએ કહ્યું કે, દેશને ઓપરેશન દોસ્ત સાથે જોડાયેલી આખી ટીમ પર ગર્વ છે.

ભારતીય ટીમ ભારત પરત આવી

પીએમ નરેન્દ્ર મોદીએ કહ્યું કે, જ્યારે કોઈ વ્યક્તિ પોતાની મદદ કરી શકે છે, તો તમે તેને આત્મનિર્ભર કહી શકો છો, પરંતુ જ્યારે કોઈ બીજાની મદદ કરવા સક્ષમ હોય છે, ત્યારે તે નિઃસ્વાર્થ હોય છે. આપણે જ્યાં પણ ત્રિરંગો લઈને પહોંચીએ છીએ ત્યાં એક આશ્વાશન મળે છે કે, હવે ભારતીય ટીમો આવી ગઈ છે અને હવે સ્થિતિ સારી થવા લાગશે. વડા પ્રધાન નરેન્દ્ર મોદીએ કહ્યું કે, અમે બધાએ તમારી હિંમત અને માનવતાવાદી કાર્યની તસવીરો જોઈ છે, જ્યાં એક માતા તમને કપાળ પર ચુંબન કરીને આશીર્વાદ આપી રહી હતી. એ જ રીતે 2001માં ગુજરાતમાં ભૂકંપ આવ્યો ત્યારે મેં સ્વયંસેવક તરીકે કામ કર્યું હતું અને લોકોને બચાવવામાં પડતી મુશ્કેલીઓ મેં જોઈ છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Earthquakes, NDRF, PM Modi પીએમ મોદી, Turkey