નીતિન ગડકરીની મોટી જાહેરાત: સરકારી બાબૂઓ હવે 15 વર્ષ જૂના વાહનો ચલાવી શકશે નહીં

નવી દિલ્હી: પ્રદૂષણના વધતા સ્તરને ઘટાડવા માટે સરકાર સતત પ્રયાસ કરી રહી છે. પ્રદૂષણને ઘટાડવા માટે પહેલાથી જ કેટલાય નિયમો બનેલા છે. આપને જણાવી દઈએ કે, ખાનગી પેટ્રોલ અને ડીઝલ ગાડીઓ પર એક સમય સીમા નક્કી કરી હતી કે, 10 વર્ષ અને 15 વર્ષ જૂના વાહનો ચલાવી શકાશે નહીં. પણ હવે આ નિયમ સરકારી ગાડીઓ પર પણ લાગૂ પડશે. કેન્દ્રીય પરિવહન મંત્રી નીતિન ગડકરીએ સ્પષ્ટ કર્યું છે કે, હવે 15 વર્ષ બાદ સરકારી ગાડીઓ સ્ક્રેપ કરી દેવામાં આવશે અને આવી ગાડીઓ રોડ પર જોવા મળશે નહીં.

નીતિન ગડકરીએ આ નિયમને તમામ રાજ્યોમાં લાગૂ કરી દીધો છે. આપને જણાવી દઈએ કે, રાજ્ય સરકારોને કહ્યું છે કે, પોતાના દાયરામાં આવતા તમામ વિભાગોમાં ઉપયોગમાં લેવાઈ રહેલા 15 વર્ષ જુના વાહનો, ટ્રક, બસ અને કારને સ્ક્રેપ કરી દે.

15 साल बाद भारत सरकार या उसके उपक्रमों की गाडिय़ां हटानी होंगी, सड़कों पर नहीं दौड़ेंगी। भारत सरकार ने यह नीति सभी राज्यों को भेजी है। राज्य सरकारों को भी अपने दायरे में आने वाले विभागों में 15 साल पुरानी गाड़ियों को बंद कर देना चाहिए: केंद्रीय मंत्री नितिन गडकरी, महाराष्ट्र pic.twitter.com/qA9JPwfius

— ANI_HindiNews (@AHindinews) November 25, 2022

દરેક જિલ્લામાં હશે 2થી 3 સ્ક્રેપિંગ સેન્ટર

આપને જણાવી દઈએ કે, આ વર્ષે મેમાં હરિયાણામાં નવા રજિસ્ટર્ડ વ્હીકલ સ્ક્રેપિંગ ફેસિલિટી ઉદ્ધાટનના અવસર પર કેન્દ્રીય પરિવહન મંત્રી નીતિન ગડકરીએ જાહેરાત કરતા કહ્યું હતું કે, દેશના દરેક જિલ્લામાં વાહનોના સ્ક્રેપ કરવા માટે બેથી 3 સેન્ટર ખોલશે.

ઓટોમોટિવ સ્ક્રેપેજ પોલિસી-

ગત વર્ષે ઓગસ્ટમાં પ્રધાનમંત્રી મોદીએ ઓટોમોટિવ સ્ક્રેપેજ પોલિસીને લોન્ચ કરી હતી, જેને Voluntary Vehicle Fleet Modernisation પ્રોગ્રામ નામથી ઓળખાય છે. સમારંભ દરમિયાન પીએમ મોદીએ કહ્યું હતું કે, આ પોલિસીથી લગભગ 10,000 કરોડ રૂપિયાનું રોકાણ આવશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Nitin Gadkari