યુક્રેનના રાષ્ટ્રપતિ અને PM મોદીએ ફોન પર વાત કરી, ઝેલેન્સકીએ ટ્વિટ કરીને આપી માહિતી આપી

નવી દિલ્હી: યુક્રેનના રાષ્ટ્રપતિ વોલોદિમિર ઝેલેન્સકી અને વડાપ્રધાન નરેન્દ્ર મોદીએ સોમવારે એટલે કે આજે ફોન પર વાતચીત કરી હતી. આ અંગેની માહિતી યુક્રેનના રાષ્ટ્રપતિએ ટ્વિટ કરીને આપી હતી. એક ટ્વીટમાં તેમણે કહ્યું, 'મેં PM નરેન્દ્ર મોદી સાથે ફોન પર વાત કરી અને તેમને G20ના સફળ પ્રમુખપદની શુભેચ્છા પાઠવી. આ પ્લેટફોર્મ પર જ મેં પીસ ફોર્મ્યુલાની જાહેરાત કરી હતી અને હું તેની સફળતામાં ભારતની ભાગીદારી પર વિશ્વાસ કરું છું. મેં માનવતાવાદી સહાય અને સમર્થન માટે સંયુક્ત રાષ્ટ્રનો પણ આભાર માન્યો.

યુક્રેન અને રશિયા વચ્ચે ચાલી રહેલા યુદ્ધની વચ્ચે પીએમ મોદી સાથેની વાતચીતને ઘણી મહત્વપૂર્ણ માનવામાં આવી રહી છે. ઉલ્લેખનીય છે કે ઓક્ટોબર મહિનાની શરૂઆતમાં પીએમ મોદીએ યુક્રેનના રાષ્ટ્રપતિ વોલોદિમિર ઝેલેન્સકી સાથે ફોન પર વાતચીત કરી હતી. આ દરમિયાન પીએમ મોદીએ ઝેલેન્સકીને આ યુદ્ધને ઝડપથી ખતમ કરવા કહ્યું હતું. પીએમ મોદીએ ઝેલેન્સકીને કહ્યું હતું કે કોઈપણ સંઘર્ષનો કોઈ સૈન્ય ઉકેલ હોઈ શકે નહીં.

સાથે જ કહ્યું હતું કે દુશ્મનાવટ ખતમ કરીને વાતચીતના આધારે કૂટનીતિના માર્ગે આગળ વધો. પીએમ મોદીએ ભારપૂર્વક જણાવ્યું હતું કે ભારત યુક્રેન સહિત અન્ય તમામ પરમાણુ પ્રતિષ્ઠાનોની સ્થાપનોની સુરક્ષાને મહત્વ આપે છે. પીએમ મોદીએ કહ્યું હતું કે ભારત શાંતિ માટે દરેક સંભવિત પ્રયાસોમાં યોગદાન આપવા માટે સંપૂર્ણ રીતે તૈયાર છે. ગયા રવિવારે રાષ્ટ્રપતિ વ્લાદિમીર પુતિને દાવો કર્યો હતો કે રશિયા યુક્રેનમાં યુદ્ધ સમાપ્ત કરવા માટે વાતચીત માટે તૈયાર છે. આ નિવેદન એવા સમયે આવ્યું છે જ્યારે રશિયા દ્વારા યુક્રેન પર નવા હુમલા કરવામાં આવી રહ્યા છે.

 આ પણ વાંચોઃ રશિયા-યુક્રેન યુદ્ધઃ વિદેશ મંત્રી જયશંકરે કહ્યું- ભારતે તેમના લોકોનો પક્ષ લીધો

રશિયાના રાષ્ટ્રપતિએ રવિવારે એક રશિયન ટીવી ચેનલ સાથેની મુલાકાતમાં જણાવ્યું હતું કે અમે તે બધા લોકો સાથે વાતચીત માટે તૈયાર છીએ જેઓ યુક્રેન સૈન્ય કાર્યવાહી અંગે સ્વીકાર્ય ઉકેલ ઇચ્છે છે પરંતુ હવે બધું તેમના પર નિર્ભર છે. અમે નહીં, તેઓ ડીલને નકારી રહ્યા છે. તેમણે કહ્યું કે અમે અમારા રાષ્ટ્રીય અને નાગરિકોના હિતોની રક્ષામાં રોકાયેલા છીએ. સ્થાનિક યુક્રેનિયન અધિકારીઓએ જણાવ્યું હતું કે પુતિનની ટિપ્પણીઓ દેશ પર સતત હુમલાઓ વચ્ચે આવી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Russia Ukraine, Russia ukraine crisis, Russia ukraine news