Home /News /national-international /ફટાકડા વગર દિવાળી કરતા હતા આપણા પૂર્વજ- ટીકા પર AAP સરકારના મંત્રી ગોપાલ રાયે આપ્યો જવાબ

ફટાકડા વગર દિવાળી કરતા હતા આપણા પૂર્વજ- ટીકા પર AAP સરકારના મંત્રી ગોપાલ રાયે આપ્યો જવાબ

દિલ્હીના પર્યાવરણ મંત્રી ગોપાલ રાયે ફટાકડા પર પ્રતિબંધની ટીકા પર ટિપ્પણી કરી. (PIC: PTI)

દેશની રાજધાની દિલ્હીમાં દિવાળીના અવસર પર ફટાકડા ફોડવાને લઈને રાજનીતિ શરૂ થઈ ગઈ છે. એક તરફ બીજેપી દિલ્હીની આમ આદમી પાર્ટી સરકારના આ નિર્ણયનો જોરદાર વિરોધ કરી રહી છે અને આરોપો લગાવી રહી છે.

    નવી દિલ્હી: દેશની રાજધાની દિલ્હીમાં દિવાળીના અવસર પર ફટાકડા ફોડવાને લઈને રાજનીતિ શરૂ થઈ ગઈ છે. એક તરફ બીજેપી દિલ્હીની આમ આદમી પાર્ટી સરકારના આ નિર્ણયનો જોરદાર વિરોધ કરી રહી છે અને આરોપો લગાવી રહી છે. જ્યારે રાજ્ય સરકાર પર્યાવરણને ટાંકી રહી છે. દરમિયાન ફટાકડા પર પ્રતિબંધની ટીકા પર દિલ્હી સરકારના પર્યાવરણ પ્રધાન ગોપાલ રાયે કહ્યું કે આપણા પૂર્વજોએ દિવાળીના અવસર પર ફટાકડા ફોડ્યા નહોતા, તે સમયે દિવાળી ફટાકડા ફોડીને ઉજવવામાં આવતી નહોતી.

    દિલ્હીના પર્યાવરણ મંત્રી ગોપાલ રાયે રવિવારે કહ્યું કે તેમની સરકારની પ્રાથમિકતા માનવ જીવન બચાવવાની છે અને તેમને ફટાકડા પર રાજકારણ કરવામાં રસ નથી. રાયે અહીં પત્રકારોને જણાવ્યું હતું કે દર વર્ષે દિવાળીની આસપાસ પ્રદૂષણ વધે છે. તેનું મુખ્ય કારણ ફટાકડા છે. ફટાકડામાંથી નીકળતો ધુમાડો ખાસ કરીને બાળકો, મહિલાઓ અને વૃદ્ધો માટે જોખમી છે.

    દિલ્હી સરકારે આવતા વર્ષે 1 જાન્યુઆરી સુધી તમામ પ્રકારના ફટાકડાના ઉત્પાદન, વેચાણ અને ઉપયોગ પર સંપૂર્ણ પ્રતિબંધ લગાવી દીધો છે. આ પ્રતિબંધ દિવાળી પર પણ ચાલુ રહેશે. છેલ્લા બે વર્ષથી ફટાકડા પર પ્રતિબંધ છે. રાયે કહ્યું, 'અમારી પ્રાથમિકતા જીવન બચાવવાની છે. અમને ફટાકડા પર રાજકારણ કરવામાં રસ નથી. કેટલાક લોકોએ આ મુદ્દે સુપ્રીમ કોર્ટના દરવાજા પણ ખખડાવ્યા હતા. સુપ્રીમ કોર્ટના નિર્ણય બાદ આ મામલે ચર્ચાને કોઈ અવકાશ નથી.

    આ પણ વાંચોઃ બિલ્કીસ બાનો કેસ મામલે સુપ્રીમ કોર્ટે ગુજરાત સરકારની ઝાટકણી કાઢી

    સુપ્રીમ કોર્ટે ગુરુવારે દિલ્હીમાં ફટાકડા પર સંપૂર્ણ પ્રતિબંધ અંગે તાત્કાલિક સુનાવણીની માંગ કરતી બીજેપી સાંસદ મનોજ તિવારીની અરજીને ફગાવી દીધી હતી. ભાજપના નેતાઓએ અગાઉ ફટાકડા પર સંપૂર્ણ પ્રતિબંધને લઈને દિલ્હી સરકાર પર નિશાન સાધ્યું હતું અને અરવિંદ કેજરીવાલની આગેવાનીવાળી સરકારને હિંદુ વિરોધી ગણાવી હતી. રાયે બુધવારે કહ્યું હતું કે દિલ્હીમાં દિવાળી પર ફટાકડા ફોડવા પર છ મહિના સુધીની જેલ અને 200 રૂપિયાનો દંડ થઈ શકે છે.
    Published by:Vrushank Shukla
    First published:

    Tags: AAP news, Diwali 2022, Firecrackers

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन