Home /News /national-international /

Modi@8: દરેક નાગરિક માટે યૂનિવર્સલ, અફોર્ડેબલ હેલ્થકેર હાંસલ કરવાના માર્ગ પર છે ભારત

Modi@8: દરેક નાગરિક માટે યૂનિવર્સલ, અફોર્ડેબલ હેલ્થકેર હાંસલ કરવાના માર્ગ પર છે ભારત

મોદી સરકારને આઠ વર્ષ પૂર્ણ

Modi@8: કોરોના (Covid-19) સમયે સરકાર (Modi Goverment) દ્વારા ત્વરિત પગલાં લેવામાં આવ્યા હતા. જીનોમિક સિક્વન્સિંગ, માસ્કિંગ, ડિસ્ટન્સિંગ અને હાથ ધોવા અંગેની જાહેર આરોગ્ય જાગૃતિમાં વધારો, કોવિડ કેર કેન્દ્રોની વિશાળ માળખાકીય સુવિધાઓની રચના સહિત ઝડપી નિદાનની જાહેર/ખાનગી પહેલના સંયોજનને કારણે આપણે ટૂંક સમયમાં સ્વસ્થ થઈ ગયા હતા

વધુ જુઓ ...
    પ્રતિકૂળ પરિસ્થિતિ અને વૈશ્વિક સ્વાસ્થ્ય સંકટ સમયે યોગ્ય નિર્ણય કરી શકવાની સ્થિત કેન્દ્ર સરકારની ક્ષમતાનો પરિચય કરાવે છે. કોવિડ-19 મહામારી સમયે આપણી હેલ્થકેર સિસ્ટમ અને પડકાર પ્રત્યે સરકારની કસોટી થઈ હતી. શરૂઆતના થોડો સમય, થોડા મહિનાઓ કોઈપણ તારણો સુધી પહોંચવા માટે કઠિન હતા, પરંતુ તેના પછી આપણે હવે દેશના દરેક નાગરિક માટે સાર્વત્રિક, સધ્ધર, ટકાઉ અને પોસાય તેવી હેલ્થકેર હાંસલ કરવાના માર્ગ પર છીએ તેની ખાતરી કરવા માટે ઘણા પગલાં લેવામાં આવ્યા છે.

    છેલ્લા આઠ વર્ષમાં સરકારની કામગીરીની હાઈલાઈટ


    1) કોવિડ મહામારી અચાનક જ પેદા થયેલી ગંભીર પરિસ્થિતી જેવી હતી. તેની સામે લોકો ઝઝૂમી રહ્યાં હતા, તેમને મુશ્કેલીનો સામનો કરવો પડ્યો હતો. સરકાર દ્વારા ત્વરિત પગલાં લેવામાં આવ્યા હતા. જીનોમિક સિક્વન્સિંગ, માસ્કિંગ, ડિસ્ટન્સિંગ અને હાથ ધોવા અંગેની જાહેર આરોગ્ય જાગૃતિમાં વધારો, કોવિડ કેર કેન્દ્રોની વિશાળ માળખાકીય સુવિધાઓની રચના સહિત ઝડપી નિદાનની જાહેર/ખાનગી પહેલના સંયોજનને કારણે આપણે ટૂંક સમયમાં સ્વસ્થ થઈ ગયા હતા. દર્દીઓની સંભાળ, હોસ્પિટલની પથારી, ઓક્સિજન, ICU, ઓક્સિજનનો પુરવઠો, દવાઓ અને આક્રમક રસીકરણ આ તમામ માર્ગો સરકારે અપનાવ્યા હતા. પુખ્ત વયના લોકોને રેકોર્ડ બ્રેક રસી આપવાનો સિલસિલો ભારતમાં જોવા મળ્યો હતો. દેશને 'વેક્સિન કેપિટલ ઓફ વર્લ્ડ' તરીકે ઓળખવામાં ખૂબ ગર્વ થાય છે. હેલ્થકેર સેક્ટરમાં ખરેખર સરકારની કામગીરી પર અભિનંદન આપવા જરૂરી છે.

