વારાણસી: PM મોદીએ ભર્યું ઉમેદવારીપત્ર, મહિલા ટેકેદારને પગે લાગ્યા

લોકસભા ચૂંટણી 2019 માટે વડાપ્રધાન નરેન્દ્ર મોદીએ આજે વારાણસીથી ઉમેદવારીપત્ર દાખલ કરી દીધું. ઉમેદવારીપત્ર ભરતા પહેલા પીએમ મોદીએ પંડિત મદન મોહન માલવીયની દત્તક દીકરી અન્નપૂર્ણા શુક્લાને પગે લાગીને આશીર્વાદ લીધા. પીએમ મોદીના નોમિનેશન દરમિયાન અમિત શાહ, સુષ્મા સ્વરાજ, નીતીશ કુમાર, શિવસેના પ્રમુખ ઉદ્ધવ ઠાકરે, અકાલી દળના અધ્યક્ષ પ્રકાશસિંહ બાદલ સહિત એનડીએના અન્ય સહયોગી દળોન નેતા પણ ઉપસ્થિત રહ્યા.

મોદીએ આજે સૌથી પહેલા કાર્યકર્તાઓને સંબોધિત કર્યા. બૂથ કાર્યકર્તા સંમેલનમાં મોદીએ કહ્યું કે, આ ચૂંટણીની બે બાજુ છે, એક છે કાશી લોકસભા જીતવી, મારા હિસાબથી એક કામ કાલે પૂરું થઈ ગયું છે. એક કામ હજુ બાકી છે, તે છે પોલિંગ બૂથ જીતવું. બનારસ જીતી ગયા, પોલિંગ બૂથ જીતવાના છે અને એક પણ પોલિંગ બૂથમાં બીજેપીનો ઝંડો ઝૂકવા નહીં દઈએ.