Home /News /national-international /

કઠુઆમાં પીએમ મોદીએ કહ્યું, 'જમ્મુના મતદાતાઓએ પાક. પ્રેમીઓને જડબાતોડ જવાબ આપ્યો'

કઠુઆમાં પીએમ મોદીએ કહ્યું, 'જમ્મુના મતદાતાઓએ પાક. પ્રેમીઓને જડબાતોડ જવાબ આપ્યો'

કઠુઆની રેલીમાં પીએમ મોદીએ વિપક્ષો પર આકરા પ્રહારો કર્યા હતા.

જમ્મુ કાશ્મીરના કઠુઆમાં વડાપ્રધાન મોદીએ એક ચૂંટણી સભાને સંબોધી હતી. તેમણે કહ્યું હતું કે જે લોકો વર્ષોથી છૂપી રીતે કામ કરી રહ્યાં હતા તે ખુલ્લા પડી ગયા છે.

    ન્યૂઝ 18 ગુજરાતી : લોકસભાની ચૂંટણીના બીજા તબક્કા માટે ગુરૂવારે 18મી એપ્રિલે વોટિંગ થવાનું છે, તમામ રાજકીય દળો બીજા ચરણના મતદાન માટે ચૂંટણીના પ્રચાર અભિયાનમાં જોતરાયેલા છે. વડાપ્રધાન મોદીએ જમ્મુ-કાશ્મીરના કઠુઆમાં પહોંચ્યા હતા જ્યાં તેમણે એક ચૂંટણી સભાને સંબોધી હતી. તેમણે વિપક્ષ પર પ્રહારો કરતા કહ્યું હતું કે જમ્મુ અને બારામૂલાના મતદાતાઓએ મોટી સંખ્યામાં મતદાન કરી અને આતંકવાદીઓના આકાઓ અને પાક પ્રેમીઓને જડબા તોડ જવાબ આપ્યો છે.

    તેમણે કહ્યું, “ભારતના લોકતંત્રની તાકાતને તમે પ્રથમ ચરણના મતદાનમાં સિદ્ધ કરી છે. જમ્મુ અને બારમૂલામાં થયેલા ભારે મતદાનના કારણે આતંકવાદીઓના આકાઓ અને પાકિસ્તાના અવસરવાદીઓ નિરાશામાં ડુબી ગયા છે. મતદાઓએ પાકિસ્તાન પ્રેમીઓને જડબા તોડ જવાબ આપ્યો છે. રાજનીતિ તેના સ્થાને છે,ચૂંટણી તેના સ્થાને છે, પરંતુ આ દેશ રહેશે. જો આ દેશ છે તો જ રાષ્ટ્રની સુરક્ષાનો ભાવ છે, રાષ્ટ્રવાદ છે. કેટલાક લોકો મોદી વિરોધમાં એટલા ડુબી ગયા છે કે તેમને રાષ્ટ્રવાદ ગાળ લાગે છે.”

    આ પણ વાંચો : 'આ મોદી છે, જે માખણની સાથે પથ્થર પર પણ લકીર ખેંચે છે'

    કોંગ્રેસ માટે સેના કમાણીનું સાધન
    તેમણે વધુમાં કહ્યું, પાછલા કેટલાક દિવસોમાં તમે જોયું હશે કે કેવી રીતે કોંગ્રેસ, નેશનલ કૉન્ફ્રન્સ અને પીડીપીનું મહામિલાવટ ખુલ્લું પડી ગયું છે. વર્ષોથી જે વાત તેમના મનમાં હતી તે ખુલ્લી પડી ગઈ તે લોકો જે કામ છૂપી રીતે કરતા હતા તે હવે ખુલ્લેઆમ કરવા લાગ્યા છે. કોંગ્રેસ સર્જિકલ સ્ટ્રાઇક અને એરસ્ટ્રાઇકના નામથી ગભરાઈ જાય છે. કોંગ્રસને દેશની સેના પર ક્યારેય વિશ્વાસ નહોતો. કોંગ્રેસ માટે સેના કમાણીનું સાધન છે.

    આ પણ વાંચો : યોગી પર માયાવતીનો પલટવાર, કહ્યું - અમારે તો 'અલી' અને 'બજરંગ બલી' બંને જોઈએ

    કાશ્મીરી પંડિતોને ન્યાય
    પીએમ મોદીએ કહ્યું કે ન્યાયનો ઢોંગ કરનારી કોંગ્રેસ કાશ્મીરી પંડિતોને ન્યાય નથી અપાવી શક. શું 84ના શીખ રમખાણોમાં મરેલા શીખ ભાઈ બહેનોને ક્યારેય ન્યા મળ્યો. કાશ્મીરી પંડિતો પર થતા અત્યાચાર પર ન્યાયુ મળ્યો? કોંગ્રેસની નીતિઓના કારણે જ મારા કાશ્મીરી ભાઈ બહેનોએ ઘર છોડવું પડ્યું હતું.
    Published by:Jay Mishra
    First published:

    Tags: Kathua, Loksabha elections 2019

    विज्ञापन

    विज्ञापन

    આગામી સમાચાર

    विज्ञापन
    विज्ञापन