Home /News /national-international /Pakistan Crisis: ભારતની સાથે આઝાદ થયું પાકિસ્તાન 70 વર્ષમાં વિનાશના આરે કેવી રીતે પહોંચ્યું? જાણો

Pakistan Crisis: ભારતની સાથે આઝાદ થયું પાકિસ્તાન 70 વર્ષમાં વિનાશના આરે કેવી રીતે પહોંચ્યું? જાણો

આર્થિક સંકટ વચ્ચે નિષ્ણાતોએ દેશની નાદારીની ચેતવણી આપી

Pakistan Crisis: પાકિસ્તાન સૌથી ખરાબ આર્થિક સંકટમાં છે. જોકે, આ સ્થિતિનો સામનો કરવા માટે પાકિસ્તાન સરકાર દ્વારા લેવામાં આવી રહેલા પગલાં લોકોમાં અફરાતફરાની માહોલ છે. દેશમાં સર્વત્ર અરાજકતાનો માહોલ છે.

    નવી દિલ્હી. પેટ્રોલ પંપની બહાર લાંબી લાઈન, આખો દેશ અંધાપરટ, ખાવાના ફાંફા. અત્યારે આ વાત પાડોશી દેશ પાકિસ્તાન (પાકિસ્તાન ઈકોનોમિક ક્રાઈસીસ)ની છે. વર્ષ 1947 માં પાકિસ્તાન ભારત સાથે સ્વતંત્ર થયું હતું. પાકિસ્તાન અલગ પછી પાકિસ્તાન સૌથી ખરાબ આર્થિક સંકટમાં છે. જો કે, આ સ્થિતિનો સામનો કરવા માટે પાકિસ્તાન સરકાર દ્વારા લેવામાં આવી રહેલા પગલાં લોકોમાં અફરાતફરાનો માહોલ છે.

    દેશમાં સર્વત્ર અરાજકતાનો માહોલ છે. સરકાર પાસે કર્મચારીઓને પગાર આપવા માટે પણ પૈસા નથી. ચાલો જાણીએ કે ભારત સાથે આઝાદ થયેલું પાકિસ્તાન 70 વર્ષમાં કેવી રીતે વિનાશના આરે પહોંચી ગયું?

    TOIના એક રિપોર્ટ અનુસાર, દેશમાં આર્થિક સંકટ વચ્ચે નિષ્ણાતોએ દેશને નાદારીની ચેતવણી આપી છે. સ્થિતિ એ છે કે પાકિસ્તાનની મધ્યસ્થ બેંક પાસે $4.4 બિલિયન છે, જે ત્રણ સપ્તાહની આયાત માટે માંડ પૂરતું છે. તાજેતરમાં, મધ્યસ્થ બેંકે તેના બેન્ચમાર્ક વ્યાજ દરને વધારીને 17 ટકા કર્યો છે, જે 24 વર્ષમાં સૌથી વધુ છે.

    આ પણ વાંચોઃ સિંગાપોર, થાઈલેન્ડની જેમ હવે ભારતમાં પણ ટૂરિસ્ટોને હોટેલોમાં મળશે આ ખાસ સુવિધા

    આ પાકિસ્તાનની ગંભીર આર્થિક દુર્દશાના કેટલાક સંકેતો છે...


    પેટ્રોલ પંપ પર લાંબી લાઈન


    પાકિસ્તાનના ડોન અખબાર અનુસાર, પાકિસ્તાનની રાજધાની ઈસ્લામાબાદ અને ખૈબર પખ્તુનખ્વા પ્રાંતમાં પેટ્રોલ પંપો પર ઓઈલ કંપનીઓ દ્વારા ઓછા પુરવઠાને કારણે કાર અને મોટરસાઈકલોની લાંબી લાઈનો જોવા મળી રહી છે. પેટ્રોલ ડીલરોના જણાવ્યા મુજબ, આયાત માટે ખાનગી બેંકો દ્વારા ઋણ પત્રો જારી કરવામાં લાંબા વિલંબને કારણે કંપનીઓએ પ્રાંતમાં પેટ્રોલિયમ ઉત્પાદનોના પુરવઠામાં ઘટાડો કરવામાં આવ્યો છે. પેટ્રોલિયમ વિભાગના ટોચના અધિકારીઓ આ ઘટનાક્રમથી ચિંતિત છે, કારણ કે પાકિસ્તાન પહેલેથી જ ગેસ સંકટથી ઝઝૂમી રહ્યું છે.

