Exclusive: માર્ચ સુધી PM-CARES ફંડમાં 13,000 કરોડ રૂપિયા જમા થયા, 60% કોવિડ-19 સામે ખર્ચાયા

નવી દિલ્હી: PM-CARES ફંડને આ વર્ષના માર્ચના અંત સુધીમાં રૂપિયા 13,000 કરોડથી વધુની રકમ મળી હતી અને તે તારીખ સુધીમાં લગભગ રૂપિયા 5,400 કરોડ બાકી હતા, બાકીના કોવિડ સામેની લડાઈમાં વિવિધ પગલાં પાછળ ખર્ચવામાં આવ્યો હતો. કોવિડ -19 મહામારી ફાટી નીકળ્યા પછી, સરકારે તેમાંથી ઊભી થતી કોઈપણ પ્રકારની કટોકટી અથવા તકલીફની પરિસ્થિતિનો સામનો કરવા માટે પીએમ કેર્સ ફંડની સ્થાપના કરી હતી.

News18 એ 2021-22 માટે PM-CARES ફંડના ઓડિટ સ્ટેટમેન્ટની સમીક્ષા કરી છે, જે દર્શાવે છે કે માર્ચ 2020 માં ફંડની શરૂઆત થઈ ત્યારથી બે વર્ષમાં રૂપિયા 13,000 કરોડથી વધુ એકત્રિત કરવામાં આવ્યા છે. PM-CARES ફંડના તાજેતરના નિવેદન મુજબ, આ રકમમાંથી લગભગ 60% - આશરે રૂપિયા 7,700 કરોડ - આ વર્ષે માર્ચ સુધીમાં મેડિકલ ઓક્સિજન પ્લાન્ટ સ્થાપવા, સરકારી હોસ્પિટલોમાં વેન્ટિલેટર પૂરા પાડવા અને અસ્થાયી હોસ્પિટલો સ્થાપવા જેવી વિવિધ વસ્તુઓ પર ખર્ચવામાં આવ્યા છે.

આ પણ વાંચો: શું ભારતમાં 41.5 કરોડ લોકો ગરીબીમાંથી મુક્ત થયા? સરકારે રિપોર્ટ રજૂ કર્યો

દેશમાં જ્યારે મહામારી ફેલાઈ રહી હતી, ત્યારે પાછલા નાણાકીય વર્ષની સરખામણીમાં 2021-22માં પ્રાપ્ત થયેલા યોગદાનમાં નોંધપાત્ર ઘટાડો જોવા મળ્યો હતો. જ્યારે PM-Cares ફંડને 2020-21માં દેશમાંથી રૂપિયા 7,183 કરોડ અને વિદેશમાંથી રૂપિયા 495 કરોડ મળ્યા હતા, ત્યારે ગયા નાણાકીય વર્ષમાં તેને દેશમાંથી રૂપિયા 1,897 કરોડ અને વિદેશમાંથી માત્ર રૂપિયા 41 કરોડ મળ્યા હતા. માર્ચ 2020 માં, વડા પ્રધાન નરેન્દ્ર મોદીએ તેમની વ્યક્તિગત કમાણીમાંથી PM-CARES ફંડમાં 2.25 લાખ રૂપિયાની પ્રારંભિક રકમનું યોગદાન આપ્યું હતું.

વ્યાજમાંથી રૂપિયા 395 કરોડ મળ્યા

નિવેદન જણાવે છે કે, PM-CARES ફંડે કોર્પસમાં રહેલી રકમમાંથી વ્યાજની આવક તરીકે છેલ્લા નાણાકીય વર્ષમાં રૂપિયા 160 કરોડની કમાણી કરી છે. 2020-21માં પણ PM-CARES ફંડમાં વ્યાજની આવક 235 કરોડ રૂપિયા હતી. આ દર્શાવે છે કે, ગયા માર્ચ સુધી પીએમ-કેર્સ ફંડમાં આવતા રૂપિયા 13,054 કરોડમાંથી રૂપિયા 395 કરોડ વ્યાજની આવકના ખાતામાંથી આવ્યા હતા.

ક્યાં કેટલો ખર્ચ થયો

સરકારી હોસ્પિટલોને 50,000 'મેડ ઈન ઈન્ડિયા' વેન્ટિલેટર પૂરા પાડવા માટે છેલ્લા નાણાકીય વર્ષમાં કુલ રૂપિયા 835 કરોડનો ખર્ચ કરવામાં આવ્યો હતો, જ્યારે વધારાના સમર્પિત પ્રેશર સ્વિંગ એબ્સોર્પ્શન (પીએસએ) મેડિકલ ઓક્સિજન જનરેશન પ્લાન્ટ્સ સ્થાપવા માટે રૂપિયા 1703 કરોડનો ખર્ચ કરવામાં આવ્યો હતો. દેશમાં કરવામાં આવ્યા હતા. ઓડિટ સ્ટેટમેન્ટ દર્શાવે છે કે, 99,986 ઓક્સિજન કોન્સેન્ટ્રેટરની ખરીદી પર આશરે રૂપિયા 500 કરોડનો ખર્ચ કરવામાં આવ્યો હતો, જ્યારે 1.5 લાખ SpO2 આધારિત ઓક્સિજન કંટ્રોલ સિસ્ટમની ખરીદી પર રૂપિયા 322 કરોડનો ખર્ચ કરવામાં આવ્યો હતો. આ ફંડમાંથી એક હજાર કરોડ રૂપિયા પ્રવાસી મજૂરો પર ખર્ચવામાં આવ્યા હતા, જ્યારે 1,392 કરોડ રૂપિયા રસી બનાવવા માટે આપવામાં આવ્યા હતા.

આ પણ વાંચો: CAG રિપોર્ટમાં મોટો ખુલાસો: સેલરી અને મજૂરી કરતા વધારે ખર્ચ પેન્શન પર થાય છે, ગુજરાતમાં પણ આવી જ સ્થિતિ

પીએમ કેર્સ ફંડ બોર્ડ ઓફ ટ્રસ્ટીઝ

તાજેતરમાં, સુપ્રીમ કોર્ટના ભૂતપૂર્વ ન્યાયાધીશ કે.ટી. થોમસ, લોકસભાના ભૂતપૂર્વ ડેપ્યુટી સ્પીકર કારિયા મુંડા અને ટાટા સન્સના ચેરમેન એમેરિટસ રતન ટાટાને 'PM કેયર્સ ફંડ'ના નવા રચાયેલા ટ્રસ્ટી મંડળના સભ્યો તરીકે સામેલ કરવામાં આવ્યા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Corona epidemic, Pm cares, Pm cares fund