મોદી સરકારે મફત રાશનની યોજનાને લંબાવી, વન રેન્ક પેન્શનનું પણ થયું રિવિઝન

નવી દિલ્હી: શુક્રવારે કેન્દ્ર સરકારે ગરીબોને મફત અનાજ આપવા માટે પ્રધાનમંત્રી ગરીબ કલ્યાણ અન્ન યોજનાનો સમયગાળો એક વર્ષ માટે લંબાવ્યો છે. આ સાથે 'વન રેન્ક વન પેન્શન સ્કીમ'નું પણ ફરીથી રિવિઝન કરવામાં આવ્યું છે. જેમાં 1 જુલાઈ 2014થી 20 લાખ 60 હજાર 220 પેન્શનધારકોને જે લાભ આપવામાં આવ્યો હતો, હવે તેની સંખ્યા 25 લાખથી વધુ થઈ જશે.

પેન્શનના રિવિઝનને મંજૂરી અપાઈ

વન રેન્ક વન પેન્શન સ્કીમ હેઠળ મોદી સરકારે પેન્શનના રિવિઝનને મંજૂરી આપી છે. તેનાથી સેના સાથે જોડાયેલા 25 લાખથી વધુ લોકોને ફાયદો થશે. સરકારનું કહેવું છે કે OROPના સુધારાને કારણે યુદ્ધમાં માર્યા ગયેલા સૈનિકોની વિધવાઓની સાથે અપંગ સૈનિકો તેમજ ફેમિલી પેન્શનરોને પણ ફાયદો થશે.

કેન્દ્રીય માહિતી અને પ્રસારણ મંત્રી અનુરાગ ઠાકુરે કહ્યું કે 1 જુલાઈ 2014 પછી નિવૃત્ત થયેલા સુરક્ષા કર્મચારીઓ સહિત OROPના લાભાર્થીઓની સંખ્યા વધીને 25 લાખ 13 હજાર 2 થઈ ગઈ છે. 1 એપ્રિલ 2014 પહેલા આ સંખ્યા 20 લાખ 60 લાખ 220 હતી. કેન્દ્રીય મંત્રીએ કહ્યું કે આનાથી સરકાર પર 8,450 કરોડ રૂપિયાનો વધારાનો બોજ પડશે. તેમણે કહ્યું કે 1 જુલાઈ, 2014 પછી સ્વૈચ્છિક રીતે નિવૃત્ત થયેલા સંરક્ષણ કર્મચારીઓને આ લાભ નહીં મળે.

અનુરાગ ઠાકુરે કહ્યું કે વન રેન્ક વન પેન્શનમાં સુધારો કરવામાં આવ્યો છે. અગાઉ 20.60 લાખ પેન્શનધારકોને લાભ મળતો હતો. હવે રિવિઝન બાદ 25 લાખ પેન્શનરો થયા છે. સરકાર પર 8450 કરોડનો બોજ પડશે. તેમણે કહ્યું કે આ લોકોને કરવામાં આવેલ બાકી રકમ પણ આપવામાં આવશે.

વન રેન્ક-વન પેન્શન યોજના શું છે?

વન રેન્ક-વન પેન્શન (ઓઆરએપી) નો સામાન્ય અર્થ સશસ્ત્ર દળોના કર્મચારીઓને સમાન રેન્ક અને સેવાના સમાન સમયગાળા માટે સમાન પેન્શનની ચુકવણી છે. આમાં નિવૃત્તિની તારીખનો કોઈ અર્થ નથી. મતલબ કે જો કોઈ અધિકારીએ 1985 થી 2000 સુધી સશસ્ત્ર દળોમાં 15 વર્ષ અને બીજા 1995 થી 2010 સુધી સેવા આપી હોય તો બંને અધિકારીઓને સમાન પેન્શન મળશે.

આ પણ વાંચોઃ 7th Pay Commission: સરકારી કર્મચારીઓ માટે આવી ગઈ લેટેસ્ટ અપડેટ, આ તારીખથી ખુશખબર આપી શકે છે મોદી સરકાર

ગરીબો માટે એક વર્ષ સુધી મફત રાશન

કેન્દ્રીય મંત્રી પીયૂષ ગોયલે કહ્યું કે સરકારે રાષ્ટ્રીય ખાદ્ય સુરક્ષા કાયદા હેઠળ 81.3 કરોડ લોકોને એક વર્ષ માટે મફત અનાજ વિતરણ કરવાનો નિર્ણય લીધો છે. રાષ્ટ્રીય ખાદ્ય સુરક્ષા કાયદા હેઠળ ગરીબોને મફત રાશન આપવા પર લગભગ બે લાખ કરોડ રૂપિયાનો ખર્ચ થશે, તેનો બોજ કેન્દ્ર સરકાર ઉઠાવશે. કેન્દ્રીય ખાદ્ય અને જાહેર વિતરણ મંત્રી ગોયલે જણાવ્યું હતું કે રાષ્ટ્રીય ખાદ્ય સુરક્ષા અધિનિયમ હેઠળ સરકાર પ્રતિ કિલો રૂ.3ના દરે ચોખા, રૂ.2 પ્રતિ કિલોના દરે ઘઉં અને રૂ.1 પ્રતિ કિલોના દરે બરછટ અનાજ આપે છે. સરકારે નિર્ણય લીધો છે કે ડિસેમ્બર 2023 સુધી તે સંપૂર્ણપણે મફત રહેશે. તેનાથી 81.35 કરોડ લોકોને ફાયદો થશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Government scheme, Modi goverment, Modi government મોદી સરકાર