Home /News /national-international /

આજથી આકાશમાં ગ્રહોની પરેડ! 1000 વર્ષ બાદ શનિ, મંગળ, શુક્ર, બૃહસ્પતિ એક લાઇનમાં, તમે પણ જુઓ દુર્લભ નજારો

આજથી આકાશમાં ગ્રહોની પરેડ! 1000 વર્ષ બાદ શનિ, મંગળ, શુક્ર, બૃહસ્પતિ એક લાઇનમાં, તમે પણ જુઓ દુર્લભ નજારો

આપણું સૌર મંડળ.

Planet parade of Venus, Mars, Jupiter, Saturn: ભુવનેશ્વરના પઠાની સામંતા પ્લેનેટેરિયમના ડેપ્યુટી ડાયરેક્ટર શુભેંદુ પટનાયકે જણાવ્યું કે 27 એપ્રિલે શુક્ર, મંગળ, બૃહસ્પતિ અને શનિની આકાશમાં પૂર્વ તરફ એક દુર્લભ અને અનોખી પરેડ થશે.

    નવી દિલ્હી. આ અઠવાડિયે આકાશમાં એક દુર્લભ નજારો જોવા મળશે. લગભગ 1000 વર્ષ બાદ આપણા સૌરમંડળના ચાર ગ્રહો આકાશમાં પરેડ (Planet Parade) કરશે. બીજા શબ્દોમાં કહીએ તો શનિ, મંગળ, શુક્ર અને ગુરુ એક સીધી રેખામાં જોવા મળશે. જો આકાશ સ્વચ્છ હશે તો આ ઘટના ભારતમાં નરી આંખે જોઈ શકાશે. તમે પણ સૂર્યોદયના એક કલાક પહેલા આ અનોખા નજારાના સાક્ષી બની શકો છો. ખગોળશાસ્ત્રીઓના મતે આ પહેલા આ પ્રકારનું દ્રશ્ય ઈ.સ. 947માં જોવા મળ્યું હતું.

    ભુવનેશ્વરમાં પઠાની સામંથા પ્લેનેટોરિયમના ડેપ્યુટી ડાયરેક્ટર શુભેંદુ પટનાયકે ન્યૂઝ એજન્સી ANIને જણાવ્યું કે, એપ્રિલ 2022ના છેલ્લા સપ્તાહમાં પૂર્વ તરફ આકાશમાં શુક્ર, મંગળ, ગુરુ અને શનિની દુર્લભ અને અનોખી પરેડ થશે. તે સૂર્યોદયના લગભગ એક કલાક પહેલા આકાશમાં દેખાશે. આ ગ્રહોની છેલ્લી આવી પરેડ લગભગ 1,000 વર્ષ પહેલાં 947 ઈ.સ.માં થઈ હતી.

    આ પણ વાંચો: માણસમાં પહેલીવાર H3N8 બર્ડ ફ્લૂ સંક્રમણ, ચીનમાં નોંધાયો પ્રથમ કેસ, જાણો કેટલો છે ખતરનાક

    તેમણે જણાવ્યું કે 27 એપ્રિલે સૂર્યોદયના એક કલાક પહેલા ચાર ગ્રહો ગુરુ, શુક્ર, મંગળ અને શનિ સાથે ચંદ્ર પૂર્વીય ક્ષિતિજથી 30 ડિગ્રીની અંદર સીધી રેખામાં દેખાશે. તેને દૂરબીન સાથે અથવા તેના વગર જોઈ શકાશે. 30 એપ્રિલે સૌથી તેજસ્વી ગ્રહો શુક્ર અને ગુરુ એકબીજાની ખૂબ નજીક જોવા મળશે. શુક્ર ગુરુથી 0.2 ડિગ્રી દક્ષિણમાં દેખાશે.

    ANI સાથેની વાતચીતમાં પટનાયકે જણાવ્યું કે સામાન્ય રીતે ત્રણ પ્રકારની પ્લેનેટ પરેડ હોય છે. જો કે આ દુર્લભ દૃશ્યની કોઈ વૈજ્ઞાનિક વ્યાખ્યા નથી, પરંતુ ખગોળશાસ્ત્રમાં તેનો ઉપયોગ એ ઘટનાને દર્શાવવા માટે થાય છે જ્યારે સૌર મંડળના ગ્રહ આકાશના એક જ ક્ષેત્રમાં એક લાઇનમાં આવે છે. પ્રથમ પ્રકારની પ્લેનેટ પરેડ એક છે જેમાં સૂર્યની એક બાજુએ ત્રણ ગ્રહો જોવા મળે છે. આવા દૃશ્ય સામાન્ય છે અને વર્ષમાં ઘણી વખત જોઈ શકાય છે. એ જ રીતે વર્ષમાં એકવાર ચાર ગ્રહો એક રેખામાં આવે છે. દર 19 વર્ષે 5 ગ્રહો એક રેખામાં દેખાય છે. તમામ આઠ ગ્રહો 170 વર્ષમાં એકવાર સીધી રેખામાં દેખાય છે.

    આ પણ વાંચો: ટેક વિઝનરીથી સોશિયલ મીડિયા કિંગ બનવા સુધી, કોઈ મુશ્કેલી ન રોકી શકી એલન મસ્કનો માર્ગ

    તેમણે જણાવ્યું કે બીજા પ્રકારની ગ્રહ પરેડ તેને કહેવામાં આવે છે જ્યારે કેટલાક ગ્રહો એક જ સમયે આકાશના નાના વિસ્તારમાં દેખાય છે. આવી ગ્રહ પરેડ છેલ્લે 18 એપ્રિલ 2002 અને જુલાઈ 2020ના રોજ જોવા મળી હતી. તે વખતે નરી આંખે જોઈ શકાય તેવા સૌરમંડળના તમામ ગ્રહો સાંજે એક પંક્તિમાં જોવા મળ્યા હતા. પટનાયકે કહ્યું કે ત્રીજા પ્રકારની ગ્રહ પરેડ દુર્લભ છે. એપ્રિલના અંતમાં આકાશમાં જોવા મળતો નજારો આ શ્રેણીમાં આવે છે.
    Published by:Nirali Dave
    First published:

    Tags: Explain, Solar-system

    આગામી સમાચાર