ખાતમુહૂર્ત કરી PM મોદીએ કહ્યું, 'Jewar Airport યુપીની સૂરત બદલશે'

PM મોદી

પીએમ મોદીએ કહ્યુ, 'આઝાદીના સાત દાયકા પછી, યુપીને તે મળવાનું શરૂ થયું છે જેનું તે હકદાર હતું. ડબલ એન્જિન સરકારના કારણે યુપી દેશનું સૌથી વિકસિત રાજ્ય બની રહ્યું છે.'

  • Share this:
    વડાપ્રધાન નરેન્દ્ર મોદીએ (PM Narendra Modi)આજે ગુરુવારે ઉત્તર પ્રદેશના અદ્યોગિક, આર્થિક અને પર્યટનના વિકાસ માટે માઈલ સ્ટોન સાબિત થનાર નોઈડા ઇન્ટરનેશનલ એરપોર્ટ, (Noida Internatonal Airport) જેવરનું (Jewar, Gautam Buddha Nagar) ખાતમુહૂર્ત કર્યુ. મુખ્યમંત્રી યોગી આદિત્યનાથ અને કેન્દ્રીય નાગરિક ઉડ્ડયન મંત્રી જ્યોતિરાદિત્ય સિંધિયા પણ ખાતમુહૂર્તમાં સામેલ થયા હતા. આ એરપોર્ટનો પ્રથમ તબક્કો 2023-24 સુધીમાં પૂર્ણ થઇ જશે. જેવર એરપોર્ટ રાષ્ટ્રીય રાજધાની વિસ્તારમાં ઔદ્યોગિક ગતિવિધિઓ અને સર્વિસ સેક્ટરનું મોટું કેન્દ્ર બનશે.

    યુપી દેશનું સૌથી વિકસિત રાજ્ય બની રહ્યું છે: PM મોદી

    પીએમે કહ્યું, આ એરપોર્ટ નિકાસ માટે સીધું આંતરરાષ્ટ્રીય એરપોર્ટ સાથે જોડાયેલું હશે. નાના ખેડૂતો અહીંથી સીધા જ નાશવંત માલની નિકાસ કરી શકશે. નિકાસ માટે આસપાસના તમામ જિલ્લાઓને ઘણો ફાયદો થશે. એરપોર્ટના નિર્માણ દરમિયાન, તેના સુચારૂ સંચાલન માટે હજારો લોકોની જરૂર છે જે તેમને રોજગાર આપશે.  એર કનેક્ટિવિટી વધવાથી પ્રવાસન વધે છે. ઉદાહરણ તરીકે, માતા વૈષ્ણોદેવી અને ચારધામમાં હેલિકોપ્ટર સેવાના આગમનને કારણે ત્યાં પ્રવાસન વધ્યું છે. આઝાદીના સાત દાયકા પછી, યુપીને તે મળવાનું શરૂ થયું છે જેનું તે લાયક હતું. ડબલ એન્જિન સરકારના કારણે યુપી દેશનું સૌથી વિકસિત રાજ્ય બની રહ્યું છે.



