હરિયાણાના કેબિનેટ મંત્રીનો દાવો- 'બે-ત્રણ વર્ષમાં PoK ભારતનો ભાગ બનશે, પીએમ મોદી કરશે કમાલ...'

રોહતક: હરિયાણાના કેબિનેટ મંત્રી કમલ ગુપ્તાએ ચૂંટણી નજીક આવતાં નવી ચર્ચાને જન્મ આપ્યો છે. કમલ ગુપ્તાનું કહેવું છે કે આગામી બે-ત્રણ વર્ષમાં પાકિસ્તાન અધિકૃત કાશ્મીર કોઈપણ સમયે ભારતનો ભાગ બની શકે છે. આ કામ પીએમ નરેન્દ્ર મોદી કરશે. રોહતકમાં વેપારીઓ દ્વારા આયોજિત સન્માન સમારોહમાં શહેરી સ્થાનિક સંસ્થાઓના મંત્રી કમલ ગુપ્તા પહોંચ્યા હતા. એટલું જ નહીં તેમણે વિરોધ પક્ષના નેતાઓને 'જયચંદ' ગણાવ્યા હતા.

રોહતકમાં રવિવારના રોજ વેપારીઓ દ્વારા શહેરી સ્થાનિક સંસ્થાઓના મંત્રી કમલ ગુપ્તા માટે એક સન્માન સમારોહનું આયોજન કરવામાં આવ્યું હતું, જેમાં કમલ ગુપ્તાએ હરિયાણા સરકાર દ્વારા વેપારીઓ માટે કરેલા કાર્યો વિશે વાત કરી હતી. આ દરમિયાન તેમણે એક નવી ચર્ચાને પણ જન્મ આપ્યો છે. પોતાના સંબોધનમાં તેમણે કહ્યું કે અમે 2014 પહેલા મજબૂત ન હતા પરંતુ હવે મજબૂત બન્યા છીએ. તેમણે કહ્યું કે જે પાકિસ્તાને આપણા વિસ્તાર પર કબજો જમાવ્યો છે જેને પાકિસ્તાન ઓક્યુપાઇડ કાશ્મીર કહેવામાં આવે છે, ત્યાંથી પણ ભારતમાં જોડાવા માટે અવાજ ઉઠાવવામાં આવી રહ્યો છે.

આ પણ વાંચો: કોણ છે સબ ઈન્સ્પેક્ટર નૈના કૈનવાલ, આ કારણે ઇન્ટરનેશનલ રેસલર રહેલી નૈના જેલમાં ગઇ

વિપક્ષને 'જયચંદ' ગણાવ્યા

મંત્રી કમલ ગુપ્તાએ દાવો કર્યો હતો કે આગામી બે-ત્રણ વર્ષમાં કોઈપણ સમયે પાકિસ્તાન અધિકૃત કાશ્મીર ભારતનો હિસ્સો બની જશે અને તે નરેન્દ્ર મોદી જ કરશે. સાથે જ તેમણે કહ્યું કે જે રીતે પૃથ્વીરાજ ચૌહાણ આપણા દેશના કેટલાક 'જયચંદ'ના કારણે પરાજિત થયા હતા, તે જ રીતે 'જયચંદ' આજે પણ હાજર છે, જેઓ આપણા જવાનો દ્વારા કરવામાં આવેલા હવાઈ હુમલાના પુરાવા માંગે છે.



રાહુલ ગાંધી પર કટાક્ષ

રાહુલ ગાંધીની ભારત જોડો યાત્રા પર કટાક્ષ કરતા કમલ ગુપ્તાએ કહ્યું કે આજે તેઓ દેશને એક કરવાની વાત કરે છે પરંતુ આ તે લોકો હતા જેમણે દેશને તોડ્યો હતો. જો કોઈ ભારતને વિશ્વ ગુરુ બનાવી શકે છે તો તે ભાજપ છે. ભારતને વિશ્વ ગુરુના શિખર પર બીજું કોઈ લઈ જઈ શકે તેમ નથી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Haryana News, Pm narendra modis, Pok