શું તમારૂં રિઝર્વેશન કોન્ફર્મ નથી થતું, તો રેલવેની પ્લેટફોર્મ ટિકિટ લઈને કરી શકો છો મુસાફરી

નવી દિલ્હી: દરેક ભારતીય લાંબા અને ટૂંકા અંતરની મુસાફરી માટે ટ્રેનમાં મુસાફરી કરે છે. સસ્તી અને સુલભ મુસાફરીને કારણે મોટાભાગના લોકો રેલ્વેમાં મુસાફરી કરવાનું પસંદ કરે છે. ભારતીય રેલ્વે મુસાફરોને તણાવમુક્ત મુસાફરી માટે તમામ સંભવિત સુવિધાઓ પણ પૂરી પાડે છે. રેલવેની એક એવી સુવિધા છે, જેના વિશે તમે ભાગ્યે જ જાણતા હશો. ટ્રેનમાં મુસાફરી કરવા માટે ટિકિટ હોવી જરૂરી છે, પરંતુ જો તમારી પાસે ટિકિટ ન હોય તો પણ તમે મુસાફરી કરી શકો છો અને આ માટે પ્લેટફોર્મ ટિકિટ (Platform Ticket) ખૂબ જ ઉપયોગી છે.

આ પણ વાંચો: રેલવેના મુસાફરો માટે સારા સમાચાર, ઇમરજન્સીમાં ટિકિટ ન હોય તેવા કિસ્સામાં આ સુવિધા મળશે

રેલ્વેના નિયમો અનુસાર, જો તમારી પાસે રિઝર્વેશન નથી અને તમારે ટ્રેનમાં મુસાફરી કરવાની છે, તો તમે પ્લેટફોર્મ ટિકિટ લઈને જ ટ્રેનમાં ચઢી શકો છો અને ટીસીને મળીને સરળતાથી ટિકિટ મેળવી શકો છો. આ નિયમ (Indian Railways Rules) રેલવે દ્વારા જ બનાવવામાં આવ્યો છે.

પ્લેટફોર્મ ટિકિટ દ્વારા મુસાફરીની શરતો

આ નિયમ હેઠળ, તમારે પ્લેટફોર્મ ટિકિટ લીધા પછી તરત જ TTEનો સંપર્ક કરવો પડશે. પછી TTE તમારા ગંતવ્ય સ્થાન સુધી ટિકિટ બનાવશે. પ્લેટફોર્મ ટિકિટ પેસેન્જરને ટ્રેનમાં ચઢવા અને મુસાફરી કરવાનો અધિકાર આપે છે. જો કે, આ માટે પેસેન્જરે તે જ સ્ટેશનથી ભાડું ચૂકવવું પડશે, જ્યાંથી પ્લેટફોર્મ ટિકિટ ખરીદી છે. ભાડું વસૂલતી વખતે, પ્રસ્થાન સ્ટેશનને પણ તે જ સ્ટેશન તરીકે ગણવામાં આવશે અને તમારે તે જ વર્ગનું ભાડું ચૂકવવું પડશે જેમાં તમે સવાર થયા છો.

કાઉન્ટર પર ખરીદેલી ટિકિટ સાથે રાખવી જરૂરી છે

જણાવી દઈએ કે, મુસાફરીના સમયે રેલવે કાઉન્ટર પરથી ખરીદેલી ટિકિટ તમારી સાથે રાખવી જરૂરી છે. જો મુસાફર પોતાના મોબાઈલમાં રેલ્વે ટિકિટનો ફોટો લઈને મુસાફરી કરવા માંગે છે, તો આવું થઈ શકે નહીં. જો કાઉન્ટર ટિકિટ ઉપલબ્ધ ન હોય, તો અમુક શરતો પૂરી થાય તો મુસાફરને મુસાફરી કરવાની મંજૂરી આપવામાં આવી શકે છે.

આ પણ વાંચો: 'કાલા બકરા' થી લઈ 'સુઅર' સુધી, આ છે ભારતના સૌથી રમુજી રેલ્વે સ્ટેશનના નામ!

સૌ પ્રથમ, તે વ્યક્તિએ TTEની સામે સાબિત કરવું પડશે કે તે એ જ પેસેન્જર છે જેના નામે ટિકિટ બની છે. જો TTE સંતુષ્ટ છે, તો તેણે ટિકિટની કિંમત સાથે થોડો દંડ ચૂકવવો પડશે. તેથી, જો તમે રિઝર્વેશન કાઉન્ટર પરથી ટિકિટ લો છો, તો તેને હંમેશા તમારી સાથે રાખો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Indian railways, Train Ticket Reservation, Trains