    આ એરપોર્ટ દેશના યુવાનોને રોજગારી આપશે: PM મોદી 

    પીએમએ કહ્યું કે, નોઈડા સમગ્ર ઉત્તર ભારતનું લોજિસ્ટિક્સ ગેટવે બનશે. નોઈડા ઈન્ટરનેશનલ એરપોર્ટ પણ આજે ઉડ્ડયન ક્ષેત્રમાં ઝડપી વૃદ્ધિ માટે મોટી ભૂમિકા ભજવશે. આ એરપોર્ટ એરક્રાફ્ટની જાળવણીનું કેન્દ્ર બનશે, જે દેશ-વિદેશના વિમાનોને સેવા આપશે અને દેશના યુવાનોને રોજગારી આપશે. આજે પણ અમે MRO સેવા માટે અમારા 85 ટકા એરક્રાફ્ટ વિદેશમાં મોકલીએ છીએ, જેની કિંમત 15,000 કરોડ રૂપિયા છે. જેમાંથી મોટાભાગના અન્ય દેશોમાં જાય છે, પરંતુ આ એરપોર્ટ આ પરિસ્થિતિને બદલવામાં પણ મદદ કરશે. મલ્ટીમીડિયા કાર્ગો હબની કલ્પના પણ આ એરપોર્ટ દ્વારા પૂર્ણ થઈ રહી છે. આપણે બધા જાણીએ છીએ કે જે રાજ્યોની સરહદ સમુદ્રને અડીને આવેલી છે તેમના માટે બંદર સૌથી મોટી શક્તિ છે, પરંતુ યુપી જેવા રાજ્યો માટે, એરપોર્ટ દ્વારા સમાન ભૂમિકા ભજવવામાં આવે છે.

    કાર્યક્રમમાં ભેગા થયેલા લોકો


    આ એરપોર્ટ પણ કનેક્ટિવિટીના દૃષ્ટિકોણથી એક ઉત્તમ મોડલ હશે: PM

    પીએમ મોદીએ પોતાના સંબોધનમાં નોઈડા એરપોર્ટના આ ભૂમિપૂજન માટે યુપી દેશના તમામ લોકોને ખૂબ ખૂબ અભિનંદન આપ્યા. આજે, આ ભૂમિપૂજનની સાથે, જેવર પણ આંતરરાષ્ટ્રીય સ્તરે આકર્ષણ તરફ આગળ વધ્યું છે. દિલ્હી એનસીઆર અને આખા દેશને તેનાથી ઘણો ફાયદો થશે. આ માટે હું સમગ્ર દેશને અભિનંદન આપું છું. 21મી સદીનું ભારત એક પછી એક આધુનિક ઈન્ફ્રાસ્ટ્રક્ચરનું નિર્માણ કરી રહ્યું છે. સારા રસ્તા, એરપોર્ટ, રેલ્વે સ્ટેશનનું નિર્માણ થઈ રહ્યું છે. તેનાથી તમામ લોકોનું જીવન બદલી શકે છે. તમામ વર્ગોનું જીવન આનાથી પ્રભાવિત થાય છે અને તેનાથી ઘણો ફાયદો થાય છે. જ્યારે તેમની સાથે લાસ્ટ માઈલ કનેક્ટિવિટી હોય ત્યારે આ પ્રોજેક્ટ્સની શક્તિ વધે છે. નોઈડા એરપોર્ટ પણ કનેક્ટિવિટીના દૃષ્ટિકોણથી એક ઉત્તમ મોડલ હશે. તે રેલ્વેથી લઈને મેટ્રો સુધીના તમામ પ્રકારના મોડ સાથે જોડાયેલ હશે.



    શેરડીની મીઠાશ ફેલાવવાનું કામ અહીંના ખેડૂતોએ કર્યું છે: CM યોગી

    CM યોગીએ સંબોધન કરતા કહ્યું કે, 2014 પછી ભારતીયોએ બદલાતા ભારતને જોયું છે. એક ભારત શ્રેષ્ઠ ભારતનું સંકલ્પ પૂર્ણ થયું છે. PMએ આખી દુનિયાને બતાવ્યું છે કે, કોરોનાના સમયગાળા દરમિયાન દરેક નાગરિકના જીવન અને આજીવિકાનું રક્ષણ કેવી રીતે કરવું. પશ્ચિમ ઉત્તર પ્રદેશ માટે આ ઉજવણી ખૂબ જ મહત્વપૂર્ણ છે. શેરડીની મીઠાશ ફેલાવવાનું કામ અહીંના ખેડૂતોએ કર્યું હતું, પરંતુ કેટલાક લોકોએ તેમાં રમખાણોની કડવાશ ભેળવવાનું કામ કર્યું હતું. ઉત્તર પ્રદેશ આજે એક નવી ઉંચાઈ તરફ આગળ વધી રહ્યું છે. તમામ સામાજિક લાભો દરેક નાગરિક સુધી ભેદભાવ વિના પહોંચી રહ્યા છે.

