PM Modi Hyderabad : 'દેશના વિકાસ માટે ભાજપ દિવસ-રાત કામ કરે છે, અમારો મંત્ર સૌનો સાથ-સૌનો વિકાસ'

PM Modi Hyderabad :  પ્રધાનમંત્રી નરેન્દ્ર મોદી (PM Narendra Modi) હાલમાં તેલંગણાના પ્રવાસે છે. તેમણે તેલંગણામાં ભાજપના નેતાઓ અને કાર્યકરો સાથે બેઠક કરી. ત્યારબાદ હૈદરાબાદમાં જંગી સભાને સંબોધન કર્યું. પ્રધાનમંત્રી નરેન્દ્ર મોદીએ પોતાના સંબોધનની શરૂઆત તેલુગુ ભાષામાં શરૂ કરી હતી. તેમણે તેલંગણાના વિકાસને પ્રાથમિકતા આપવાની વાત કરી, ભાજપ દ્વારા જાહેર કરાયેલ દરેક યોજનાનો ઘર-ઘર સુધી પહોંચાડવાની વાત કરી હતી.

પીએમ મોદીએ તેમની સ્પીચની શરૂઆત તેલુગુ ભાષામાં શરૂ કરતા તાળીઓના ગડગડાટથી સભા ગુંજી ઉઠી હતી. પીએમ મોદીએ કહ્યું કે, ભારતીય જનતા પાર્ટી દેશના વિકાસ માટે રાત દિવસ સતત કામ કરી રહી છે. તેલંગણાની ધરતીને મારા વંદન. તેમણે કહ્યું કે, તેલંગણાના વિકાસ એ અમારી પ્રાથમિકતા છે. તેલંગણાના વિકાસ માટે સતત પ્રયત્ન કરવામાં આવી રહ્યો છે. અમારી પાર્ટીનો એક જ મંત્ર સૌનો સાથ સૌનો વિકાસ.

હૈદરાબાદમાં પીએમ મોદીની રેલી શરૂ

હૈદરાબાદમાં વિજય સંકલ્પ રેલીથી પીએમ મોદીએ સંબોધનમાં કહ્યું કે, તમે જે સ્નેહ સાથે આવો છો તેના માટે હું તેલંગાણાની ધરતીને નમન કરું છું.

લોકો પોતે જ ડબલ એન્જિન સરકારનો રસ્તો બનાવી રહ્યા છેઃ પીએમ મોદી

હૈદરાબાદમાં આયોજિત વિજય સંકલ્પ રેલીમાં પીએમ મોદીએ કહ્યું કે, 2019માં તેલંગાણામાં જેટલો ટેકો મળ્યો હતો તેના કરતા હવે તેલંગાણાના લોકો તરફથી વધુ સમર્થન મળી રહ્યું છે. તેમણે કહ્યું ,કે જ્યાં પણ ભાજપની સરકાર છે ત્યાં અમારી સરકારે બેજોડ કામ કર્યું છે. આથી પ્રજા પોતે જ ડબલ એન્જિનવાળી સરકારનો રસ્તો બનાવી રહી છે. તેલંગાણાના લોકોનો ભાજપમાં વિશ્વાસ વધી રહ્યો છે.

તેલંગાણાનો વિકાસ ભાજપની મુખ્ય પ્રાથમિકતાઓમાં: હૈદરાબાદ રેલીમાં પીએમ મોદી

હૈદરાબાદમાં આયોજિત વિજય સંકલ્પ રેલીમાં પીએમ મોદીએ કહ્યું, તેલંગાણાની કલા અને સંસ્કૃતિ આપણને ગર્વથી ભરી દે છે. તેલંગાણાની આ પરાક્રમી ભૂમિની બહાદુરી અને શક્તિની ગાથા અદ્ભુત છે. તેમણે કહ્યું કે, તેલંગાણાનો સર્વાંગી વિકાસ એ ભાજપની પ્રાથમિકતામાંની એક છે. તેમણે કહ્યું કે તેલંગાણાનો વિકાસ ભાજપની મુખ્ય પ્રાથમિકતાઓમાંની એક છે.

હૈદરાબાદમાં આ મંથનનું વિશેષ મહત્વઃ પીએમ મોદી

હૈદરાબાદમાં આયોજિત વિજય સંકલ્પ રેલીમાં પીએમ મોદીએ કહ્યું કે, જે રીતે હૈદરાબાદ શહેર દરેક પ્રતિભાને નવી ઉડાન આપે છે તેવી જ રીતે ભાજપ અહીંના લોકો માટે દિવસ-રાત કામ કરી રહી છે. તેમણે કહ્યું કે હૈદરાબાદમાં આ મંથનનું વિશેષ મહત્વ છે.

ઉલ્લેખનીય છે કે, હૈદરાબાદમાં ભાજપની રાષ્ટ્રીય કાર્યકારિણીની બેઠકનો આજે છેલ્લો દિવસ છે. આ બેઠકમાં વડાપ્રધાનના સંબોધનના મુખ્ય ભાગો વિશે પત્રકારોને માહિતી આપતાં પૂર્વ કેન્દ્રીય મંત્રી રવિશંકર પ્રસાદે કહ્યું કે, ભાજપનો ઉદ્દેશ્ય સર્વજન હિતાય અને સર્વજન સુખાય છે, જ્યારે આજે દેશના ઘણા વિરોધ પક્ષો આમાંથી બહાર આવી શક્યા નથી. રાજવંશ.. ભારતીય જનતા પાર્ટી (BJP)ની રાષ્ટ્રીય કાર્ય સમિતિની બેઠકને સંબોધતા વડાપ્રધાને એમ પણ કહ્યું કે આજકાલ ઘણા રાજકીય પક્ષો પોતાનું અસ્તિત્વ બચાવવાનો પ્રયાસ કરી રહ્યા છે, પરંતુ પાર્ટીના નેતાઓ અને કાર્યકરોએ ન તો તેમના પર હસવું જોઈએ કે ન તો વ્યંગ કરવો જોઈએ.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: PM Narendra Modi Speech, પીએમ મોદી