NCPના પ્રમુખ શરદ પવારની તબિયત લથડી, મુંબઈની બ્રીચ કેન્ડી હોસ્પિટલમાં દાખલ

મુંબઈ. રાષ્ટ્રવાદી કોંગ્રેસ પાર્ટી (NCP)ના વડા શરદ પવારની તબિયત લથડતા તેમને સોમવારે મુંબઈની બ્રીચ કેન્ડી હોસ્પિટલમાં દાખલ કરવામાં આવ્યા હતા. NCPના અનુસાર, શરદ પવારને બુધવારે હોસ્પિટલમાંથી રજા આપવામાં આવશે. NCPએ કહ્યું કે હોસ્પિટલમાંથી રજા મળ્યા બાદ તેઓ 4-5 નવેમ્બરે શિરડીમાં યોજાનાર પાર્ટીના કેમ્પમાં હાજરી આપશે.

એનસીપીએ કહ્યું કે શિરડીમાં તેમની પાર્ટીની શિબિરમાં હાજરી આપવા ઉપરાંત, શરદ પવાર નાંદેડ થઈને મહારાષ્ટ્રમાં પ્રવેશ કરવાના એક દિવસ પછી 8 નવેમ્બરે કોંગ્રેસની 'ભારત જોડી યાત્રા'માં પણ ભાગ લેશે. આ પહેલા શરદ પવારે કહ્યું હતું કે કોંગ્રેસના નેતાઓ અશોક ચૌહાણ અને બાલાસાહેબ થોરાટ તેમને મળ્યા હતા અને તેમને રાહુલ ગાંધીની ભારત જોડો યાત્રાનો ભાગ બનવા આમંત્રણ આપ્યું હતું.

આ પણ વાંચોઃ મોરબીનો ઝૂલતો પૂલ 134 લોકોને ભરખી ગયો, આ છે વિશ્વની અન્ય મોટી દુર્ઘટનાઓ

એનસીપીના વડા પવારે કહ્યું કે કોંગ્રેસની દેશવ્યાપી ભારત જોડો યાત્રા પહેલનો ઉદ્દેશ્ય નફરતને દૂર કરવા અને સમાજમાં એકતા લાવવાનો છે. 23 ઓક્ટોબરે, તેમણે કહ્યું હતું કે NCP અને અન્ય રાજકીય પક્ષો પણ રાજ્યમાં શક્ય હોય ત્યાં કોંગ્રેસની પહેલમાં જોડાશે. શરદ પવારને ગયા વર્ષે 11 એપ્રિલના રોજ હોસ્પિટલમાં દાખલ કરવામાં આવ્યા હતા. NCPના વડા શરદ પવારને પિત્તાશયની પથરી હોવાનું નિદાન થતાં હોસ્પિટલમાં દાખલ કરવામાં આવ્યા હતા.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Health Update, NCP, Sharad Pawar