    2) કોવિડ મહામારીને કારણે આપણે ડિજિટલ હેલ્થકેર સ્પેસમાં હરણફાળ ભરી છે અને ગ્રામીણ-શહેરી વિભાજનને દૂર કરવા માટે ટેલિ-હેલ્થ, ટેલિ-મેડિસિન સ્વરૂપે ડિજિટલ હેલ્થકેરને ઝડપથી અપનાવી અને લાખો લોકોના જીવન પણ બચાવ્યા છે. પ્રક્રિયા નેશનલ ડિજિટલ હેલ્થ મિશન એ માત્ર વર્તમાન સમય માટે જ નહીં પણ ભવિષ્યની પેઢીઓ માટે પણ આપણી હેલ્થકેરને ડિજિટાઇઝ કરવા માટે એક મોટું પગલું છે.

    3) આપણી હેલ્થ કેરમાં મુખ્ય ખામીઓ પૈકીની એક સામાન્ય માણસ માટે સાર્વત્રિક આરોગ્ય કવરેજનો અભાવ હતો, જેના કારણે લાખો લોકો ગરીબીમાં ધકેલાઈ ગયા હતા. આયુષ્માન ભારત કાર્યક્રમ વિશ્વનો સૌથી મોટો સાર્વત્રિક આરોગ્ય કવરેજ કાર્યક્રમ છે. જે ગરીબીમાં જીવતા લગભગ 500 મિલિયન નાગરિકોને આવરી લે છે. હવે તેમાં વીમો ન હોય તેવા મધ્યમ વર્ગનો પણ સમાવેશ થશે. આપણે તેને વ્યવહારુ, ટકાઉ અને યુએસએની મેડિકેર અને યુકેની NHS સાથે તુલનાત્મક બનાવવા માટે સખત મહેનત કરવી પડશે.

    4) ડાયગ્નોસ્ટિક સેક્ટર, ફાર્મા અને વેક્સિનેશન ઈન્ડસ્ટ્રી કોઈ પણ રાષ્ટ્રે કટોકટીમાં કેવી રીતે પ્રતિક્રિયા આપવી જોઈએ તેના ઉત્તમ ઉદાહરણો હતા. ઘણી સાર્વજનિક-ખાનગી પહેલોએ આ કામ ઝડપી બન્યું હતું.

    5). સરકાર દ્વારા આરોગ્ય સંભાળ ખર્ચ જીડીપીના 2 ટકાથી પણ ઓછો છે જે ઘણા બ્રિક્સ દેશોમાં જીડીપીના 4-5 ટકાના આદર્શ ખર્ચ જેટલા છે. જો કે મહામારીએ આને અમુક અંશે બદલી નાખ્યું અને ગયા વર્ષે હેલ્થકેર બજેટરી ફાળવણીમાં નોંધપાત્ર વધારો થયો, જે ફરીથી યોગ્ય દિશામાં એક પગલું છે.

    6) દરેક જિલ્લામાં ઓછામાં ઓછી એક મેડિકલ કોલેજની સ્થાપના એ બીજી પ્રશંસનીય સિદ્ધિ છે; આનો હેતુ ખાસ કરીને ગ્રામીણ અને બિન-શહેરી વિસ્તારોમાં ડોકટરો અને અન્ય આરોગ્યસંભાળ કામદારોની સંખ્યામાં વધારો કરવાનો છે.

    7) ક્ષમતાના નિર્માણમાં પણ ઝડપી પગલાં લેવામાં આવ્યા હતા જેથી ત્રીજી લહેર દરમિયાન પથારી, ફંડ્સ, દવાઓ અથવા રસીની કોઈ અછત ન સર્જાઈ.

    8) જાહેર આરોગ્ય ક્ષેત્રે, 2025 સુધીમાં ટીબી નાબૂદ કરવાનું પગલું એ બીજી નોંધપાત્ર સિદ્ધિ છે

    દેશને આરામ કરવો પોસાય તેમ નથી


    (1) ઉચ્ચ શિશુ અને પ્રસૂતિ મૃત્યુદર અને કુપોષણથી આપણા દેશના કેટલાક ભાગો સતત પીડાઈ રહ્યાં છે. પ્રાથમિક, જાહેર અને નિવારક હેલ્થ સ્ટ્રેટેજીઓને મજબૂત બનાવવી એ સમયની જરૂરિયાત છે. 2014 માં શરૂ કરાયેલ મિશન ઇન્દ્રધનુષ એ બાળકોમાં રસી દ્વારા નિવારણ કરી શકાય તેવી બિમારી માટે મોટા પાયે રસીકરણનો કાર્યક્રમ શરૂ કરાયો છે અને બાળરોગના કારણે રોગ અને મૃત્યુદરને રોકવામાં નોંધપાત્ર સફળતા મેળવી છે.

