Ukraine Crisis: યુક્રેનથી સ્વદેશ આવેલા વિદ્યાર્થીઓને PM મોદી મળ્યા, કોંગ્રેસ પર નિશાનો સાધતા કહ્યું- ...તો તમારે વિદેશ જવું પડતું નહીં.

પ્રધાનમંત્રી નરેન્દ્ર મોદી (PM Narendra Modi)એ ગુરુવારે મોટી સંખ્યામાં ભારતીય વિદ્યાર્થીઓ (Indian Student In Ukraine) તબીબી શિક્ષણ માટે વિદેશ જતા રહેવા માટે અગાઉની સરકારોને જવાબદાર ઠેરવી હતી અને કહ્યું હતું કે તેમની સરકાર દેશમાં મેડિકલ કોલેજો (Medical Collage)ની સંખ્યા વધારવા પર કામ કરી રહી છે જેથી વિદ્યાર્થીઓ દેશમાં રહીને મેડિકલનો અભ્યાસ મેળવી શકે. વડાપ્રધાન નરેન્દ્ર મોદી (PM Modi)એ ગુરુવારે ઉત્તર પ્રદેશના વિવિધ ભાગોના વિદ્યાર્થીઓના જૂથને મળ્યા હતા જે યુદ્ધગ્રસ્ત યુક્રેન (Ukraine News)થી પાછા ફર્યા હતા. તેમણે એવા વિદ્યાર્થીઓ અને તેમના પરિવારો પ્રત્યે પણ સહાનુભૂતિ દર્શાવી જેમણે યુક્રેન (Ukraine Crisis)માં મુશ્કેલીઓનો સામનો કર્યા પછી વડાપ્રધાન સામે પોતાનો ગુસ્સો વ્યક્ત કર્યો છે.

તેમણે કહ્યું, 'મને લાગે છે કે આ સંકટમાં તેમના માટે ગુસ્સે થવું સ્વાભાવિક છે.' વડાપ્રધાને કહ્યું કે તેઓ મુશ્કેલીઓ અને ઠંડીનો સામનો કરી રહ્યા છે. યુક્રેનમાંથી ભારતીય નાગરિકો, ખાસ કરીને વિદ્યાર્થીઓને બહાર કાઢવા માટે સરકારે 'ઓપરેશન ગંગા' શરૂ કર્યું છે. વડાપ્રધાન સાથેની મુલાકાત દરમિયાન ઘણા વિદ્યાર્થીઓએ તેમનો આભાર વ્યક્ત કર્યો હતો અને તેમના સ્થળાંતર માટે સરકારના વખાણ કર્યા હતા. આ દરમિયાન પીએમ મોદીએ કહ્યું કે જ્યારે નારાજ વિદ્યાર્થીઓ પરિસ્થિતિને સમજશે ત્યારે તેઓ તેમનો પ્રેમ પણ બતાવશે. તેમણે કહ્યું કે આ સમસ્યાઓનો જવાબ મજબૂત ભારત જ છે.

આ પણ વાંચો- Russia Ukraine crisis: યુક્રેન સંકટ વચ્ચે રાહુલ ગાંધી સહિત વિપક્ષ સાંસદોએ મોદી સરકારનો આભાર માન્યો, જાણો શું કહ્યું?

કોંગ્રેસનો ઉલ્લેખ કર્યા વિના પીએમ મોદીએ કહ્યું, 'જો અગાઉની મેડિકલ એજ્યુકેશન નીતિઓ સાચી હોત તો તમારે વિદેશ જવાની જરૂર ન પડી હોત.' તેમણે કહ્યું કે કોઈ પણ માતા-પિતા નથી ઈચ્છતા કે તેમના બાળકો આટલી નાની ઉંમરમાં વિદેશ જાય. વડાપ્રધાને કહ્યું કે તેમની સરકાર ભૂતકાળની ભૂલોને સુધારવા માટે કામ કરી રહી છે. તેમણે કહ્યું કે પહેલા દેશમાં 300 થી 400 મેડિકલ કોલેજ હતી અને હવે તેમની સંખ્યા 700ની આસપાસ છે. જેમાં સીટોની સંખ્યા 80-90 હજારથી વધીને 1.5 લાખ થઈ ગઈ છે.

આ પણ વાંચો- Russia-Ukraine War: રશિયા-યુક્રેન યુદ્ધની ગંભીર પરિસ્થિતિમાં ફસાયેલા વલસાડના વિદ્યાર્થીએ સરકાર પાસે મદદ માગી

પીએમ મોદીએ કહ્યું, 'મારો પ્રયાસ છે કે દરેક જિલ્લામાં મેડિકલ કોલેજ હોય. આગામી 10 વર્ષમાં કદાચ છેલ્લા 70 વર્ષથી વધુ ડોકટરો બનશે. તેમણે કહ્યું કે વિદ્યાર્થીઓએ નાની ઉંમરે વિદેશ જવું પડતું નહીં, તે મોટી વાત હશે અને તેમના માતા-પિતાને ખૂબ તણાવનો સામનો કરવો પડશે નહીં. વિદ્યાર્થીઓ સાથેની વાતચીતમાં પીએમ મોદીએ કહ્યું કે દરેક વ્યક્તિએ દેશ માટે કંઈક કરતા રહેવું જોઈએ. તેમણે કહ્યું, 'તમારે બીજા દેશમાં આ ઉંમરે એકલા આવા અનુભવમાંથી પસાર થવું પડ્યું. હું તમારી માનસિક સ્થિતિની કલ્પના કરી શકું છું. હવે અમે લોકોને બહાર કાઢવામાં સક્ષમ છીએ.'' ઉત્તર પ્રદેશમાં વિધાનસભા ચૂંટણીના પ્રચારના ભાગરૂપે વારાણસીની મુલાકાત લેનારા વડાપ્રધાન સાથે વિદ્યાર્થીઓએ તેમના અનુભવો શેર કર્યા હતા.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: 2022 Assembly elections, Indian Students in Ukraine, PM Modi પીએમ મોદી, Russia and Ukraine War, Russia Ukraine, Russia ukraine crisis, Russia-Ukraine Conflict, Ukraine Russia War, UP Elections 2022