જમ્મુ કાશ્મીર : સુરક્ષાબળોને મળી મોટી સફળતા, મસૂદ અઝહરનો નજીકનો આતંકી લંબૂ માર્યો ગયો

શ્રીનગર : જમ્મુ કાશ્મીરમાં (Jammu Kashmir) સુરક્ષાબળોને મોટી સફળતા મળી છે. પ્રતિબંધિત આતંકી સંગઠન જૈશ એ મોહમ્મદ (Jaish-e-Mohammed -JeM)સાથે જોડાયેલ પાકિસ્તાની આતંકવાદી માર્યો ગયો છે. કાશ્મીર ઝોન પોલીસના IGP વિજય કુમારે આ જાણકારી આપી છે. તેમણે કહ્યું કે પ્રતિબંધિત આતંકી સંગઠન JeM સાથે જોડાયેલ પાકિસ્તાની આતંકી લંબૂ (Lamboo)ને અથડામણમાં ઠાર કર્યો છે. બીજા આતંકીની ઓળખ કરવામાં આવી રહી છે. આઈજીપી કાશ્મીરે આ કાર્યવાહી માટે સેના અને અવંતીપુર પોલીસને અભિનંદન પાઠવ્યા છે.

સૂત્રોના મતે લંબૂ જૈશના સંસ્થાપક મસૂદ અઝહર સાથે જોડાયો હતો. 2018માં લંબૂ આંતરરાષ્ટ્રીય સરહદથી કાશ્મીરમાં આવ્યો હતો. તેનું બીજુ કોડ નામ સૈફુલ્લા હતું. જૈશ પોતાના સૌથી મહત્વપૂર્ણ કમાન્ડર્સને કોડ આપે છે. પાકિસ્તાનના પંજાબ પ્રાંતનો રહેવાસી અબૂ સૈફલ્લા ઉર્ફે લંબૂ 2019માં પુલવામામાં આતંકી હુમલાની ષડયંત્ર રચવામાં સામેલ હતો. બતાવવામાં આવી રહ્યું છે કે તેણે હુમલામાં ઉપયોગ કરેલ આઈઈડી બનાવ્યા હતા.

આ પણ વાંચો - SDM બનશે તેવી આશાએ RAS પ્રી પાસ કરી ચૂકેલી વહુ લાવ્યા, ના બની તો ઘરમાંથી કાઢી મુકી

Lamboo is believed to be closely related to Jaish’s founder Masood Azhar. Had entered Kashmir through the international border in 2018. His other code name was Saifullah, which is a name Jaish gives to its most important commanders. pic.twitter.com/D7xg7XcRAF

— Rahul Pandita (@rahulpandita) July 31, 2021

આ પહેલા પોલીસે જાણકારી આપી હતી કે સુરક્ષાબળોને આતંકવાદીઓની હાજરીની જાણકારી મળવા પર શનિવારે સવારે નામિબિયાન અને મારસાર વનક્ષેત્ર અને દાચીગામમાં વિસ્તારમાં ઘેરાબંધી કરીને તલાશી અભિયાન શરુ કર્યું હતું. છુપાઇને બેસેલા આતંકવાદીઓએ ગોળીઓ ચલાવી હતી. આ પછી અથડામણ શરૂ થઇ હતી.

લેટેસ્ટ ન્યૂઝ મેળવવા News18 Gujarati App ઇન્સ્ટોલ કરો. Facebook । Twitter । Youtube સાથે જોડાઓ.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Jammu Kashmir, Lamboo, આતંકવાદી ઠાર, આતંકી, જૈશ એ મોહમ્મદ, પાકિસ્તાન