Home /News /national-international /

Pakistan: ઈશનિંદાના આરોપમાં હિન્દુ શિક્ષકને આજીવન કેદ, જાણો કઈ રીતે એક Viral Videoએ બનાવ્યો અપરાધી

Pakistan: ઈશનિંદાના આરોપમાં હિન્દુ શિક્ષકને આજીવન કેદ, જાણો કઈ રીતે એક Viral Videoએ બનાવ્યો અપરાધી

કોર્ટે 2019થી જેલમાં બંધ લાલને દોષિત ઠેરવ્યા છે. (પ્રતીકાત્મક ફોટો- shutterstock)

Pakistani Blasphemy Case: પાકિસ્તાનમાં પૂર્વ સૈન્ય ડિરેક્ટર જનરલ જિયા ઉલ હકે 1980ના સમયમાં ઈશનિંદા કાનૂન (Blasphemy Law) લાગુ કર્યો હતો. આ કાયદા હેઠળ કોઈને પણ ફાંસી નથી અપાઈ, પરંતુ ઈશનિંદાની શંકામાં ઘણાં લોકો માર્યા ગયા.

    કરાચી. પાકિસ્તાન (Pakistan)ના દક્ષિણી સિંધ પ્રાંતમાં એક સ્થાનિક અદાલતે મંગળવારે ઈશનિંદાના મામલામાં એક હિન્દુ શિક્ષકને આજીવન કેદની સજા સંભળાવી. સિંધના ઘોટકીમાં એડિશનલ સેશન જજ મુર્તઝાએ શિક્ષક નૌતન લાલને 50,000 પાકિસ્તાની રૂપિયાનો દંડ પણ ફટકાર્યો હતો. કોર્ટે 2019થી જેલમાં બંધ લાલને દોષિત ઠેરવ્યા છે. છેલ્લા બે વર્ષમાં લાલની જામીન અરજી બે વખત ફગાવી દેવામાં આવી હતી.

    સોશિયલ મીડિયા પર એક વીડિયો વાયરલ (viral video) થયા બાદ સપ્ટેમ્બર 2019માં લાલની ધરપકડ કરવામાં આવી હતી, જેમાં એક સ્કૂલના વિદ્યાર્થીએ હિન્દુ શિક્ષક પર ઈશનિંદાનો આરોપ લગાવ્યો હતો. થોડા સમય બાદ જમાત-એ-અહલે સુન્નત પાર્ટીના નેતા અબ્દુલ કરીમ સઈદીએ લાલ વિરુદ્ધ ઈશનિંદા કાયદા હેઠળ પોલીસ ફરિયાદ નોંધાવી હતી. વિદ્યાર્થીએ દાવો કર્યો હતો કે સ્થાનિક ડિગ્રી કોલેજમાં ભૌતિકશાસ્ત્ર ભણાવતા લાલે તે દિવસે શાળાએ પહોંચ્યા બાદ આવું કામ કર્યું હતું.

    આ પણ વાંચો: કર્ણાટકમાં હિજાબ પર હંગામો, 3 દિવસ માટે તમામ શાળા-કોલેજો બંધ, શિમોગામાં કલમ-144 લાગુ

    આ સમાચાર ફેલાતાં જ શહેરમાં વિરોધ ફાટી નીકળ્યો હતો અને ગુસ્સે ભરાયેલા ટોળાએ સાચો સતરામ ધામ મંદિર ઉપર હુંમલો કર્યો હતો અને ઘોટકીમાં મૂર્તિઓની તોડફોડ કરી હતી. મંદિરના રખેવાળ જય કુમારે પાછળથી કહ્યું કે માસ્ક પહેરેલા લગભગ 50 લોકોએ મંદિર પર હુમલો કર્યો, પરંતુ બાદમાં લગભગ 500 મુસ્લિમો આવ્યા અને રાતભર મંદિરની રક્ષા કરી હતી.

    પાકિસ્તાનમાં ભૂતપૂર્વ સૈન્ય નિર્દેશક જનરલ જિયા-ઉલ-હકે 1980ના દાયકામાં ઇશ્વરનિંદા કાયદો લાગુ કર્યો હતો. આ કાયદા હેઠળ કોઈને ફાંસી આપવામાં આવી ન હતી, પરંતુ ઈશનિંદાની શંકામાં ઘણા લોકો માર્યા ગયા. માનવીય અને નાગરિક અધિકાર જૂથોએ ધ્યાન દોર્યું છે કે પરસ્પર દુશ્મનાવટ અને જમીન વિવાદોને ઉત્તેજન આપવા માટે કેટલીકવાર ઈશનિંદા કાયદાનો દુરુપયોગ કરવામાં આવ્યો છે.

    આ પણ વાંચો: Hyundai ના સોશિયલ મીડિયા પોસ્ટ પર ભારતે વ્યક્ત કરી નારાજગી, કોરિયાના રાજદૂતને કર્યા તલબ

    સત્તાવાર અંદાજ મુજબ પાકિસ્તાનમાં 75 લાખ હિંદુઓ રહે છે. જ્યારે સમુદાયનો દાવો છે કે દેશમાં હિંદુઓની સંખ્યા 90 લાખથી વધુ છે. પાકિસ્તાનની હિંદુ વસ્તી મોટાભાગે સિંધ પ્રાંતમાં છે, જ્યાં તેઓ મુસ્લિમ રહેવાસીઓ સાથે સંસ્કૃતિ, પરંપરાઓ અને ભાષા વહેંચે છે. જો કે, કેટલીકવાર તેઓ ઉગ્રવાદીઓ તરફથી શોષણની ફરિયાદ કરે છે.
    Published by:Nirali Dave
    First published:

    Tags: Blasphemy, World News in gujarati, પાકિસ્તાન

    આગામી સમાચાર