PM નરેન્દ્ર મોદીએ મલ્લિકાર્જુન ખડગેને કોંગ્રેસ અધ્યક્ષ બનવા પર શુભેચ્છા પાઠવી

નવી દિલ્હી. પ્રધાનમંત્રી નરેન્દ્ર મોદીએ કોંગ્રેસ પાર્ટીના અધ્યક્ષ તરીકે ચૂંટાવા બદલ મલ્લિકાર્જુન ખડગેને અભિનંદન પાઠવ્યા છે. કોંગ્રેસના વરિષ્ઠ નેતા મલ્લિકાર્જુન ખડગે બુધવારે પાર્ટીના નવા અધ્યક્ષ તરીકે ચૂંટાયા હતા. તેમણે તેમના હરીફ શશિ થરૂરને 6,825 મતોના અંતરથી હરાવ્યા હતા. કોંગ્રેસના કેન્દ્રીય ચૂંટણી સત્તામંડળના વડા મધુસૂદન મિસ્ત્રીએ મલ્લિકાર્જુન ખડગેને ચૂંટાયેલા જાહેર કર્યા. તેમણે કહ્યું કે ખડગેને 7,897 વોટ મળ્યા અને થરૂરને 1,072 વોટ મળ્યા.

કોંગ્રેસના કેન્દ્રીય ચૂંટણી સત્તામંડળના વડા મધુસૂદન મિસ્ત્રીએ મલ્લિકાર્જુન ખડગેને ચૂંટાયેલા જાહેર કર્યા. ચૂંટણી પરિણામો બાદ શશિ થરૂરે પોતાની હાર સ્વીકારી અને ખડગેને અભિનંદન પાઠવ્યા. તેમણે કહ્યું કે આ ચૂંટણીઓનું પરિણામ ભલે ગમે તે આવે, પરંતુ આ ચૂંટણી ચોક્કસપણે પાર્ટીને મજબૂત કરશે.

My best wishes to Shri Mallikarjun Kharge Ji for his new responsibility as President of @INCIndia. May he have a fruitful tenure ahead. @kharge

— Narendra Modi (@narendramodi) October 19, 2022

આ પણ વાંચોઃ ડૉક્ટરે લગ્ન કરવાની લાલચ આપી શારીરિક સંબંધ બાંધી યુવતીને તરછોડી

શશિ થરૂરે એક નોંધ લખી હતી. જેમાં તેમણે કહ્યું કે ચૂંટણીનું પરિણામ મલ્લિકાર્જુન ખડગેના પક્ષમાં આવ્યું છે. હું તેને આ જીત માટે અભિનંદન આપું છું. પક્ષના પ્રતિનિધિઓનો નિર્ણય અંતિમ છે અને હું તેને સ્વીકારું છું. મને એવી પાર્ટીનો સભ્ય હોવાનો ગર્વ છે જે તેના કાર્યકર્તાઓને તેના પ્રમુખ પસંદ કરવાની તક આપે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Delhi News, Mallikarjun Kharge, Pm narendra modis