Operation Ganga: આજે 19 ફ્લાઈટ દ્વારા 3726 ભારતીયો દેશ પરત ફરશે, અત્યાર સુધીમાં 17000 યુક્રેન છોડી ચૂક્યા છે

કેન્દ્રીય નાગરિક ઉડ્ડયન મંત્રી જ્યોતિરાદિત્ય સિંધિયા (Jyotiraditya Scindia)એ ગુરુવારે જણાવ્યું હતું કે ગુરુવારે બુખારેસ્ટ (Bucharest), સુસેવા (Suceava), કોસીસે (Kosice), બુડાપેસ્ટ (Budapest)અને રઝેઝોવ (Rzeszow)થી 19 ફ્લાઇટ્સ દ્વારા 3726 ભારતીયોને સ્વદેશ પરત લાવવામાં આવશે. જ્યોતિરાદિત્ય સિંધિયાએ ટ્વીટ કર્યું, "ઓપરેશન ગંગા' (Operation Ganga) હેઠળ 3726 ભારતીયોને આજે બુકારેસ્ટથી 8 ફ્લાઈટ, સુસેવાથી 2 ફ્લાઈટ, કોસીસેથી 1 ફ્લાઈટ, બુડાપેસ્ટથી 5 ફ્લાઈટ અને રઝેઝોવથી 3 ફ્લાઈટ દ્વારા સ્વદેશ લાવવામાં આવશે.

યુક્રેનથી સુરક્ષિત પરત ફરવા બદલ વિદ્યાર્થીઓ સરકારનો આભાર માન્યો

આ દરમિયાન યુક્રેનમાંથી સુરક્ષિત ગુરુવારે દિલ્હી એરપોર્ટ પહોંચેલા વિદ્યાર્થીઓએ ભારત સરકારનો આભાર માન્યો હતો. એક ભારતીય વિદ્યાર્થીએ કહ્યું, “ભારત સરકારે યુક્રેનમાં ફસાયેલા ભારતીય વિદ્યાર્થીઓને બચાવવા માટે તાત્કાલિક પગલાં લીધાં. ભારતીય હોવાનો ગર્વ છે. કિવ અને ખાર્કિવમાં ફસાયેલા ભારતીય વિદ્યાર્થીઓને વહેલામાં વહેલી તકે બહાર કાઢવાની જરૂર છે.

With all hands on deck & the direction of PM @narendramodi Ji, we will get 3726 of our people back home today. Jai Hind! #OperationGanga https://t.co/83Rg0c9lAk

— Jyotiraditya M. Scindia (@JM_Scindia) March 3, 2022

ભારતીય વિદ્યાર્થી ઉજ્જલા ગુપ્તા યુદ્ધગ્રસ્ત યુક્રેનમાંથી સુરક્ષિત સ્વદેશ પરત ફરતી વખતે દિલ્હી એરપોર્ટ પર તેના માતા-પિતા અને સંબંધીઓ દ્વારા ઉષ્માભર્યું સ્વાગત કરવામાં આવ્યું હતું. ઉજ્જલાએ ANIને કહ્યું, “હું સરકારને વિનંતી કરું છું કે કિવ અને ખાર્કિવમાં ફસાયેલા વિદ્યાર્થીઓને પાછા લાવવામાં આવે કારણ કે ત્યાંની સ્થિતિ ખુબ જ ગંભીર છે. યુક્રેનમાંથી તમામ ભારતીયોને બહાર કાઢવાના અમારી સરકારના પ્રયાસોની હું પ્રશંસા કરું છું."

આ પણ વાંચો- News live updates: Gujarat Budget: 60થી વધુ વયના લોકોને રૂ. 1,000 અને 80થી વધુ વયના લોકો માટે રૂ. 1,250 પેન્શન

હવે IAF પણ 'ઓપરેશન ગંગા'માં જોડાયું છે.

વડાપ્રધાન નરેન્દ્ર મોદીએ પણ ભારતીય વાયુસેનાને 'ઓપરેશન ગંગા'માં ભાગ લેવાનો નિર્દેશ આપ્યો હતો. ભારતીય વાયુસેના તેના કાર્ગો અને ટ્રાન્સપોર્ટ એરક્રાફ્ટ સાથે બચાવ કામગીરી કરી રહી છે. ઉલ્લેખનીય છે કે, C-17 ગ્લોબમાસ્ટર અને IL-76 એરક્રાફ્ટ એક સમયે લગભગ 400 મુસાફરો સાથે લાંબા અંતરની ઉડાન ભરવા માટે સક્ષમ છે. તાલિબાને અફઘાનિસ્તાન પર કબજો મેળવ્યા પછી કાબુલમાંથી નાગરિકો અને અધિકારીઓને બહાર કાઢવામાં ભારતીય વાયુસેનાના C-17 ગ્લોબમાસ્ટર પરિવહન વિમાને મહત્વની ભૂમિકા ભજવી હતી.

