મોહન ભાગવતે કહ્યુ- દુનિયામાં સૌથી સુખી ભારતના મુસલમાન, કારણ કે અમે હિન્દુ છીએ

સંઘ પ્રમુખ મોહન ભાગવત (ફાઇલ તસવીર)

પારસિયન (પારસી)ની પૂજા અને મૂળ ધર્મ માત્ર ભારતમાં સુરક્ષિત છે : સંઘ પ્રમુખ

  • Share this:
    ભુવનેશ્વર : રાષ્ટ્રીય સ્વયંસેવક સંઘ (RSS) પ્રમુખ મોહન ભાગવત (Mohan Bhagwat)એ ઓડિશા (Odisha)માં સંઘના ઉદ્દેશ્યો વિશે એક મોટી જાહેરાત કરી છે. તેઓએ કોઈના પ્રતિ કોઈ ઘૃણા ન હોવા પર ભાર મૂક્યો. ભાગવતે શનિવારે કહ્યુ કે સંઘનો ઉદ્દેશ્ય ભારતમાં પરિવર્તન તથા તેને સારા ભવિષ્ય તરફ લઈ જવાનું છે. તેના માટે દેશમાં સમગ્ર સમાજને સંગઠિત કરવાનું છે, માત્ર હિન્દુ સમુદાયને નહીં. તેઓએ કહ્યુ કે, યહૂદી ડરતાં-ડરતાં ફરતા હતા, માત્ર ભારત છે જ્યાં તેમને આશ્રય મળ્યો. પારસિયન (પારસી)ની પૂજા અને મૂળ ધર્મ માત્ર ભારતમાં સુરક્ષિત છે. વિશ્વના સૌથી વધુ સુખી મુસલમાન ભારતમાં મળશે. આવું કેમ છે? કારણ કે અમે હિન્દુ છીએ.

    સંઘની શીર્ષ નિર્ણય નિર્ધારણ સંસ્થા અખિલ ભારતીય કાર્યકારી મંડળની બેઠકને ધ્યાને લઈ અહીં બુદ્ધિજીવીઓની સભાને સંબોધિત કરતાં તેઓએ કહ્યુ કે સમાજને એકજૂથ કરવું જરૂરી છે અને તમામ વર્ગોને એક સાથે આગળ વધવું જોઈએ તથા આરએસએસ આ દિશામાં કામ કરી રહ્યું છે. તેઓએ કહ્યુ કે, અમારી કોઈના પ્રત્યે કોઈ ઘૃણા નથી. એક સારો સમાજ બનાવવા માટે આપણે એક સાથે આગળ વધવું જોઈ-ે જે દેશમાં પરિવર્તન લાવી શકે અને તેના વિકાસમાં મદદ આપી શકે.

    આરએસએસ અને સમાજ એક સમૂહ તરીકે કામ કરો

    ઓડિશાના નવ દિવસના પ્રવાસ પર આવેલા ભાગવતે કહ્યુ કે, આ અમારી ઈચ્છા છે કે આરએસએસનો ઠપ્પો હટી જાય અને આરએસએસ તથા સમાજ એક સમૂહ તરીકે કામ કરો. ચાલો તમામ શ્રેય સમાજને આપીએ. ભારતની વિવિધતાની પ્રશંસા કરતાં તેઓએ કહ્યુ કે સમગ્ર દેશ એક સૂત્રથી બંધાયેલો છે. તેઓએ કહ્યુ કે, ભારતના લોકો વિવિધ સંસ્કૃતિ, ભાષાઓ, ભૌગોલિક સ્થાનો હોવા છતાંય પોતાને એક માને છે.

    દેશમાં તમામ ધર્મોના લોકો સુરક્ષિત

    ભાગવતે કહ્યુ કે, એકતાના એક અનોખા અહેસાસના કારણે મુસ્લિમ, પારસી અને અન્ય જેવા ધર્મોથી સંબંધિત લોકો દેશમાં સુરક્ષિત અનુભવ કરે છે. તેઓએ કહ્યુ કે, પારસી ભારતમાં ઘણા સુરક્ષિત છે અને મુસ્લિમ પણ ખુશ છે. સમાજમાં ફેરફાર લાવવાની દિશામાં તેઓએ કહ્યુ કે, યોગ્ય રીતે એ છે કે એવા ઉત્કૃષ્ટ વ્યક્તિ તૈયાર કરવામાં આવે જે સમાજને બદલવા અને દેશની કાયાપલટ કરવામાં મહત્વપૂર્ણ ભૂમિકા અદા કરી શકે કારણ કે 130 કરોડ લોકોનો એક સાથે બદલાવ શક્ય નહીં થાય.

    આ પણ વાંચો,

    મનોજ તિવારી માંડ-માંડ બચ્યા, 'ગાંધી સંકલ્પ યાત્રા' દરમિયાન ફટાકડો ફેંકાયો
    શિક્ષણ અધિકારીએ મધ્યાહ્ન ભોજનમાં માણી ચિકન કરીની લિજ્જત, થઇ આવી સજા
    Published by:Mrunal Bhojak
    First published: