ઉત્તર કોરિયાના હેકર્સે અમેરિકામાંથી $600 મિલિયનની કિંમતની ક્રિપ્ટોકરન્સીની ચોરી કરી, FBIએ તપાસ શરૂ કરી

ઉત્તર કોરિયાની (North Korea) સરકાર સાથે જોડાયેલા હેકર્સની એક ટોળકીએ માત્ર એક જ ઝાટકે યુએસમાંથી $600 મિલિયનની કિંમતની ક્રિપ્ટોકરન્સીની ચોરી કરી છે. યુએસ ઈન્ટેલિજન્સ ડિપાર્ટમેન્ટ એફબીઆઈના જણાવ્યા અનુસાર, ઉત્તર કોરિયા સાથે જોડાયેલા લાઝારસ ગ્રુપ અને એપીટી 38એ ઈથેરિયમમાં આ ચોરીને અંજામ આપ્યો છે.

Ethereum એક પ્રકારની ક્રિપ્ટોકરન્સી સાથે સંકળાયેલું એક ટેકનોલોજી પ્લેટફોર્મ છે. એફબીઆઈની તપાસમાં જાણવા મળ્યું છે કે હેકર્સે એક્સી ઈન્ફિનિટીના કોમ્પ્યુટર નેટવર્કને તોડીને આ મોટી ચોરી કરી છે. Axi Infinity એક પ્રકારની વીડિયો ગેમ છે જેના દ્વારા ખેલાડીઓ ક્રિપ્ટોકરન્સી કમાઈ શકે છે. આ વીડિયો ગેમ બનાવનારી કંપની સ્કાય મેવિસે કહ્યું કે કેટલાક અજાણ્યા હેકર્સે તે જે કમ્પ્યુટર નેટવર્કનો ઉપયોગ કરે છે તેમાંથી $600 મિલિયનની કિંમતની ક્રિપ્ટોકરન્સીની ચોરી કરી છે.

આ પણ વાંચો - ચીને સ્પષ્ટ કર્યું - 'રશિયા સાથેના સંબંધોમાં અન્ય દેશોની દખલ સહન કરવામાં આવશે નહીં'

સાયબર નિષ્ણાતોનું માનવું છે કે ઉત્તર કોરિયાની આવકનો મુખ્ય સ્ત્રોત સાયબર હુમલા છે. ઉત્તર કોરિયાના પ્રમુખ કિમ જોંગ જ્યારથી સત્તામાં આવ્યા ત્યારથી તેમની આવકનો તે મુખ્ય સ્ત્રોત રહ્યો છે. એટલું જ નહીં, ડિજિટલ કરન્સી ટ્રાન્ઝેક્શન પર નજર રાખનારી એક ફર્મના જણાવ્યા અનુસાર, લાઝારસ ગ્રુપે છેલ્લા કેટલાક વર્ષોમાં લગભગ $1.75 બિલિયનની કિંમતની ક્રિપ્ટોકરન્સીની ચોરી કરી છે. ગૂગલના સંશોધકોએ તાજેતરમાં બે અલગ-અલગ કથિત હેકિંગ હુમલાનો પણ પર્દાફાશ કર્યો છે. જેના નિશાના પર અમેરિકાના મીડિયા, આઈટી, ક્રિપ્ટોકરન્સી અને ફાઈનાન્સિયલ ટેક્નોલોજી ક્ષેત્રો સાથે સંકળાયેલી સંસ્થાઓ હતી.

આ પણ વાંચો - Earthquake: અરુણાચલ પ્રદેશમાં ભૂકંપનો ઝટકો, રિક્ટર સ્કેલ પર તીવ્રતા 5.3 નોંધાઇ

સરકારો સાથે સંકળાયેલા હેકર્સના નિશાના પર રહેલા યુઝર્સને ગૂગલ તેના વતી માહિતી મોકલતું રહે છે. યુક્રેન પર રશિયાના હુમલાથી, આ સમયે વિશ્વભરના સાયબર સુરક્ષા નિષ્ણાતોની નજર રશિયન હેકર્સની ગેંગ પર છે. એવી આશંકા છે કે રશિયા પર લાદવામાં આવેલા આર્થિક પ્રતિબંધોના જવાબમાં તેઓ પશ્ચિમી દેશોની અર્થવ્યવસ્થાને નુકસાન પહોંચાડવા માટે મોટા સાયબર હુમલાઓ કરી શકે છે. દરમિયાન, તક જોઈને ઉત્તર કોરિયાના હેકર્સ મોટી ચોરીને અંજામ આપવામાં સફળ થયા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Cryptocurrency, North korea