#OperationGanga update

9 flights taken off today from Hungary, Romania, Slovakia and Poland. Includes IAF aircrafts.

6 flights more expected to depart shortly.

Altogether, will bring back more than 3000 Indian nationals. pic.twitter.com/gRQ58SvtNw

— Dr. S. Jaishankar (@DrSJaishankar) March 2, 2022

વિદેશ મંત્રી એસ જયશંકરે કહ્યું કે ગુરુવારે હંગેરી, રોમાનિયા, સ્લોવાકિયા અને પોલેન્ડથી નવ ફ્લાઈટ્સ ઉડાન ભરી હતી. ડૉ. જયશંકરે ટ્વીટ કર્યું, "ભારતીય વાયુસેનાના વિમાનો સહિત હંગેરી, રોમાનિયા, સ્લોવાકિયા અને પોલેન્ડથી આજે 9 ઉડાનો કરવામાં આવી હતી. 6 વધુ ફ્લાઇટ્સ ટૂંક સમયમાં રવાના થવાની ધારણા છે. કુલ મળીને 3000 થી વધુ ભારતીય નાગરિકોને પાછા લાવવામાં આવશે.

આ પણ વાંચો- Russia-Ukraine Impact: હવે LPG સિલિન્ડરના ભાવ પણ આસમાને પહોંચશે! વિધાનસભા ચૂંટણી બાદ ભાવ વધશે

અત્યાર સુધીમાં લગભગ 17000 ભારતીયો યુક્રેન છોડી ચૂક્યા છે

કિવમાં ભારતીય દૂતાવાસ દ્વારા એડવાઈઝરી જારી કરવામાં આવી ત્યારથી કુલ 17,000 ભારતીય નાગરિકોએ યુક્રેન છોડ્યું છે અને યુક્રેનમાં ફસાયેલા બાકીના વિદ્યાર્થીઓને બહાર કાઢવાની સુવિધા માટે 'ઓપરેશન ગંગા' હેઠળ ફ્લાઈટ્સ વધારવામાં આવી છે. યુક્રેન છોડનારા વિદ્યાર્થીઓમાં કેટલાક ભારતીયોનો સમાવેશ થાય છે જેમણે અગાઉ કિવમાં ભારતીય દૂતાવાસમાં નોંધણી કરાવી ન હતી.

આ દરમિયાન વડાપ્રધાન નરેન્દ્ર મોદીએ બુધવારે યુક્રેનના મુદ્દા પર ઉચ્ચ સ્તરીય બેઠકની અધ્યક્ષતા કરી હતી. આ બેઠકમાં કેન્દ્રીય મંત્રી એસ જયશંકર, પીયૂષ ગોયલ, રાષ્ટ્રીય સુરક્ષા સલાહકાર અજીત ડોભાલ, વિદેશ સચિવ હર્ષવર્ધન શૃંગલા અને અન્ય અધિકારીઓએ હાજરી આપી હતી. છેલ્લા કેટલાક દિવસોથી વડાપ્રધાન આ મુદ્દે મહત્વની બેઠકોની અધ્યક્ષતા કરી રહ્યા છે.

આ પણ વાંચો- Russia-Ukraine Crisis: યુક્રેનમાં ફસાયેલા વિદ્યાર્થીઓને સોનુ સૂદની અપીલ, જ્યાં છો ત્યાં જ રહો, મદદ જલ્દી પહોંચશે

રશિયાએ 24 ફેબ્રુઆરીએ યુક્રેન પર હુમલો કર્યો હતો

રશિયન સૈન્યએ 24 ફેબ્રુઆરીએ યુક્રેનમાં એક વિશાળ સૈન્ય કાર્યવાહી શરૂ કરી હતી, મોસ્કોએ ડોનેટ્સક અને લુહાન્સ્કના અલગ યુક્રેનિયન પ્રદેશોને સ્વતંત્ર રાજ્યો તરીકે માન્યતા આપ્યાના ત્રણ દિવસ પછી યુનાઇટેડ કિંગડમ, યુનાઇટેડ સ્ટેટ્સ, કેનેડા અને યુરોપિયન યુનિયન સહિત ઘણા દેશોએ યુક્રેનમાં રશિયાના લશ્કરી કાર્યવાહીની નિંદા કરી છે અને મોસ્કો પર સખત આર્થિક પ્રતિબંધો લાદ્યા છે. આ દેશોએ રશિયા સામે લડવા માટે યુક્રેનને સૈન્ય સહાય આપવાનું પણ વચન આપ્યું છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Indian Students in Ukraine, PM Modi પીએમ મોદી, Russia and Ukraine War, Russia ukraine crisis, Russia ukraine news, Russia-Ukraine Conflict, Ukraine Russia War, Ukraine war