    (2) નોન કોમ્યુનિકેબલ રોગો (NCDs) અથવા જીવનશૈલીના રોગોના ભારણમાં મોટો વધારો એ અન્ય એક ક્ષેત્ર છે, જેના પર તાત્કાલિક ધ્યાન આપવાની જરૂર છે. વિકાસશીલ દેશ તરીકે આપણે એનસીડીના બેવડા બોજ સામે આપણે ટકી શકતા નથી - સામાન્ય રીતે ત્રીજા વિશ્વના દેશોમાં ચેપી રોગો જોવા મળતા હોય છે.

    આપણે ચોક્કસપણે બીમારીને સારવારથી દૂર કરીને સુખાકારીને પ્રોત્સાહન આપવાની જરૂર છે અને દેશભરમાં વેલનેસ સેન્ટરો બનાવીને ફરીથી આ મુદ્દા પર ધ્યાન આપવામાં આવી રહ્યું છે.

    (3) પર્યાવરણીય પ્રદૂષણની વધતી જતી સમસ્યાને દૂર કરવા માટે તાત્કાલિક ધ્યાન આપવાની જરૂર છે. તે આપણા સ્વાસ્થ્ય અને સંસાધનોને નષ્ટ કરી રહી છે. જો આપણે જલ્દી કામ ન કરીએ તો આપણે ચોક્કસ નાશ પામીશું.

    (4) આઝાદી પછીના ભારતને બધા માટે મફત આરોગ્યસંભાળ સાથે સમાજવાદી હેલ્થ કેર મોડેલ તરીકે જોવામાં આવતું હતું - પરંતુ ખાનગી હેલ્થકેર સેક્ટરમાં ઝડપી પ્રગતિ થઈ છે, જે હવે આપણા દેશમાં ત્રણ ચતુર્થાંશ કેર ધરાવે છે, ત્યારે જાહેર હેલ્થકેર સેક્ટર પાછળ રહી ગયું છે. ગુણવત્તા અને સસ્તું સેવાઓ માટે ગરીબો સંઘર્ષ કરી રહ્યા છે. આને બદલવું પડશે.

    આ ટૂંક સમયમાં બદલાઈ જશે એવી આશા છે. સરકારે હેલ્થકેર બજેટમાં નોંધપાત્ર વધારો કર્યો છે અને આશા છે કે દેશમાં હેલ્થકેર સુવિધાઓ સુધારવા માટે ખૂબ જ જરૂરી પ્રોત્સાહન પૂરું પાડશે અને મોટાભાગના BRICS દેશોની સમકક્ષ હેલ્થકેર બજેટ પણ લાવશે.

    5) જો કે આપણે ડોકટરો અને હેલ્થકેર કર્મચારીઓને તાલીમ આપવામાં અભૂતપૂર્વ પ્રગતિ કરી છે અને ભારત હવે વૈશ્વિક સમુદાય માટે હેલ્થકેર કર્મચારીઓના લીડિંગ પ્રોવાઈડર્સમાંનું એક છે, તબીબી શિક્ષણ વિશાળ બહુમતી માટે અપ્રાપ્ય અને પરવડે તેવું રહ્યું છે.

    ગ્રામીણ મેડિકલ કોલેજોની સ્થાપના અને તાલીમના ખર્ચમાં સબસિડી આપવાથી તબીબી તાલીમના ખર્ચમાં ઘટાડો થશે. આપણે લાયક વિદ્યાર્થીઓ માટે શિષ્યવૃત્તિ, લોન વગેરે પર પણ ગંભીરતાથી જોવું જોઈએ.

    આ પણ વાંચોModi@8: પ્રધાનમંત્રી તરીકે નરેન્દ્ર મોદીના 8 વર્ષ પૂર્ણ થવા પર ગુજરાત સીએમ ભુપેન્દ્ર પટેલે શું કહ્યું?

    6) અંતમાં ગરીબી અને હેલ્થકેર એક બીજાની સાથે જોડાયેલા છે અને જ્યાં સુધી આપણે ગરીબી દૂર નહીં કરીએ, ત્યાં સુધી આપણા નાગરિકોની હેલ્થકેરમાં સુધારો કરવો મુશ્કેલ છે.
    First published:

    Tags: પીએમ નરેન્દ્ર મોદી, પીએમ મોદી, પ્રધાનમંત્રી, પ્રધાનમંત્રી મોદી

    આગામી સમાચાર