J&K: ટેરર ફંડિંગ કેસમાં જમાત-એ-ઈસ્લામીના 50થી વધુ લોકેશન પર NIAની રેડ, અનેક દસ્તાવેજ જપ્ત

પવન શર્મા, નવી દિલ્હી. ભારત વિરોધી ગતિવિધિઓ (Anti-India Activities)માં સામેલ થવા અને ટેરર ફંડિંગની આશંકામાં રાષ્ટ્રીય તપાસ એજન્સી (National Investigate Agency- NIA)એ રવિવાર વહેલી સવારે જમ્મુ-કાશ્મીર (Jammu and Kashmir)માં એક સાથે 50થી વધુ લોકેશન પર દરોડા (Raid) પાડ્યા છે. સૂત્રો મુજબ, કાશ્મીરની સાથોસાથ જમ્મુના અલગ-અલગ જિલ્લાઓમાં જમાત-એ-ઈસ્લામી (Jamaat-e-Islami) સાથે જોડાયેલા સંગઠનો અને એનજીઓના કાર્યાલયો તથા ઘરો પર રવિવાર સવારથી દરોડાની કાર્યવાહી ચાલી રહી છે.

મળતી જાણકારી મુજબ, રવિવાર સવારે લગભગ પાંચ વાગ્યે NIAએ જમ્મુ-કાશ્મીર પોલીસ અને અર્ધસૈનિક દળોના જવાનોની સાથે અલગ-અલગ લોકેશન પર દરોડા પાડ્યા. અહેવાલ છે કે આ દરોડા ભારત વિરોધી ગતિવિધિઓમાં સામેલ રહેલા લોકોના ઘરો પર પાડવામાં આવ્યા છે.

National Investigation Agency (NIA) is conducting raids at multiple locations in Jammu and Kashmir related to a terror funding case

Visuals from Anantnag district pic.twitter.com/IICd81bJ5Y

— ANI (@ANI) August 8, 2021

આ પણ વાંચો, હરિયાણાઃ 67 વર્ષીય વૃદ્ધે 19 વર્ષની યુવતી સાથે કર્યા લવ મેરેજ, ગામ લોકોએ કહ્યું- ‘દાળમાં કંઈક કાળું છે’

સૂત્રો દ્વારા મળતી જાણકારી મુજબ, આ દરોડામાં ડિજિટલ એવિડન્સની સાથોસાથ અન્ય દસ્તાવેજો પણ જપ્ત કરવામાં આવ્યા છે.  નોંધનીય છે કે, NIAએ પોતાના રિપોર્ટના આધારે થોડાક મહિનાઓ પહેલા જમાત-એ-ઈસ્લામીની વિરુદ્ધ કેસ નોંધ્યો હતો. આ દરોડામાં એનઆઇએના પાંચ એસપી અને 150થી વધુ અધિકારી સામેલ છે. દરોડા કિશ્તવાડ, ડોડા, રામબન, રાજૌરી, બારામુલા, પુલવામા, અનંતનાગ, શોપિયાં, કુલગામ, બડગામ અને શ્રીનગરમાં હાથ ધરવામાં આવી રહ્યા છે.

આ મુખ્ય સંદિગ્ધ અપરાધોના ઠેકાણાઓ પર દરોડાની કાર્યવાહી

1. ગુલ મોહમ્મદ વાર- ગંદેરબલનો રહેવાસી આ શખ્સ જમાત-એ-ઈસ્લામી સંગઠનનો જિલ્લા પ્રમુખ છે.
2. અબ્દુલ હમીદ ભટ- ગમચીપુર વિસ્તારનો રહેવાસી છે.
3. જહુર અહમદ રેશી- જમાત-એ-ઈસ્લામીનો સભ્ય અને ફલાહ-એ-આમ ટ્રસ્ટમાં શિક્ષક છે. હાલ સફાપોરામાં એક દુકાનનો માલિક છે.
4. મેરાજુદ્દીન રેશી- તે પહેલા આતંકી રહી ચૂક્યો છે. હાલ તે દુકાનદાર છે.

આ પણ વાંચો, Modi Government: મહિલાઓ અને બાળકોની સાથે વધી રહેલા યૌન ઉત્પીડનનો મામલો, 31 રાજ્યોમાં હશે ફાસ્ટ ટ્રેક કોર્ટ

એનઆઇએના અધિકારીઓ મુજબ, તપાસ દરમિયાન ઘણા અગત્યના પુરાવા અને દસ્તાવેજોને જપ્ત કરીને એનઆઇએની ટીમ હવે વધુ તપાસ કરશે. તેની સાથે જ આતંકવાદીઓ સાથે જોડાયેલા કનેક્શન વિશે તપાસ કરવા માટે આવનારા સમયમાં અનેક લોકોના નિવેદન નોંધવામાં આવશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Jammu and kashmir, National Investigate Agency, NIA Raids in Jammu Kashmir, NIA Raids Jamaat-e-Islami, NIA raids Jamaat-e-Islami residences, NIA raids Terror Funding