    મોટાપાયે બ્લેકઆઉટ


    આ અઠવાડિયાની શરૂઆતમાં, પાકિસ્તાનનો મોટો હિસ્સો કેટલાક કલાકો સુધી વીજળી વિના રહ્યો હતો. કારણ કે શહેબાઝ શરીફ સરકારના ઉર્જા બચતના પગલાં નિષ્ફળ ગયા હતા. જેના કારણે નાગરિકોમાં ગભરાટ અને અસમંજસનો માહોલ સર્જાયો હતો. સોમવારના રોજ બ્લેકઆઉટના કારણે શાળાઓ, કારખાનાઓ અને દુકાનો પર અસર પડી હતી. પાકિસ્તાનના 220 મિલિયન (22 કરોડ) લોકોમાંથી ઘણા પીવાના પાણી માટે પણ તરસ્યા હતા. કારણ કે ઇલેક્ટ્રિક પંપ કામ કરતા ન હતા. પાવરને રિસ્ટોર કરવામાં આવ્યો હતો, પરંતુ દેશના કેટલાક ભાગોમાં મંગળવારે પણ અંધારપટ હતું.

    ખાવાના ફાંફા


    વિશ્વ બેંકના નવા અહેવાલમાં જણાવાયું છે કે ગયા વર્ષના વિનાશક પૂરના પરિણામે પાકિસ્તાનમાં 60 લાખ લોકો હાલમાં ગંભીર ખાદ્ય અસુરક્ષાનો સામનો કરી રહ્યા છે. વધતી જતી નાણાકીય કટોકટીના કારણે સ્થિતિ વધુ ગંભીર બની છે. છેલ્લા કેટલાક દિવસોમાં પાડોશી દેશમાંથી ઘણા વીડિયો સામે આવ્યા છે, જેમાં લોકો મૂળભૂત ખાદ્ય પદાર્થો માટે રસ્તાઓ પર સંઘર્ષ કરતા અને લડતા જોવા મળે છે.

    કન્ટેનર ફસાયેલા


    આ જ સમયે, ખાદ્ય પદાર્થો, કાચો માલ અને તબીબી સાધનોના 8,000 થી વધુ કન્ટેનર બંદરો પર અટવાયેલા છે, જે ફુગાવાને વેગ આપે છે, જે ગયા વર્ષે જૂનથી 20 ટકાથી ઉપર રહ્યો છે. ચીકન, ઈંડા અને લોટની કિંમતો દેશમાં સતત વધી રહી છે, તેમ છતાં વૈશ્વિક કોમોડિટીના ભાવમાં ઘટાડો થયો છે. ડૉલરની તંગીને કારણે આયાતકારો 8,531 કરતાં વધુ કન્ટેનર ક્લિયર કરી શકતા નથી. બીજી બાજુ, શિપિંગ કંપનીઓ હવે પાકિસ્તાનને સમયસર ચૂકવણી કરવામાં નિષ્ફળતા પર પાકિસ્તાનને કામગીરી સ્થગિત કરવાની ધમકી આપી રહી છે.


    IMF બેલઆઉટ


    પાકિસ્તાનની સેન્ટ્રલ બેંકના ગવર્નર જમીલ અહેમદના જણાવ્યા અનુસાર, પાકિસ્તાન ટૂંક સમયમાં IMF સાથે વાતચીત વધારવાની અપેક્ષા રાખે છે. ભૂતકાળમાં, અન્ય અધિકારીઓએ પણ IMF પાસેથી લોન મેળવવાનું આશ્વાસન આપ્યું છે, પરંતુ હજુ સુધી પાકિસ્તાનને પૈસા મળ્યા નથી. જો કે, એવા પણ સમાચાર છે કે જ્યાં સુધી સરકાર દ્વારા કરવામાં આવેલા વચનો પૂરા નહીં થાય ત્યાં સુધી IMF પૈસા નહીં આપે.
    Published by:Priyanka Panchal
    First published:

    Tags: Economic Crisis, Pakistan news

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन