25 વર્ષીય યુવકને માર મારી અધમરો કરી દીધો, પછી રેલ્વે ટ્રેક પર ફેંકી દીધો, મોત

પંચકુલામાં 25 વર્ષના યુવાકની હત્યા

પુત્ર નીરજને પડોશમાં રહેતા છોકરાઓ સાથે તકરાર થઈ હતી. જે બાદ યુવકોએ તેને જાનથી મારી નાખવાની ધમકી આપી હતી

  • Share this:
    પંચકુલા : હરિયાણાના પંચકુલા જિલ્લાના કાલકામાં સામાન્ય ઝઘડો થયા બાદ 25 વર્ષિય યુવકને ખરાબ રીતે માર માર્યા બાદ તેને રેલ્વે ટ્રેક પર ફેંકી દીધો હતો. માહિતી મળ્યા બાદ તેના પરિવારના સભ્યો ઘટના સ્થળે પહોંચ્યા હતા અને તેને સારવાર માટે હોસ્પિટલમાં લાવ્યા હતા ત્યાં સુધીમાં તેનું મોત નીપજ્યું હતું. મૃતકની માતાએ આક્ષેપ કર્યો છે કે, પડોશમાં રહેતા યુવકોએ પહેલા તેના પુત્રને માર માર્યો હતો. આ પછી તેને રેલ્વે ટ્રેક પર ફેંકી દીધો હતો.

    મૃતક નીરજની ઉંમર 25 વર્ષ હતી. મૃતકની માતા સુનિતાએ જણાવ્યું કે, તે પરિવાર સાથે કાલકામાં રહે છે. રવિવારે તેમના પુત્ર નીરજને પડોશમાં રહેતા છોકરાઓ સાથે તકરાર થઈ હતી. જે બાદ યુવકોએ તેને જાનથી મારી નાખવાની ધમકી આપી હતી. સોમવારે સાંજે નીરજ સામાન લેવા ઘરની બહાર નીકળ્યો હતો. પરંતુ તે લાંબા સમય સુધી ઘરે પહોંચ્યો ન હતો.

    આ પણ વાંચો'પત્નીએ કહ્યું - ચલો ધાબે જઈ સેલ્ફી લઈએ, પછી ત્રીજા માળેથી ધક્કો મારી મને ફેંકી દીધો', પતિની દર્દનાક કહાની

    થોડા સમય પછી કોઈએ નીરજની માતાને જાણ કરી કે, તેનો પુત્ર લોહિયાળ હાલતમાં રેલ્વે ટ્રેક પર પડેલો છે. માહિતી મળતાં નીરજની માતા અને અન્ય લોકો ઘટના સ્થળે પહોંચી ગયા હતા. તેમણે ત્યાં જોયું કે નીરજના માથામાંથી લોહી નીકળી રહ્યું હતું. તેને તાત્કાલિક ઉપાડી લીધો હતો અને સારવાર માટે સેક્ટર 6 સામાન હોસ્પિટલમાં લઈ જવામાં આવ્યો હતો. જ્યાં ડોક્ટરોએ તેને તપાસ બાદ મૃત જાહેર કર્યો હતો.

    આ પણ વાંચોબ્રિટન: એક વ્યક્તિના પ્રાઈવેટ પાર્ટમાં એવું વિચિત્ર થયું, કે ડોક્ટરો પણ જોઈને આશ્ચર્યચકિત થઈ ગયા

    મૃતકની માતા સુનિતાનો આરોપ છે કે, પડોશમાં રહેતા છોકરાઓએ દુશ્મનાવટ રાખી પહેલા તેના પુત્રને માર માર્યો હતો અને પછી તેને રેલ્વે ટ્રેક પર ફેંકી દીધો હતો. હાલ પોલીસે મૃતક યુવકની માતાની ફરિયાદના આધારે ગુનો નોંધ્યો છે. પોલીસ આરોપીની શોધમાં છે.
    Published by:kiran mehta
    First published: