તુર્કીમાં ચમત્કાર! 21 દિવસ બાદ કાટમાળમાંથી જીવતો ઘોડો નીકળ્યો, બધા આશ્ચર્યચકિત થઈ ગયા

અદિયામન : આ મહિનાની શરૂઆતમાં તુર્કીમાં આવેલા વિનાશક ભૂકંપના 21 દિવસ બાદ અદિયામાન શહેરમાં એક ઈમારતના કાટમાળમાંથી એક ઘોડો જીવતો મળી આવ્યો છે. તાંસુ યેગન નામના યુઝરે ટ્વિટર પર એક ક્લિપ શેર કરી છે, જેમાં સ્વયંસેવકોની એક ટીમ કાટમાળમાંથી આ ઘોડાને બહાર કાઢતી જોવા મળી રહી છે.

આ વિડિયો શેર કરતાં તેણે લખ્યું, 'અદ્ભુત, અદ્ભુત, અદ્ભુત... અદિયામાનમાં ભૂકંપના 21 દિવસ પછી, ટીમે બિલ્ડિંગના કાટમાળમાં જીવતા મળી આવેલા ઘોડાને બચાવ્યો.'

જણાવી દઈએ કે 6 ફેબ્રુઆરીએ તુર્કીમાં આવેલા શક્તિશાળી ભૂકંપ બાદ અદિયામાનને ઘણું નુકસાન થયું હતું. આ ભૂકંપ એટલો જોરદાર હતો કે તેના આફ્ટરશોક હજુ પણ અનુભવાઈ રહ્યા છે. અહીં દેશના દક્ષિણ ભાગમાં સોમવારે 5.6ની તીવ્રતાનો ભૂકંપ આવ્યો હતો, જેને આફ્ટરશોક માનવામાં આવે છે.

Amazing amazing amazing

In Adiyaman, a horse found alive in the rubble of a building 21 days after the earthquake was rescued by the teams👏👏👏#earthquake #horse #turkey #adiyaman pic.twitter.com/XSFAQjbKYX

— Tansu YEĞEN (@TansuYegen) February 27, 2023

આ તાજેતરના ભૂકંપમાં એક વ્યક્તિનું મૃત્યુ થયું હતું, જ્યારે કેટલીક ઇમારતો જે પહેલેથી જર્જરિત હતી તે જમીન પર ધસી ગઈ હતી. દેશની ડિઝાસ્ટર મેનેજમેન્ટ એજન્સી એએફએડીના વડા યુનુસ સેઝરે જણાવ્યું હતું કે સોમવારના ભૂકંપનું કેન્દ્ર માલત્યા પ્રાંતના યેસિલ્ટર શહેરમાં હતું. આ ભૂકંપમાં 69 લોકો ઘાયલ થયા હતા, જ્યારે બે ડઝનથી વધુ ઈમારતો ધરાશાયી થઈ હતી.

તમને જણાવી દઈએ કે ભૂકંપને કારણે તુર્કી અને સીરિયામાં અત્યાર સુધીમાં 48,000 થી વધુ લોકોના જીવ ગયા છે. 6 જાન્યુઆરીના શક્તિશાળી ભૂકંપથી, આ ક્ષેત્રમાં લગભગ 10,000 આફ્ટરશોક્સ આવ્યા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Earthquakes, Horse, Turkey