'નવી રક્ષા કંપનીઓ સૈન્યની તાકાતનો મોટો આધાર હશે,' દશેરાએ PM મોદીએ 7 ડિફેન્સ કંપની દેશને સમર્પિત કરી

પીએમ મોદી

7 new defence companies: વડાપ્રધાને કહ્યુ કે, 'વિશ્વ યુદ્ધ દરમિયાન ભારતીયની આ કંપનીઓની તાકાત આખી દુનિયાએ જોઈ હતી. આપણે પાસે ખૂબ સારા સંસાધનો હતા.'

  • Share this:
    નવી દિલ્હી: વડાપ્રધાન નરેન્દ્ર મોદી (Narendra Modi)એ શુક્રવારે એટલે કે દશેરાના દિવસે દેશને નવી સાત રક્ષા કંપની સમર્પિત (PM Modi dedicates 7 new defence companies) કરી છે. આ પ્રસંગે પીએમ મોદીએ કહ્યુ કે, કેન્દ્ર સરકાર તરફથી શરૂ કરવામાં આવેલી નવી સાત રક્ષા કંપનીઓ ભારતના સૈન્ય શક્તિ માટે એક મોટો આધાર બનશે. વિજયાદશમી (Vijayadashmi festival) તહેવારે આ કંપનીઓની લૉન્ચિંગ ઇવેન્ટને સંબોધન કરતા પીએમ મોદીએ કહ્યુ કે, "41 ફેક્ટરીઓને નવું સ્વરૂપ આપવાનો નિર્ણય, સાત કંપનીઓની આ શરૂઆત દેશની આ જ સંકલ્પ યાત્રાનો હિસ્સો છે. આ નિર્ણય છેલ્લા 15-20 વર્ષથી લટકેલો હતો."

    પીએમ મોદીએ કહ્યુ કે, મને વિશ્વાસ છે કે આ તમામ સાતેય કંપનીઓ આગામી સમયમાં ભારતની સૈન્ય તાકાતનો મોટો આધાર બનશે. લોંચ કરવામાં આવેલી આ સાતેય કંપનીઓ નીચે પ્રમાણે છે.

    1) મ્યૂનિશન્સ ઇન્ડિયા લિમિટેડ- Munitions India Limited (MIL)
    2) આર્મર્ડ વ્હીકલ્સ નિગમ લિમિટેડ- Armoured Vehicles Nigam Limited (AVANI)
    3) એડવાન્સ્ડ વેપન્સ એન્ડ ઇક્વિપમેન્ટ ઇ્ડિયા લિમિટેડ- Advanced Weapons and Equipment India Limited (AWE India)
    4) ટ્રૂપ કમ્ફર્ટ્સ લિમિટેડ- Troop Comforts Limited (TCL)
    5) યંત્ર ઇન્ડિયા લિમિટેડ- Yantra India Limited (YIL)
    6) ઇન્ડિયા ઓપ્ટેલ લિમિટેડ- India Optel Limited (IOL)
    7) ગ્લાઇડર્સ ઇન્ડિયા લિમિટેડ- Gliders India Limited (GIL)

    આ સાતેય કંપનીઓ પાસે ત્રણેય સૈન્ય અને અર્ધસૈનિક દળોના 65,000ક રોડ રૂપિયાના 66 કોન્ટ્રાક્ટ હશે. પીએમ મોદીએ જણાવ્યું કે આ કારખાનાઓને 100થી 150 વર્ષથી વધુનો અનુભવ છે. પીએમ મોદીએ એવું પણ જણાવ્યું કે ભારતની ઓર્ડિનન્સ ફેક્ટરીઓ એક સમયે વિશ્વ સ્તરે સૌથી શક્તિશાળી હતી.

    વડાપ્રધાને કહ્યુ કે, "વિશ્વ યુદ્ધ દરમિયાન ભારતની આ કંપનીઓની તાકાત આખી દુનિયાએ જોઈ હતી. આપણી પાસે ખૂબ સારા સંસાધનો હતા, વર્લ્ડ ક્લાસ સ્કિલ હતી. આઝાદી પછી આપણે આ ફેક્ટરીઓને અપગ્રેડ કરવાની જરૂરી હતી. નવી ટેક્નોલોજીને અપનાવવાની પણ જરૂરી હતી. પરંતુ આ વાત પર ધ્યાન આપવામાં આવ્યું ન હતું."

    ગુરુવારે આ મામલે વડાપ્રધાન કાર્યાલચ તરફથી જાહેર કરવામાં આવેલી મીડિયા યાદીમાં કહેવામાં આવ્યું છે કે, સરકારે રક્ષા ક્ષેત્રમાં દેશની આત્મનિર્ભરતા વધારવાના ઉપાય તરીકે એક સરકારી વિભાગથી ઓર્ડિનન્સ ફેક્ટ્રી બોર્ડને સાત 100% સરકારી સ્વામિત્વ વાળી કોર્પોરેટ કંપનીમાં બદલવાનો નિર્ણય કર્યો છે.



    પીએમએ ગુરુવારે ટ્વીટ કર્યું હતું કે, "આવતીકાલે 15 ઓક્ટોબર, વિજયાદશમીના ખાસ પ્રસંગે 7 નવી રક્ષા કંપનીઓને દેશને સમર્પિત કરવામાં આવશે. રક્ષા ક્ષેત્રને આધુનિક બનાવવાનો અને દેશને આત્મનિર્ભર બનાવવાની તૈયારી માટે અમારા આ પ્રયાસ છે."
    Published by:Vinod Zankhaliya
    First published: