PM Modiની જાહેરાત, 16 જાન્યુઆરીએ ઉજવવામાં આવશે National Start-up Day

નવી દિલ્હી. વડાપ્રધાન નરેન્દ્ર મોદી (PM Narendra Modi)એ કહ્યું છે કે, હવે દર વર્ષે 16 જાન્યુઆરીએ નેશનલ સ્ટાર્ટઅપ ડે (National Start-up Day) ઉજવવામાં આવશે. પ્રધાનમંત્રીએ સ્ટારઅપ (Start-up)ની દુનિયામાં ઘણા લોકો સાથે ચર્ચા કરતી વખતે તેમને અભિનંદન પાઠવ્યા હતા. પીએમ મોદીએ કહ્યું કે હવે દેશમાં સ્ટાર્ટ-અપ્સની આ સંસ્કૃતિ દૂર-દૂર સુધી પહોંચે તે માટે 16 જાન્યુઆરીને નેશનલ સ્ટાર્ટ-અપ ડે તરીકે ઉજવવાનો નિર્ણય લેવામાં આવ્યો છે.

પીએમ મોદીએ કહ્યું કે, 'હું દેશના તમામ સ્ટાર્ટ-અપ્સને અભિનંદન આપું છું, સ્ટાર્ટ અપ્સની દુનિયામાં ભારતનો ઝંડો ઊંચો કરી રહેલા તમામ નવીન યુવાનોને અભિનંદન આપું છું.' પીએમએ કહ્યું કે, 2013-14માં જ્યાં માત્ર 4,000 કોપીરાઇટ આપવામાં આવ્યા હતા, આ સંખ્યા ગયા વર્ષે 16,000ને પાર કરી ગઈ હતી.

પ્રધાનમંત્રીએ સ્ટાર્ટઅપની કરી પ્રશંસા
પ્રધાનમંત્રીએ સ્ટાર્ટઅપની પ્રશંસા કરતાં કહ્યું હતું કે, વર્ષ 2013-14માં 4,000 પેટન્ટને મંજૂરી આપવામાં આવી હતી, પરંતુ ગયા વર્ષે 28,000થી વધુ પેટન્ટ આપવામાં આવી હતી. પીએમના જણાવ્યા અનુસાર, જ્યારે 2013-14માં લગભગ 70,000 ટ્રેડ માર્ક્સ નોંધાયા હતા, જ્યારે 2020-21માં આ સંખ્યા વધીને 2.5 લાખથી વધુ થઈ ગઈ છે.

આ પણ વાંચો: 74th Army Day: PM Modiએ પાઠવી શુભેચ્છા, યુદ્ધ સ્મારક પર પુષ્પાંજલિ અર્પણ કરવા પહોંચ્યા સેના પ્રમુખ

માત્ર લોકલ નહિ ગ્લોબલ બનો
પીએમ મોદીએ કહ્યું હતું કે, "ભારતના સ્ટાર્ટ-અપ્સ સરળતાથી પોતાને વિશ્વના અન્ય દેશોમાં લઈ જઈ શકે છે. તેથી તમારે ફક્ત તમારા સપનાને લોકલ રાખવા જોઈએ નહીં, પરંતુ તેમને વૈશ્વિક બનાવવા જોઈએ. આ મંત્રયાદ રાખો - ભારત માટે ઈનોવેટ કરો, ભારતમાંથી ઈનોવેટ કરો."

આ પણ વાંચો: Corona Virus: નવી આફત! ઝડપથી ફેલાઇ રહ્યો છે Omicronનો નવો સ્ટ્રેન BA.2, જાણો કેટલો જોખમી

સ્ટાર્ટ-અપ્સનો સુવર્ણ સમયગાળો
પ્રધાનમંત્રીએ વધુમાં જણાવ્યું હતું કે, "હજારો કરોડ રૂપિયાની આ કંપનીઓ આત્મનિર્ભર થતા, આત્મવિશ્વાસી ભારતની ઓળખ છે. આજે ભારત ઝડપથી યુનિકોર્નની સદી ફટકારવાની દિશામાં આગળ વધી રહ્યું છે. હું માનું છું કે ભારતના સ્ટાર્ટ-અપ્સનો સુવર્ણ સમયગાળો હવે શરૂ થઈ રહ્યો છે. આજે ભારતના યુવાનો જે ઝડપે અને સ્કેલ પર સ્ટાર્ટ-અપ્સ બનાવી રહ્યા છે તે વૈશ્વિક મહામારીના આ યુગમાં ભારતની મજબૂત ઇચ્છા શક્તિ અને સંકલ્પની સાક્ષી છે.'

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Latest News, PM Modi પીએમ મોદી, Start up, દેશ વિદેશ