PM મોદીએ દિવાળી પર દેશવાસીઓને આપી શુભકામનાઓ, નૌશેરામાં જવાનો સાથે ઉજવી રહ્યા છે તહેવાર

પીએમ મોદી 2019માં રાજૌરીમાં એલઓસી પર તૈનાત સૈનિકોને મળવા પહોંચ્યા હતા.

એવું કહેવાય છે કે વડાપ્રધાન મોદી જમ્મુ કાશ્મીરમાં પૂંછ પ્રદેશનો પ્રવાસ કરે તેવી શક્યતા છે કેમકે અહીં સેનાના કેટલાય જવાનોએ શહાદત વહોરી છે. આ ઉપરાંત એક સંભાવના એ પણ છે કે તેઓ લદ્દાખ સેક્ટરનો પ્રવાસ પણ કરી શકે છે, કેમકે અહીં ભારતીય સેના ચીનને મળતી સરહદ પર પાછલા 18 મહિનાથી તૈનાત છે.

  • Share this:
    વડાપ્રધાન નરેન્દ્ર મોદીએ દિવાળીના પર્વની દેશવાસીઓને શુભેચ્છાઓ આપી છે. પીએમ મોદી ગુરુવારે જમ્મુ-કાશ્મીરનો પ્રવાસે છે. અહીં તેઓ જવાનો સાથે દિવાળી ઉજવવીપહોંચ્યા છે. 2014માં જ્યારથી નરેન્દ્ર મોદીએ વડાપ્રધાનની ખુરશી સંભાળી છે, તેઓ હંમેશા જવાનો સાથે જ દિવાળીનો ઉત્સવ મનાવે છે. આ વખતે તેઓ દિવાળીની ઉજવણી રાજૌરીના નૌશેરા સેક્ટરમાં કરી છે.

    આ પહેલા પીએમ મોદીએ ટ્વીટ કરી હતી કે, ‘દિવાળીના પાવન અવસર પર દેશવાસીઓને હાર્દિક શુભેચ્છાઓ. મારી કામના છે કે આ પ્રકાશ પર્વ તમારા સૌના જીવનમાં સુખ, સંપન્નતા અને સૌભાગ્ય લઈને આવે.’

    પૂંછ પણ જઈ શકે છે પીએમ મોદી

    એવું કહેવાય છે કે, વડાપ્રધાન મોદી જમ્મુ કાશ્મીરમાં પૂંછ પ્રદેશનો પ્રવાસ કરે તેવી શક્યતા છે કેમકે અહીં સેનાના કેટલાય જવાનોએ શહાદત વહોરી છે. આ ઉપરાંત એક સંભાવના એ પણ છે કે તેઓ લદ્દાખ સેક્ટરનો પ્રવાસ પણ કરી શકે છે, કેમકે અહીં ભારતીય સેના ચીનને મળતી સરહદ પર પાછલા 18 મહિનાથી તૈનાત છે. જોકે હવે એ નક્કી થઈ ગયું છે કે વડાપ્રધાન નરેન્દ્ર મોદી જમ્મુ કાશ્મીરના રાજૌરી સ્થિત નૌશેરા સેક્ટરમાં સેનાના જવાનો સાથે દિવાળીનો ઉત્સવ મનાવશે.

    આ પણ વાંચો: એક્સાઈઝ ડ્યુટીમાં જંગી ઘટાડા બાદ પેટ્રોલ-ડીઝલના ભાવ કેટલા ગગડશે? વાંચો દેશ-દુનિયાના ટોપ 10 સમાચારો

    પીએમ બન્યા બાદ જવાનો સાથે સતત 8મી દિવાળી

    23 ઓક્ટોબર 2014: મે 2014માં નરેન્દ્ર મોદી દેશના વડાપ્રધાન બન્યા હતા. ત્યારબાદ 23 ઓક્ટોબર 2014ના તેમણે પીએમ તરીકે સિયાચીનમાં પહેલી દિવાળી ઉજવી હતી.

    11 નવેમ્બર 2015: પીએમ મોદીએ પંજાબમાં જવાનો સાથે દિવાળી ઉજવી હતી. અહીં તેઓ 1965 યુદ્ધના વોર મેમોરિયલની મુલાકાત લેવા પણ પહોંચ્યા હતા.

    30 ઓક્ટોબર 2016: પીએમ મોદી 2016માં હિમાચલના કિનૌરમાં દિવાળી મનાવવા પહોંચ્યા હતા. અહીં તેમણે ભારત ચીન બોર્ડર પાસે જવાનો સાથે દિવાળી મનાવી હતી.

    18 ઓક્ટોબર 2017: 2017માં પણ પીએમ મોદીએ જવાનો સાથે જ દિવાળી મનાવી હતી. ત્યારે તેઓ જમ્મુ કાશ્મીરના ગુરેજમાં પહોંચ્યા હતા.

    7 નવેમ્બર 2018: 2018માં પીએમ મોદીએ ભારત તિબેટ સરહદ પોલિસના જવાનો સાથે ઉત્તરાખંડના હરસિલમાં દિવાળી ઉજવી હતી.

    27 ઓક્ટોબર 2019: પીએમ મોદીએ 2019માં એલઓસી પર જવાનો સાથે દિવાળી મનાવી હતી. પીએમ મોદી રાજૌરીમાં એલઓસી પર તૈનાત સૈનિકોને મળવા પહોંચ્યા હતા.

    14 નવેમ્બર 2020: પીએમ મોદીએ જેસલમેરમાં લોંગેવાલા પોસ્ટ પર જવાનો સાથે દિવાળી ઉજવી હતી.
    Published by:Nirali Dave
    First published: