રક્ષક બન્યા ભક્ષક! કસ્ટડીમાં યુવકને થર્ડ ડિગ્રી આપી તેના પ્રાઈવેટ પાર્ટ પર કરંટના ઝટકા આપ્યા

નાગપુર. રાજસ્થાનના નાગૌર જિલ્લામાંથી ફરી એકવાર પોલીસ વિભાગનું શરમજનક કૃત્ય સામે આવ્યું છે, જ્યાં ખાકીના ડરથી એક યુવકનું જીવન મુશ્કેલીમાં મુકાઈ ગયું છે. પ્રાપ્ત માહિતી અનુસાર, એક યુવકે ભવાંડા પોલીસ સ્ટેશનના અધિકારી પર નિર્દયતાથી મારપીટ કરવાનો આરોપ લગાવ્યો છે અને યુવકનું કહેવું છે કે પોલીસ સ્ટેશનમાં પોલીસ અધિકારીએ તેના પ્રાઇવેટ પાર્ટ પર ઇલેક્ટ્રિક કરંટના ઝટકા આપ્યા હતા.

હાલ હોસ્પિટલમાં યુવકની સારવાર ચાલી રહી છે. અહીં યુવકના પરિવારજનો ન્યાયની માંગણી સાથે છેલ્લા બે દિવસથી રઝળપાટ કરી રહ્યા છે. વાસ્તવમાં, જિલ્લાના મુંડવા પોલીસ સ્ટેશન વિસ્તારના ભવાંડા પોલીસ અધિકારી દ્વારા યુવક સાથે મારપીટ પછી મામલો ગરમાયો હતો. ગત રવિવારે પીડિત યુવકના પરિવારના સભ્યો જિલ્લા પોલીસ અધિક્ષકને મળ્યા હતા અને ન્યાય માટે આજીજી કરી હતી.

સંબંધીઓનું કહેવું છે કે ભવાંડા પોલીસ અધિકારી સિદ્ધાર્થ પ્રજાપતે યુવકને કોઈ કારણ વગર ગેરકાયદેસર કસ્ટડીમાં લઈ તેની સાથે મારપીટ કરી છે, જેના કારણે યુવક હોસ્પિટલમાં દાખલ છે અને તે ચાલી પણ શકતો નથી. આ દરમિયાન પરિજનોએ એસપી પાસે ન્યાયની માંગ કરી અને ભવાંડા પોલીસ અધિકારી સામે યોગ્ય કાર્યવાહી કરવાની માંગ કરી હતી.

આ પણ વાંચોઃ ઠંડીનો કહેર! છેલ્લા એક અઠવાડિયામાં હાર્ટ એટેકથી 108 લોકો મૃત્યુ પામ્યા

ગુપ્તાંગ પર કરંટના ઝટકા આપવાનો આરોપ

તમને જણાવી દઈએ કે આ આખો મામલો 4 જાન્યુઆરીનો છે, જ્યાં ભવાંડા પોલીસ સ્ટેશન વિસ્તારના માનકપુરનો રહેવાસી મહિપાલ તેની દૂધની દુકાન પર કામ કરી રહ્યો હતો અને તે દરમિયાન ભાવંડા પોલીસ સ્ટેશનની એક ગાડી તેની પાસે આવીને ઊભી રહી અને પોલીસકર્મીઓએ તેને જીપમાં બેસાડીને તેને પોલીસ સ્ટેશન લઈ જવામાં આવ્યો હતો.

મહિપાલનો આરોપ છે કે આ પછી સ્ટેશન ઓફિસર સિદ્ધાર્થ પ્રજાપત અને પોલીસ કર્મચારીઓએ સ્ટેશનના તમામ સીસીટીવી કેમેરા બંધ કરીને તેની સાથે મારપીટ કરી અને તેના ગુપ્તાંગ પર ઇલેક્ટ્રિક કરંટ આપ્યો, જેના કારણે તેની હાલત ખૂબ જ ખરાબ છે.

આ પણ વાંચો: GCMMFના ચેરમેન આર.એસ. સોઢીનું અમૂલના MD પદેથી રાજીનામું

મહિપાલ 7 જાન્યુઆરીના રોજ જામીન પર જેલમાંથી બહાર આવ્યો ત્યારે તેણે કહ્યું કે પોલીસ અધિકારીએ તેને ધમકી આપી છે કે જો તે કોઈને કહેવાનો પ્રયત્ન કરશે તો તે તેને ફરીથી જેલમાં ધકેલી દેશે.

પોલીસની કાર્યવાહી પર ઉઠ્યા ગંભીર સવાલ

તે જ સમયે, હુમલા બાદ યુવકને ગંભીર હાલતમાં JLN હોસ્પિટલમાં દાખલ કરવામાં આવ્યો હતો. જો કે, આ મામલો ઉચ્ચ અધિકારીઓ સુધી પહોચ્યા બાદ પણ હજુ સુધી યુવકનું મેડિકલ કરવામાં આવ્યું નથી.

આ ઉપરાંત મહિપાલે એ પણ જણાવ્યું કે મારપીટ પછી ભવાંડા પોલીસ અધિકારીએ તેની સામે 10 પેટી દારૂની હેરાફરી કરવાનો આરોપ લગાવી કાયદેસરની કાર્યવાહી શરૂ કરી છે, જ્યારે તે દૂધની દુકાનમાં કામ કરે છે. મહિપાલે કહ્યું કે તેની સામે જ એક પક્ષના કેટલાક લોકોએ સ્ટેશન ઓફિસર સાથે વાત કરી હતી અને ખોટી રીતે કેસ કરવાનું ષડયંત્ર રચવામાં આવ્યું.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Assault, Police custody, Rajasthan news