નીચતાની હદ પાર કરી: રાશન જોઈતું હોય તો ડાંસ કરી અમને ખુશ કર, અધિકારીઓએ કિન્નરને નચાવી

પાકિસ્તાનની આર્થિક સ્થિતી ખૂબ જ ખરાબ થઈ ગઈ છે. લોકોને હાલમાં રાશન માટે ખૂબ જ તકલીફો થઈ રહી છે. લોટ, ગાળ, ચોખાના ભાવ આકાશે આંબી રહ્યા છે. હાલત એવી થઈ છે કે, દેશના કેટલાય ભાગોમાંથી લોટ, દાળ ગાયબ થઈ ચુક્યા છે. સોશિયલ મીડિયા પર વાયરલ વીડિયોમાં લોકો રાશન માટે લ઼ડતા ઝઘડતા દેખાઈ રહ્યા છે. કેટલાય વીડિયોમાં તો લોકો રાશન માટે ગાડીઓની પાછળ પણ ભાગતા દેખાય છે. તો વળી એક વીડિયો હાલમાં સોશિયલ મીડિયા પર વાયરલ થઈ રહ્યો છે, જેને લઈને લોકો કહી રહ્યા છે કે, પાકિસ્તાનમાં માણસાઈ મરી પરવારી છે.

A transgender person goes to a government office for rations and is made to dance for the “entertainment” of Pakistan’s government officials.

This is so sad. pic.twitter.com/WmjLWk6yOI

— Major Gaurav Arya (Retd) (@majorgauravarya) January 28, 2023

પાકિસ્તાની ન્યૂઝ ચેનલ એક્સપ્રેસ ન્યૂઝનો આ વીડિયો એક સરકારી ઓફિસનો હોવાનું કહેવાય છે. તેમાં એક કિન્નરને નાચતા જોઈ શકાય છે. એક્સપ્રેસ ન્યૂઝના જણાવ્યા અનુસાર, આ સમગ્ર મામલામાં પાકિસ્તાનનું એક સરકારી ઓફિસ છે. જ્યાં એક કિન્નર રાશન માગવા ગઈ હતી. કિન્નર સાથે અધિકારીએ નીચતાની તમામ હદો પાર કરી હતી અને તેને મનોરંજન કરાવવા માટે કહ્યું હતું. ત્યાર બાદ સોશિયલ મીડિયા પર આ વીડિયો વાયરલ થયો હતો.

જો કે, આ વીડિયો સામે આવ્યા બાદ આયોગે તપાસના આદેશ આપ્યા છે. વેબસાઈટ જિયો ટીવી ઉર્દૂના જણાવ્યા અનુસાર, વીડિયો પાકિસ્તાનના ગુજરાંવાલાનો છે. તો વળી કિન્નરે અધિકારીઓ પર આરોપ લગાવ્યો છે કે, સરાકરી કર્મચારીઓએ રાશનના બદલામાં નાચતા માટે કહ્યું હતું. અધિકારીએ કહ્યું કે, રાશન ત્યારે જ મળશે, તું ડાંસ કરીને અમને ખુશ કરીશ. તો વળી સરકારી ઓફિસરોએ આ આરોપને ફગાવી દીધા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Latest viral video