બાળકના મોતને દર્દનાક VIDEO : માતા જ બાળકના જીવની બની દુશ્મન, 4 વર્ષના દીકરાને ચોથા માળેથી ફેંકી દીધો

નવી દિલ્હી : કોઈપણ બાળક માટે તેની માતા (Mother) આ દુનિયામાં સૌથી મોટી રક્ષક માનવામાં આવે છે. પુત્ર કપૂત બને પરંતુ માતા ક્યારેય કુમાતા નથી બનતી. એક માતા પોતાના બાળકને દુનિયાની તમામ મુશ્કેલીઓમાંથી બચાવે છે, પરંતુ બેંગ્લોર (Bangalore) થી એક એવો વીડિયો (VIDEO) સામે આવ્યો છે જેણે બધાને ચોંકાવી દીધા છે. અહીં એક માતા જ પોતાના 4 વર્ષના બાળકના જીવની દુશ્મન બની અને તેને ફ્લેટના ચોથા માળેથી નીચે ફેંકી (mother throwing son) દીધો. બાળકનું ઘટનાસ્થળે જ મોત થયું હતું.

મહત્ત્વની વાત એ છે કે, બાળકનો જીવ લેનારી માતાનું આ શરમજનક કૃત્ય સીસીટીવી ફૂટેજમાં કેદ થયું હતું. વીડિયોમાં જોઈ શકાય છે કે, મહિલા એપાર્ટમેન્ટની રેલિંગ પર બાળકને બંને હાથે પકડીને ઉભી રહે છે અને તે માસૂમ બાળકને નીચે ફેંકી દે છે. આ પછી, તે પોતે પણ રેલિંગ પર ચઢી જાય છે.

લોકોએ મહિલાને બચાવી લીધી

મહિલા થોડીવાર રેલિંગ પર ઊભી રહી, પરંતુ ત્યારે જ કેટલાક અન્ય લોકો ત્યાં આવી પહોંચે છે. તે લોકો પહેલા નીચે જુએ છે અને પછી આખો મામલો સમજી જાય છે. લોકો તુરંત મહિલાને પકડીને રેલિંગથી પાછળ ખેંચી લે છે.

Shocking 📹

Karnataka: Mother throws her own child to death from 5th floor of her apartment at SR Nagar Bengaluru and than sat on raling till residents pulled her down. pic.twitter.com/EQ0FzAsdSc

— R K sahu 🚩🚩KRT Team (@RohitSa1110) August 5, 2022

પોલીસે મહિલાની ધરપકડ કરી

પોલીસે ઘટનાસ્થળે પહોંચીને મામલાની તપાસ હાથ ધરી છે. પોલીસે જણાવ્યું કે, બાળકનું ઘટનાસ્થળે જ મોત નીપજ્યું હતું. આ ચોંકાવનારી દર્દનાક ઘટના ઉત્તર બેંગ્લોરના એસઆર નગરના એપાર્ટમેન્ટમાં બની હતી. આ ઘટના ગુરુવારે બની હતી.

આ પણ વાંચો - Ankleshwar Bank Robbery : યુનિયન બેન્કમાં 22.70 લાખની લૂંટ, ફિલ્મી ઢબે લૂંટનો LIVE Video

મળતી માહિતી મુજબ બાળક માનસિક રીતે અશક્ત હતું. કહેવામાં આવી રહ્યું છે કે, બાળક પણ મૂંગુ હતુ. મહિલા બાળકની બિમારીઓથી પરેશાન હતી અને તેથી જ તેણે આ ભયંકર પગલું ભર્યું હતું. પોલીસે મહિલાની ધરપકડ કરી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Bangalore, CCTV Video, Latest viral video, Son killed mother