ભારતીય નૌકાદળમાં P15B મિસાઈલ ડિસ્ટ્રોયર 'મોરમુગાઓ' સામેલ, કેટલું છે ખતરનાક?

મુંબઇ: આજે સંરક્ષણ મંત્રી રાજનાથ સિંહની હાજરીમાં ભારતીય નૌકાદળમાં P15B સ્ટીલ્થ-ગાઈડેડ મિસાઈલ ડિસ્ટ્રોયર 'મોરમુગાઓ'ને સામેલ કરવામાં આવ્યું. રાજનાથ સિંહ P-15B સ્ટીલ્થ-ગાઈડેડ મિસાઈલ ડિસ્ટ્રોયર 'મોરમુગાઓ'ના કમિશનિંગ સમારોહમાં હાજરી આપવા મુંબઈ પહોંચ્યા હતા.

INSનો 75 ટકા ભાગ પૂર્ણરૂપે સ્વદેશી છે

નૌસેનામાં બાહુબલી યુદ્ધ જહાજ સામેલ થયું છે. ભારતીય નૌસેનામાં INS મોરમુગાઓ સામેલ થયું છે. આ સાથે જ ભારતની સમુદ્રીય યુદ્ધશક્તિ ઘણી વધી જશે. મોરમુગાઓના 75 ટકા ઉપકરણો સ્વદેશી છે. INSનો 75 ટકા ભાગ પૂર્ણરૂપે સ્વદેશી છે. હિન્દ મહાસાગરમાં ચીનની હરકતો વચ્ચે આજે ભારતની તાકાત વધતાં જ ચીનના દાંત જરૂર ખાંટા થઈ જશે. આજે મુંબઈમાં રક્ષામંત્રી રાજનાથ સિંહના હસ્તે ઈન્ડિયન નેવીમાં INS મોરમુગાઓને સામેલ કરાયું છે.

4 વિશાખાપટ્ટનમ શ્રેણીના ડિસ્ટ્રોયર્સમાં INS મોરમુગાઓ બીજું

નોંધનીય છે કે, મુંબઈના મઝગાંવ ડોકયાર્ડ લિમિટેડમાં પ્રોજેક્ટ-15બી અંતર્ગત કુલ 35,800 કરોડ રૂપિયાની કિંમતથી બનાવવામાં આવી રહેલા 4 વિશાખાપટ્ટનમ શ્રેણીના ડિસ્ટ્રોયર્સમાં INS મોરમુગાઓ બીજું છે. નવેમ્બર 2021માં આવા જ પહેલાં ડિસ્ટ્રોયરને INS વિશાખાપટ્ટનમના રૂપમાં ભારતીય નૌસેનામાં કમિશન કરવામાં આવ્યું હતું. હવે INS મોરમુગાઓના સમાવેશ બાદ ઈમ્ફાલ અને સૂરત નામના ત્રીજા અને ચોથા ડિસ્ટ્રોયરને 2023-2024માં ઈન્ડિયન નેવીમાં કમિશન કરવામાં આવશે.

આ પણ વાંચો: અમે નોર્થ ઈસ્ટમાં 'વિવાદોની બોર્ડર' નહીં, પણ 'વિકાસનો કોરિડોર' બનાવી રહ્યા છીએ: PM મોદી

મોરમુગાઓ નામ ગોવાના ઐતિહાસિક શહેર મોરમુગાઓ પરથી પડ્યું

મોરમુગાઓ નામ ગોવાના ઐતિહાસિક શહેર મોરમુગાઓ પરથી પડ્યું છે, આ યુદ્ધ જહાજનું વજન 7,400 ટન વજન છે 163 મીટરની લંબાઈ તથા 17 મીટરની પહોળાઈ છે. 56 કિમી પ્રતિ કલાકની ઝડપ સાથે તે પરમાણુ, જૈવિક અને રાસાયણિક યુદ્ધ સમયે બચાવ અને લડવામાં સક્ષમ છે. આ ઉપરાંત બ્રહ્મોસ, બરાક-8 અને સુપરસોનિક ક્રૂઝ મિસાઈલ જેવી ઘાતક મિસાઈલ ઉપરાંત ટોરપિટો, રોકેટ લોન્ચર, ગન સિસ્ટમ્સ અને સેન્સરથી સજ્જ છે. તેમજ જમીન કે સમુદ્રમાં 300 કિલોમીટર દૂર અને હવામાં 70 કિલોમીટર દૂર નિશાનો લગાવવામાં કારગત છે તથા ખરાબ વાતાવરણમાં પણ હેલિકોપ્ટર આસાનીથી લેન્ડ કરી શકાય તેવું આ બાહુબલી યુદ્ધ જહાજ છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: National news