Corona Update : બેઇજિંગમાં કોરોનાથી હાહાકાર, કરોડો લોકોના અઠવાડિયામાં 3 વાર થશે ટેસ્ટ

ચીનમાં કોરોના વાયરસનો કહેર સતત વધી રહ્યો છે. ચીનની રાજધાની બેઇજિંગના સૌથી મોટા જિલ્લા ચાઓયાંગે તેના રહેવાસીઓ માટે અઠવાડિયામાં ત્રણ વખત પરીક્ષણ કરવાનો આદેશ આપ્યો છે. કોરોના ટેસ્ટિંગ વધારવાની સાથે લોકો શાંઘાઈ જેવા કડક લોકડાઉનથી પણ ડરી રહ્યા છે. જેના કારણે જરૂરી ચીજવસ્તુઓની દુકાનો પર લોકોની લાંબી લાઈનો જોવા મળી રહી છે. બેઇજિંગમાં ખોરાક, અનાજ અને માંસની અછત છે.

છેલ્લા ત્રણ દિવસમાં કોરોનાના ડઝનબંધ કેસ નોંધાયા છે. સોમવારે, બેઇજિંગમાં 70 કેસ નોંધાયા હતા, જેમાંથી 46 ચાઓયાંગમાં હતા. 22 મિલિયન લોકોના બેઇજિંગ શહેરમાં, ચાઓયાંગમાં 3.5 મિલિયન લોકો છે. સંક્રમિતોની સંખ્યા ભલે ઓછી હોય, પરંતુ કોરોના સામે રક્ષણ માટે સરકાર શાંઘાઈની જેમ કડક લોકડાઉન લાદી શકે છે. શાંઘાઈ છેલ્લા ચાર અઠવાડિયાથી કડક લોકડાઉન હેઠળ છે. ચીન હાલમાં કોવિડ-19ના ઝડપથી ફેલાતા ઓમિક્રોન વેરિઅન્ટ સામે લડી રહ્યું છે.

બેઇજિંગનું ચાઓયાંગ બિઝનેસનું કેન્દ્ર છે. મોટી ઈમારતોની સાથે સાથે અહીં ઘણા મોટા મોલ અને એમ્બેસી આવેલા છે. અત્યાર સુધીમાં, બેઇજિંગના 16માંથી 8 જિલ્લાઓમાં કોરોનાના કેસ નોંધાયા છે, જ્યાં એક પણ કેસના કિસ્સામાં અધિકારીઓ બિલ્ડિંગને સીલ કરી રહ્યા છે. એક સરકારી અધિકારીએ રવિવારે કહ્યું કે શહેરમાં એક અઠવાડિયાથી ચેપની સાંકળ ફેલાઈ ગઈ હતી, ત્યારપછી તેઓ સતર્ક થઈ ગયા હતા. રાજધાનીના કેસ શાંઘાઈની તુલનામાં ઓછા છે, પરંતુ ત્યાં ખોરાકની અછત છે, જેનાથી એવું લાગે છે કે બેઇજિંગના લોકો કોઈપણ પ્રકારનું જોખમ લેવા માંગતા નથી.

આ પણ વાંચો - કોરોના કેસની સુપરફાસ્ટ સ્પીડે વધારી ચિંતા, કયા રાજ્યમાં શું છે પરિસ્થિતિ, જાણો શું છે પ્રતિબંધ

સ્થાનિક મીડિયા અનુસાર, ઘણા બજારોમાં ખાદ્યપદાર્થોની ભારે અછત સર્જાઈ છે. ડિલિવરી એપ્સ દ્વારા એવું પણ કહેવામાં આવ્યું છે કે તેઓ શાકભાજી અને માંસનો સ્ટોક આઉટ ઓફ સ્ટોક છે. સોશિયલ મીડિયા પર, લોકો સતત તેમના પરિચિતોને જરૂરી વસ્તુઓનો સ્ટોક કરવા માટે કહી રહ્યા છે, કારણ કે લોકડાઉન ગમે ત્યારે થઈ શકે છે.

આ પણ વાંચો -New Virus : બ્રિટનમાં નવા રહસ્યમય વાયરસની એન્ટ્રી! બાળકોમાં હિપેટાઇટીસના કેસ વધ્યા

અધિકારીઓ દ્વારા સૂચના આપવામાં આવી છે કે ચાઓયાંગમાં રહેતા અને કામ કરતા લોકોએ અઠવાડિયામાં ત્રણ દિવસ સોમવાર, બુધવાર અને શુક્રવારે કોરોના ટેસ્ટ કરાવવો પડશે. બાદમાં તેમણે એમ પણ કહ્યું કે મોટાપાયે પરીક્ષણ 10 અન્ય જિલ્લાઓમાં પણ લંબાવવામાં આવ્યું છે. અધિકારીઓની જાહેરાત બાદથી લોકોએ સતત માલનો સ્ટોક કરવાનું શરૂ કરી દીધું છે. હવે 11 જિલ્લાના કરોડો લોકોએ અઠવાડિયામાં ત્રણ વખત ટેસ્ટ કરાવવો પડશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર