નીતિશ કુમારની મોટી જાહેરાત, બજેટ સત્ર બાદ દેશવ્યાપી પ્રવાસ પર જશે

પશ્ચિમ ચંપારણ: બિહારના મુખ્યમંત્રી નીતિશ કુમાર 'સમાધાન યાત્રા'ના ભાગરૂપે પશ્ચિમ ચંપારણમાં છે. પોતાની યાત્રા શરૂ કરતા પહેલા તેમણે મોટી જાહેરાત કરી હતી કે, તેઓ બજેટ સત્ર પછી દેશની યાત્રા કરશે. તે સ્પષ્ટ છે કે, તે 2024માં યોજાનારી લોકસભાની ચૂંટણીની તૈયારીમાં વિરોધ પક્ષોને એક કરવા માટે આખા દેશનો પ્રવાસ કરશે. આ અંતર્ગત તેઓ દિલ્હી તેમજ અન્ય રાજ્યોમાં વિવિધ પક્ષોના નેતાઓ સાથે બેઠક કરશે.

ગુરુવારે તેમની સમાધાન યાત્રા શરૂ કરતા પહેલા બિહારના મુખ્યમંત્રીએ મીડિયા સાથેની વાતચીત દરમિયાન કહ્યું કે, તેઓ ટૂંક સમયમાં દેશની યાત્રા પર જવાના છે, જેના માટે તૈયારીઓ શરૂ કરી દેવામાં આવી છે. આ દરમિયાન મુખ્યમંત્રીએ એમ પણ કહ્યું કે, પહેલા તેઓ સમાધાન યાત્રા પૂર્ણ કરશે અને ત્યારબાદ બજેટ સત્ર પણ છે. આ પછી, દેશવ્યાપી પ્રવાસની તૈયારીઓ કરવામાં આવશે.

આ પણ વાંચો: આ અભિનેત્રી હવે રાહુલ ગાંધીની યાત્રામાં થઈ સામેલ, બિગ બોસથી મળી ઓળખ

મુખ્યમંત્રીની આ જાહેરાત અનેક રીતે ખાસ માનવામાં આવી રહી છે. જણાવી દઈએ કે, નીતિશ કુમાર પહેલાથી જ જાહેરાત કરી ચૂક્યા છે કે, તેઓ આ વર્ષે દિલ્હીમાં સરકાર બદલવાના તેમના પ્રયાસોને વધુ તીવ્ર બનાવશે. બિહારમાં મહાગઠબંધનની સરકાર બનાવવાની સાથે જ નીતિશ કુમારે જાહેરાત કરી હતી કેસ તેઓ વિપક્ષી પાર્ટીઓને એક કરવા માટે તમામ રાજ્યોની મુલાકાત લેશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Bharat Jodo Yatra, Bihar politics, Nitish Kumar