    સીએમ યોગીએ સંબોધનમાં કહ્યુ કે, હું એ તમામ ખેડૂતોનો આભાર માનું છું જેમણે કોઈપણ વિવાદ વિના એરપોર્ટ માટે પોતાની જમીન આપી. PMએ તમામ યોજનાઓનો ઉલ્લેખ કર્યો જે ગ્રેટર નોઈડા માટે લાગુ થવા જઈ રહી છે. શેરડીની આ મીઠાશને આંતરરાષ્ટ્રીય પ્લેટફોર્મ આપવા માટે પીએમનો આ કાર્યક્રમ જેવરમાં કરવામાં આવ્યો છે. અંતમાં તેમણે પીએમને અભિનંદન પાઠવ્યા હતા.

    PM મોદીનું આખું સંબોધન અહીં જુઓ.


    લોકોની આંખોમાં ચમક છે: જ્યોતિરાદિત્ય

    નાગરિક ઉડ્ડયન મંત્રી જ્યોતિરાદિત્ય સિંધિયાએ મંચ પરથી સંબોધન કરતા લોકોને કહ્યું કે, લોકોની આંખોમાં એક ચમક છે કારણ કે, તેમનું સપનું પીએમ મોદી સાકાર કરવા જઈ રહ્યા છે. યુપી અમર્યાદિત ક્ષમતા ધરાવતું રાજ્ય છે. તેમણે કહ્યું કે, આ એરપોર્ટનો ઘણો જૂનો ઈતિહાસ છે. તે દિલ્હી એરપોર્ટથી પણ આગળ જશે. પીએમનું સપનું હતું કે, એશિયાનું સૌથી મોટું એરપોર્ટ યુપીમાં બને, પછી તેમણે તે કર્યું. આવનારા સમયમાં ધાર્મિક ક્ષેત્ર યુપીના ઔદ્યોગિક વિસ્તાર તરીકે ઉભરી આવશે. યુપીમાં પહેલા માત્ર 4 એરપોર્ટ હતા, આજે 9 એરપોર્ટ છે. આગામી સમયમાં 17 એરપોર્ટ બનશે જેમાંથી પાંચ આંતરરાષ્ટ્રીય એરપોર્ટ હશે. રનવે પર પ્લેન અને ટ્રેક પર ટ્રેન અને એક્સપ્રેસ વે પર દોડતા વાહનો તે પીએમ મોદીનું સપનું છે.

    વડાપ્રધાન નરેન્દ્ર મોદી ઘટના સ્થળે પહોંચી ગયા છે. અહીં તે એનિમેશન દ્વારા એરપોર્ટની ખાસિયતો અને સમગ્ર મોડલ જોઈને સમજી રહ્યા છે.



    નોંધનીય છે કે, દિલ્હીના ઈન્દિરા ગાંધી ઈન્ટરનેશનલ (IGI) એરપોર્ટથી લગભગ 72 કિમી અને દાદરી ખાતેના મલ્ટિ-નોડલ લોજિસ્ટિક્સ હબથી 40 કિમી દૂર એટલે કે વ્યૂહાત્મક સ્થાને આવેલા જેવર એરપોર્ટથી ઉત્તર પ્રદેશની અર્થવ્યવસ્થાને વેગ મળવાની અપેક્ષા છે. નોઈડાને એરપોર્ટની કાર્ગો સેવાઓથી મોટો ફાયદો થવાની અપેક્ષા છે.

    ઓફિશ્યલ નિવેદન મુજબ, અપકમિંગ નોઈડા ઈન્ટરનેશનલ એરપોર્ટ શરૂઆતના વર્ષોમાં નજીકના વિસ્તારો માટે રૂ. 10,000 કરોડના રોકાણની ઉપજ આપે તેવી અપેક્ષા છે.
    Published by:Kaushal Pancholi
    First published: