Home /News /national-international /VIDEO: નેપાળ પ્લેન ક્રેશનો ભયાનક વીડિયો સામે આવ્યો! જુઓ કેવી રીતે થયું પ્લેનનું ક્રેશ લેન્ડિંગ

VIDEO: નેપાળ પ્લેન ક્રેશનો ભયાનક વીડિયો સામે આવ્યો! જુઓ કેવી રીતે થયું પ્લેનનું ક્રેશ લેન્ડિંગ

દુર્ઘટના સમયની તસવીર

Nepal Plane Crash: અત્યાર સુધીમાં 36 લોકોના મૃતદેહ બહાર કાઢવામાં આવ્યા છે. જોકે, એરલાઈન્સ અને સરકાર દ્વારા આ અંગે કોઈ સત્તાવાર નિવેદન આપવામાં આવ્યું નથી. પ્લેનમાં 72 લોકો સવાર હતા, જેમાંથી પાંચ ભારતીય હોવાનું જોણવા મળ્યું છે.

    કાઠમાંડૂ: નેપાળમાં રવિવારે સવારે એક મોટી વિમાન દુર્ઘટના થઈ હતી. યતિ એરલાઇન્સના વિમાન ATR-72માં 68 મુસાફરો અને 4 ક્રૂ મેમ્બર સવાર હતા. નેપાળના સ્થાનિક મીડિયા અનુસાર, અત્યાર સુધીમાં 36 લોકોના મૃતદેહ બહાર કાઢવામાં આવ્યા છે. જોકે, એરલાઈન્સ અને સરકાર દ્વારા આ અંગે કોઈ સત્તાવાર નિવેદન આપવામાં આવ્યું નથી. પ્લેનમાં 72 લોકો સવાર હતા, જેમાંથી પાંચ ભારતીય હોવાનું જોણવા મળ્યું છે.

    અકસ્માતની તસવીરો અને ફૂટેજ સામે આવી રહ્યા છે. બચાવ અને રાહત કાર્યમાં લાગેલા લોકોના જણાવ્યા અનુસાર, કોઈના બચવાની આશા નથી. પ્રાથમિક માહિતી અનુસાર ખરાબ હવામાનને કારણે પ્લેન એક પહાડી સાથે અથડાયું અને ક્રેશ થતાં જ તેમાં વિસ્ફોટ સાથે આગ લાગી ગઈ.

    આ પણ વાંચોઃ પતિ બન્યો રાક્ષસ! 8 મહિનાની ગર્ભવતી પત્નીને બાઈક સાથે બાંધી શેરીએ શેરીએ ઢસડી




    35 મૃતદેહો મળ્યા


    પોખરા ઈન્ટરનેશનલ એરપોર્ટ પરથી આવી રહેલા વીડિયોમાં સ્પષ્ટ જોઈ શકાય છે કે અરાજકતા છે, બચાવકર્મીઓ પાણી વડે વિમાનમાં લાગેલી આગને ઓલવવાનો પ્રયાસ કરી રહ્યા છે. અન્ય એક વીડિયોમાં પ્લેન ક્રેશ થતું જોવા મળી રહ્યું છે. નેપાળ પોલીસના જણાવ્યા અનુસાર 35 મૃતદેહ મળી આવ્યા છે અને આ સંખ્યા હજુ વધી શકે છે. યેતી એરલાઈન્સનું વિમાન નેપાળની રાજધાની કાઠમંડુથી પોખરા જઈ રહ્યું હતું.





      • દુર્ઘટના સ્થળે સેના તૈનાત કરવામાં આવી છે. તેમણે બચાવ અને રાહત કાર્યની જવાબદારી સંભાળી હતી.

      • ભારતના નાગરિક ઉડ્ડયન મંત્રી જ્યોતિરાદિત્ય સિંધિયાએ નેપાળમાં થયેલા અકસ્માત પર દુઃખ વ્યક્ત કર્યું છે.




    વિમાનમાં 10 વિદેશી નાગરિકો સવાર હતા


    કેપ્ટન કમલ કેસી વિમાન ઉડાવી રહ્યા હતા. 68 મુસાફરોમાં 3 નવજાત, 3 બાળકો અને 62 પુખ્ત વયના લોકો હતા. આ ઉપરાંત 10 વિદેશી નાગરિકો પણ વિમાનમાં સવાર હતા. એરલાઈન્સના પ્રવક્તા સુદર્શન બરતૌલાએ કહ્યું છે કે હજુ સુધી કોઈ જીવિત વ્યક્તિને બહાર કાઢવામાં આવી નથી.

    68 મુસાફરો અને ક્રૂ બોર્ડમાં સવાર હતા


    કાઠમંડુ પોસ્ટના સમાચાર અનુસાર, જૂના એરપોર્ટ અને પોખરા ઇન્ટરનેશનલ એરપોર્ટ વચ્ચે ક્રેશ થયેલા યેતી એરલાઇન્સના પ્લેનમાં કુલ 68 મુસાફરો અને ચાર ક્રૂ મેમ્બર સવાર હતા. નેપાળ પોલીસે જણાવ્યું કે વિમાનમાં હવામાં જ આગ લાગી અને તે પછી પ્લેન ક્રેશ થઈ ગયું.

    મીડિયા રિપોર્ટ્સ અનુસાર, ખરાબ હવામાન વચ્ચે પોખરા ઇન્ટરનેશનલ એરપોર્ટ પર લેન્ડ કરવાનો પ્રયાસ કરતી વખતે પ્લેન ક્રેશ થયું હતું. પોખરા એરપોર્ટનો વિસ્તાર ટેકરીઓથી ઘેરાયેલો છે. રિપોર્ટમાં વધુમાં જણાવાયું છે કે પ્લેન રનવે પર ક્રેશ થયા બાદ તેમાં આગ લાગી હતી.





    સ્થાનિક અધિકારી ગુરુદત્ત ધકલે એએફપી સમાચાર એજન્સીને જણાવ્યું હતું કે કાટમાળમાં આગ લાગી હતી અને બચાવકર્મીઓ તેને ઓલવવાનો પ્રયાસ કરી રહ્યા હતા. ગુરુ દત્ત ધકલે કહ્યું, "બચાવ ટીમો અને બચાવ કાર્યકર્તાઓ ઘટનાસ્થળે હાજર છે. તમામ એજન્સીઓ પહેલા આગને કાબૂમાં લેવા અને મુસાફરોને બચાવવા પર ધ્યાન કેન્દ્રિત કરી રહી છે.

    નેપાળમાં વિમાન દુર્ઘટના થતી રહે છે. માત્ર ડોમેસ્ટિક ફ્લાઈટ્સ જ નહીં પરંતુ વિદેશી ફ્લાઈટ્સ પણ સેંકડો લોકોના મોત થાય છે. નેપાળમાં તાજેતરના વર્ષોમાં ઘણી ફ્લાઈટમાં ખામીઓ પણ થઈ હતી. છેલ્લા 30 વર્ષોમાં, નેપાળમાં લગભગ 30 જીવલેણ વિમાન દુર્ઘટનાઓ થઈ છે, જેમાં આજની પોખરા વિમાન દુર્ઘટના પહેલાં મે 2022માં તારા એર ક્રેશ દુર્ઘટના હતી, જેમાં 22 લોકોનાં મોત થયા હતા.
    Published by:Priyanka Panchal
    First published:

    Tags: Nepal, PLANE CRASH, Video

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन