ભારતનો પ્રવાસ રદ કર્યા બાદ બોરિસ જોનસેને PM મોદી સાથે કરી વાત, કહ્યું- ટૂંક સમયમાં આવીશ

ભારતનો પ્રવાસ રદ કર્યા બાદ બોરિસ જોનસેને PM મોદી સાથે કરી વાત, કહ્યું- ટૂંક સમયમાં આવીશ
બ્રિટનના વડાપ્રધાન બોરિસ જોનસન (Photo: AP)

બોરિસ જોનસને ભારતનો પ્રવાસ રદ કર્યો, વડાપ્રધાન નરેન્દ્ર મોદીને ફોન કરી જણાવ્યું કારણ

  • Share this:
    નવી દિલ્હીઃ બ્રિટનના વડાપ્રધાન બોરિસ જોનસન (Britain PM Boris Johnson)એ મંગળવારે ભારત પ્રવાસ રદ કર્યા બાદ વડાપ્રધાન નરેન્દ્ર મોદી (PM Narendra Modi) સાથે ટેલીફોન પર વાતચીત કરી. વડાપ્રધાન કાર્યાલય તરફથી મંગળવારે આ જાણકારી આપવામાં આવી. આ વાતચીતમાં બોરિસ જોનસને ગણતંત્ર દિવસ સમારોહ (Republic Day Celebration)ના મુખ્ય અતિથિ તરીકે પીએમ મોદીના ભારત આવવાના આમંત્રણ માટે ફરી એક આભાર વ્યક્ત કર્યો. તેઓએ બ્રિટનમાં ફેલાઈ રહેલા કોવિડ-19ના નવા પ્રકાર (Covid-19 New Strain)ને ધ્યાને લઈ લોકતંત્ર દિવસ કાર્યક્રમમાં ભાગ લેવામાં અસમર્થતા પર ખેદ વ્યક્ત કર્યો.

    વડાપ્રધાન કાર્યાલય (PMO) તરફથી જાણકારી આપવામાં આવી કે બ્રિટનના પીએમ બોરિસ જોનસેને નિકટ ભવિષ્યમાં ભારત આવવાની પોતાની ઉત્સુક્તા દર્શાવી. બીજી તરફ. વડાપ્રધાન મોદીએ બ્રિટનમાં અસાધારણ સ્થિતિ વિશે જોનસન સાથે ચર્ચા કરી અને મહામારીને ફેલાવાથી રોકવા માટે બ્રિટનમાં લેવામાં આવેલા પગલાઓ માટે પોતાની શુભકામનાઓ આપી.



    ગણતંત્ર દિવસના મુખ્ય અતિથિ તરીકે આપ્યું હતું આમંત્રણ

    નોંધનીય છે કે, ભારત તરફથી બોરિસ જોનસને ગણતંત્ર દિવસના મુખ્ય અતિથિ તરીકે નિમંત્રિત કરવામાં આવ્યા હતા. પરંતુ બ્રિટનમાં ઝડપથી ફેલાઈ રહેલા કોરોના વાયરસના નવા સ્રેવ નને કારણે જોનસને પોતાનો પ્રવાસ રદ કરી દીધો છે.

    આ પણ જુઓ, ‘ઓ બેટા જી...’ ગીત પર USના આ શખ્સે દીકરા સાથે કર્યો જોરદાર ડાન્સ, Video થઈ રહ્યો છે Viral

    કોરોના વાયરસના નવા સ્ટ્રેનથી વધુ લોકો સંક્રમિત થઈ રહ્યા હોવાના કારણે બ્રિટનમાં ફરી એક વાર કડક લૉકડાઉન લાગુ કરી દેવામાં આવ્યો છે. વડાપ્રધાન બોરિસ જોનસને મંગળવારે કહ્યું કે સંક્રમણ જેટલી ઝડપથી ફેલાઈ રહ્યું છે તે ખૂબ દુઃખી કરનારું અને ચિંતાજનક છે.

    આ પણ વાંચો, Lockdown in England: કોરોનાના નવા સ્ટ્રેનના વધતા કેસોને ધ્યાને લઈ બ્રિટનમાં ફરીથી કડક લૉકડાઉન લાગુ

    કોરોના વાયરસ મહામારીને ધ્યાને લઈ રાજપથ પર ગણતંત્ર દિવસ સમારોહમાં અનેક ફેરફાર કરવામાં આવી શકે છે. પરેડમાં ભાગ લેનારી ટુકડીઓની સંખ્યા ઘટાડવામાં આવી શકે છે. તેની સાથે જ પરેડના અંતરને ઓછું કરી શકાય છે. કોરોનાને ધ્યાને લઈ પરેડમાં ઓછા લોકોની હાજરી રહેશે. દર વર્ષે ભારત રાજપથ પર ગણતંત્ર દિવસ સમારોહમાં પોતાની સૈન્ય તાકાત, સમૃદ્ધ સાંસ્કૃતિક વિવિધતા અને સામાજિક-આર્થિક ઉન્નતિની ઝાંકી રજૂ કરે છે.
    Published by:Mrunal Bhojak
    First published:January 06, 2021, 07:47 am

    ટૉપ ન્યૂઝ