ભગવા કપડા પહેરીને બળાત્કારીઓને હાર પહેરાવે તે ચલાવી લેવાય પણ ભગવા બિકિની ન ચાલે: પઠાનના સમર્થનમાં આવ્યા પ્રકાશ રાજ

મુંબઈ: શાહરુખ ખાનની અપકમિંગ ફિલ્મ 'પઠાન' હાલમાં વિવાદોમાં ફસાયેલી છે. શાહરુખને દીપિકા પાદુકોણ સાથે પહેલા 'બેશર્મ રંગ' ગીત રિલીઝ કર્યું છે, જેના પર ભારે હોબાળો થયો છે. ગીતમાં દીપિકા પાદુકોણે ભગવા રંગની બિકિની પહેરવા પર લોકો વાંધો ઉઠાવી રહ્યા છે. ભગવા રંગનું અપમાન ગણાવી લોકો ફિલ્મના પોસ્ટર સળગાવી રહ્યા છે.

આ મુદ્દા પર સાઉથ ફિલ્મ ઈંડસ્ટ્રીના જાણીતા એક્ટર પ્રકાશ રાજે દીપિકાનો બચાવ કરતા વિરોધ કરનારા લોકોને સંભળાવી દીધું છે. પ્રકાશ રાજે દીપિકા પાદુકોણના સપોર્ટમાં કહ્યું કે, 'ભગવા બિકિની' મામલા પર ટ્વિટ કર્યું છે, પ્રકાશે ટ્વિટર પર લખ્યું છે કે, ‘બેશર્મ BIGOTS….જ્યારે ભગવા કપડા પહેરીને રેપિસ્ટને હાર પહેરાવે છે, હેટ સ્પીચ આપે છે, ભગવાધારી સ્વામી બાળકીઓના રેપ કરે છે, તો આ ઠીક છે, પણ ફિલ્મમાં ડ્રેસ નહીં ? બસ ખાલી પુછી રહ્યો છું, ધૃણિત...ક્યાં સુધી આપણે આવી વાતો સાંખી લઈશું.

આ પણ વાંચો:  જે થિયેટરમાં પઠાન ફિલ્મ લાગે તેને ફુંકી મારો: અયોધ્યાના મહંતે આપી ધમકી

અયોધ્યાના મહંતે આપી હતી ધમકી

બોલિવૂડના કિંગ ખાનની ફિલ્મ રિલીઝિંગ પહેલા જ માહોલ ગરમાવા લાગ્યો છે. એક બાજૂ ફિલ્મને બેન કરવાની માગ થઈ રહી છે, તો બીજી તરફ આ ફિલ્મ થિયેટર સુધી પહોંચી જાય તો, પણ તેને ફુંકી મારવાની ધમકી આવી રહી છે. હાલમાં જ આ ફિલ્મને લઈને અયોધ્યાના મહંત રાજૂ દાસે બહિષ્કારની ધમકી આપી છે. તેમણે કહ્યું કે, હું દર્શકોને અપીલ કરુ છું કે, જે થિયેટરમાં પઠાણ ફિલ્મ બતાવવામાં આવશે, તેને ફુંકી મારવામાં આવશે. તેની સાથે જ રાજૂ દાસે બોલિવૂડ અને શાહરુખ ખાન પર સનાતન ધર્મની મજાક બનાવાનો આરોપ લગાવ્યો છે.

સોશિયલ મીડિયા પર પણ હોબાળો

સિદ્ધાર્થ આનંદના નિર્દેશનમાં બનેલી ફિલ્મ પઠાનના ગીતમાં દીપિકા પાદુકોણની અદાઓ જોવા જેવી છે, પણ ગીત રીલિઝ થતાં જ વિવાદોમાં ફસાઈ ગઈ છે. આ ફિલ્મને લઈને બોયકોટ પણ સોશિયલ મીડિયા પર ટ્રેંડ કરી રહ્યું છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Bollywod, Pathan