મોદી સરકારે તૈયાર કર્યો આ મેગા પ્લાન, હવે ઉનાળામાં વીજ કાપ નહીં થાય!

નવી દિલ્હી: કેન્દ્ર સરાકારે ગરમીની સિઝન (Summer Season)માં વીજળી કંપનીઓ (Power Companies)ને સુનિશ્ચિત કરવા કહ્યું છે કે, વીજળી કાપ મૂકવામાં આવે નહીં. વિદ્યુત મંત્રાલય તરફથી એક નિવેદનમાં કહેવામાં આવ્યું છે કે, વિદ્યુત મંત્રીએ વીજળી કંપનીઓને સુનિશ્ચિત કરવા માટે કહ્યું છે કે, ગરમીની સિઝનમાં વીજ કાપ (Power Cut) મૂકવામા આવે નહીં. કેન્દ્રીય મંત્રી આર કે સિંહે ( R K Singh તમામ હિતધારકોને સ્થિતિ પર નજીકથી નજર રાખવા અને આગામી મહિનાઓમાં વીજળીની માંગને પૂર્ણ કરવા માટે પહેલાથી જ પગલા લેવા માટે પણ કહ્યું છે.

કેન્દ્રીય વિદ્યુત મંત્રી આરકે સિંહે વીજળી સેક્ટર કંપનીઓને કહ્યું છે કે, તેઓ સુનિશ્ચિત કરે કે લોડ-શેડિગ થાય નહીં. આ બેઠકમાં રેલ, કોલસો અને વિદ્યુત મંત્રાલયોના વરિષ્ઠ અધિકારીઓ હાજર રહ્યા હતા. આ બેઠકમાં આગામી મહિનાઓમાં ખાસ કરીને એપ્રિલ 2023 અને મે 2023 દરમિયાન વીજળીની વધતી માંગને પૂર્ણ કરવા માટે વિભિન્ન પક્ષો પર ચર્ચા કરી હતી.



ઉનાળામાં પાવર કટ નહીં થાય

આ બેઠકમાં કેન્દ્રીય મંત્રીએ તમામ સંસ્થાઓને સૂચના આપી હતી કે કોલસા આધારિત પાવર પ્લાન્ટની જાળવણી અગાઉથી જ કરવામાં આવે, જેથી વીજળીની અછતના સમયમાં મેન્ટેનન્સની જરૂર ન પડે. તમામ આયાતી કોલસા આધારિત પ્લાન્ટ્સને કલમ-11 હેઠળ 16 માર્ચ, 2023થી સંપૂર્ણ ક્ષમતા સાથે કામ કરવાનું શરૂ કરવા સૂચના આપવામાં આવી છે. કોલસા આધારિત પ્લાન્ટમાં કોલસાનો પૂરતો સ્ટોક ઉપલબ્ધ કરાવવામાં આવશે.

વીજળીના વપરાશ અંગે સરકાર કાર્યવાહીમાં છે

આ બેઠકમાં નિર્ણય લેવામાં આવ્યો હતો કે વધતી માંગને પહોંચી વળવા ગેસ આધારિત પાવર પ્લાન્ટનો ઉપયોગ કરવામાં આવશે. મંત્રાલયે એનટીપીસીને તેના 5,000 મેગાવોટના ગેસ આધારિત પાવર પ્લાન્ટને એપ્રિલ-મેની લીન સિઝનમાં શરૂ કરવાનો નિર્દેશ આપ્યો હતો. આ ઉપરાંત અન્ય સંસ્થાઓ પણ 4,000 મેગાવોટની વધારાની ગેસ આધારિત પાવર ક્ષમતાનો ઉપયોગ કરશે. જેથી ઉનાળાની ઋતુ દરમિયાન ઉપલબ્ધતા જળવાઈ રહે.

આ પણ વાંચો: આ એક કારણે અમિતાભ બચ્ચને ફિલ્મના સેટ પર રેખાને માર્યો હતો કસકસતો લાફો

આ પ્લાન્ટ્સ આ મહિને કાર્યરત થઈ જશે

આગામી દિવસોમાં કોલસા આધારિત નવા પ્લાન્ટ દ્વારા 2,920 મેગાવોટની વધારાની ક્ષમતા ઉપલબ્ધ કરાવવામાં આવશે. આ પ્લાન્ટ ચાલુ મહિને જ કાર્યરત થઈ જશે. આ ઉપરાંત મંત્રાલયના નિર્દેશોને અનુસરીને બરૌનીના બે પ્લાન્ટ (2X110 MW)ની ઉપલબ્ધતા દુર્બળ સમયગાળા દરમિયાન કરવામાં આવશે.

બેઠક દરમિયાન કેન્દ્રીય ઉર્જા મંત્રીએ વીજ કંપનીઓને ઉનાળાના મહિનાઓમાં લોડ-શેડિંગ ન થાય તેની ખાતરી કરવા જણાવ્યું હતું. સિંઘે તમામ હિતધારકોને પરિસ્થિતિ પર નજર રાખવા અને આગામી મહિનાઓમાં વીજ માંગને પહોંચી વળવા સક્રિય પગલાં લેવા જણાવ્યું હતું.

તમને જણાવી દઇએ કે સેન્ટ્રલ ઇલેક્ટ્રિસિટી ઓથોરિટીના મૂલ્યાંકન અનુસાર, એપ્રિલ 2023માં વીજળીની પીક ડિમાન્ડ 229 GW સુધી પહોંચી જશે. આ સમયે દેશમાં વીજળીની સૌથી વધુ માંગ છે. જ્યારે ચોમાસું દેશના દક્ષિણ ભાગથી શરૂ થાય છે અને આગામી ત્રણથી ચાર મહિનામાં સમગ્ર દેશને આવરી લે છે ત્યારે માંગમાં ઘટાડો થાય છે. કેન્દ્રીય ઉર્જા મંત્રી આરકે સિંહે 7 માર્ચે પાવર, કોલસા અને રેલ્વે મંત્રાલયોના વરિષ્ઠ અધિકારીઓ સાથે સમીક્ષા બેઠક યોજી હતી, જેમાં આગામી સિઝનમાં વીજળીની ઊંચી માંગને પહોંચી વળવા સહિતના વિવિધ પાસાઓ પર ચર્ચા કરવામાં આવી હતી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Electricity, Power Plant, Summer