Space Tourism માં નવી છલાંગ, જેફ બેઝોસની બ્લુ ઓરિજિન 6 પ્રવાસીઓને અવકાશમાં મોકલશે

જેફ બેઝોસની કંપની બ્લુ ઓરિજિન (Jeff Bezos's company Blue Origin) મંગળવારે અવકાશમાં આ વર્ષની પ્રથમ ઉડાન ભરશે. બ્લુ ઓરિજિન આ ટૂંકી અવકાશ યાત્રા (Space Tourism) માં 6 મુસાફરોને લઈ જઈ રહ્યું છે. જે ન્યુ શેફર્ડ પ્રોગ્રામ હેઠળ પૃથ્વીની સપાટીથી 100 કિ.મી. ટોચ સુધી લઈ જવામાં આવશે, જે પછી space શરૂ થાય છે અને વજનહીનતા (Zero Gravity) અનુભવાય છે. ન્યૂ શેફર્ડ પ્રોગ્રામ હેઠળ આ ચોથી માનવસહિત ફ્લાઇટ હશે. આ કંપનીએ રોકેટનો ફરીથી ઉપયોગ કરવાની ટેક્નોલોજી વિકસાવી હોવાથી અત્યાર સુધીની આ 20મી ઉડાન હશે.આ મુસાફરો વેસ્ટ ટેક્સાસ લોંચિંગ સાઇટ વનથી તેમની અવકાશ યાત્રા પર નીકળશે. આ ફ્લાઈટમાં માર્ટી એલન, ફેરી લાઈ, પતિ અને પત્ની શેરોન અને માર્ક, જિમ કિચન અને ડૉ. જ્યોર્જ નીલ્ડ સામેલ હશે. દરેક અવકાશયાત્રી બ્લુ ઓરિજિન ફાઉન્ડેશનનું એક પોસ્ટકાર્ડ લઈ જશે. જે સ્પેસ પ્રોગ્રામના વિદ્યાર્થીઓને સ્પેસ એક્સેસ કરવામાં મદદ કરે છે.

જેફ બેઝોસની કંપની બ્લુ ઓરિજિને પહેલીવાર જુલાઈમાં પોતાની સ્પેસ સર્વિસ શરૂ કરી હતી. સ્પેસ ટુરિઝમ સેક્ટરમાં સર રિચર્ડ બ્રેન્સનનું વર્જિન એટલાન્ટિક જેફ બેઝોસની સામે છે. બેઝોસની કંપનીએ અત્યાર સુધીમાં આ પ્રવાસ માટે અબજો રૂપિયાની ટિકિટો વેચી છે.

આ પણ વાંચો: Corona Caller Tune : હવે તમને કોરોનાની કોલર ટ્યુનથી મળશે આઝાદી, સરકારે 'સ્ટોપ' કરવાના આદેશ આપ્યા

આ યાત્રા 23 માર્ચે શરૂ થવાની હતી. તે દરમિયાન સેલિબ્રિટી પીટ ડેવિડસન પણ સામેલ હતા, પરંતુ તેણે છેલ્લી ઘડીએ તેનો હાથ ખેંચી લીધો હતો. આ કારણે, મુસાફરીનો સમય વધારીને 29 માર્ચ કરવામાં આવ્યો હતો.

જોકે, ડેવિડસનની ગેરહાજરી પાછળનું ચોક્કસ કારણ જાણી શકાયું નથી. જો તે ગયો હોત, તો આ ઓટોમેટિક કેપ્સ્યુલની 10 મિનિટની મુસાફરી કરનાર તે ત્રીજી સેલિબ્રિટી હોત. હવે તેમનું સ્થાન ન્યૂ શેફર્ડ સિસ્ટમના જાણીતા આર્કિટેક્ટ ગેરી લાઈ દ્વારા લેવામાં આવી રહ્યું છે.

તે 2004માં બ્લુ ઓરિજિનમાં જોડાયો હતો અને તે ટીમના પ્રથમ 20 લોકોમાંનો એક છે. ગેરી ઉત્પાદન વિકાસથી લઈને વ્યૂહાત્મક આયોજન સુધીના વિવિધ કાર્યોમાં સામેલ છે. જેમાં ન્યૂ ગ્લેન ઓર્બિટલ પણ સામેલ છે.

આ અવકાશયાન તેની સૌથી વધુ ઝડપે Mach 3 (ધ્વનિ (Sound) કરતાં ત્રણ ગણી) પર જશે. ત્રણ મિનિટની અંદર, ફ્લાઇટ તેના બૂસ્ટરથી અલગ થઈ જશે અને અવકાશયાત્રીઓ શૂન્ય ગુરુત્વાકર્ષણનો અનુભવ કરશે. સીટ બેલ્ટ હટાવતા જ તે ઝીરો ગ્રેવિટી (Zero Gravity) અનુભવવા લાગશે.

આ પણ વાંચો:  Yogi Government 2.0: સમૂહ લગ્નમાં પરણિત યુગલને ભેટમાં મળ્યું બુલડોઝર, દુલ્હન બોલી- થેન્ક્સ યોગી જી

આ પછી, આગામી 4 મિનિટમાં, ન્યૂ શેફર્ડ કારમેન લાઇનને પાર કરીને અવકાશમાં જશે. આ પછી, બૂસ્ટર અવકાશયાનને પૃથ્વી પર લાવવાની પ્રક્રિયા શરૂ કરશે.જેમાં છ મિનિટનો સમય લાગશે. પ્રથમ પેરાશૂટ 9 મિનિટમાં ખુલશે. આ રીતે અવકાશયાનની ગતિ ઘટીને 26 કિમી પ્રતિ કલાક થઈ જશે. આ રીતે આ કેપ્સ્યુલ 1.6 કિ.મી. પ્રતિ કલાકની ઝડપે રણમાં સફળતાપૂર્વક ઉતરશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર